Joshuwa 19:47 - Kriol Baibul

^47-48 Wal ola femili brom det klen blanga Den bin gedim ol detlot taun en ol detlot kantri na. Bat afta ola enami blanga olabat bin andimwei olabat brom det kantri, en deibin go nowathwei raidap langa wanbala taun gulum Layish, en deibin kilim ola pipul deya, en afta wen deibin teikoba det taun, deibin gibit nyuwan neim langa det taun. Deibin gulum det taun Den, dumaji olabat grengrenfatha bin neim Den.

Joshuwa 19:47 Iomraidhean Croise

Sekan Semyul 24:6

en brom deya deibin kipgon langa det kantri gulum Giliyad raidap langa det pleis gulum Keidish deya langa det kantri blanga det Hitait traib. Brom deya deibin go langa det taun gulum Den, en brom deya deibin go sangodanwei langa det taun gulum Saidan.

Dyudaranami 33:22

Blanga det klen blanga Den Mosis bin tok, “Wal yumob jis laiga yangwan laiyan weya im oldei jampap brom Beishan.”

Joshuwa 19:46

Mejakan en Reikan, en deibin gedim det kantri raidaran langa det taun gulum Jopa.