Joshuwa 19:33 - Kriol Baibul

³³ Det boda nowathsaid langa olabat kantri bin go brom det taun gulum Helef raidap langa det tri dei gulum ouktri deya gulijap langa det taun gulum Seinanim, en brom deya imbin go langa det taun gulum Edaminakeb raidap langa det dubala taun gulum Jeimniya en Leikam olawei raidap langa det Jodan Riba.

Joshuwa 19:33 Iomraidhean Croise

Joshuwa 19:32

Wal ola femili brom Neftali klen bin gedim olabat kantri du.

Joshuwa 19:34

Det boda sauthsaid langa olabat kantri bin go sangodanwei brom det Jodan Riba raidap langa det taun gulum Esnoteibo. Det boda sangodansaid langa olabat kantri bin go nowathwei brom det taun gulum Esnoteibo, en imbin bulurrum det boda blanga det kantri blanga Sebyulan klen raidap langa det taun gulum Hukak, en brom deya imbin bulurrum det boda blanga det kantri blanga Esha klen. Det boda sanraisaid langa olabat kantri bin bulurrum det Jodan Riba.

Jadjis 4:11

Wal longtaim wanbala men neim Hiba bin ringimap im tent gulijap langa Kedish wansaid langa det tri gulum ouktri deya langa det taun gulum Seinanim. Det men bin brom det traib gulum Kenait. Det traib bin kamat brom Hobab det men hubin merrit langa Mosis sista. Bat Hiba bin kadimat miselp brom im kantrimen olabat, en imbin oldei jidan miselp.