Joshuwa 19:29 - Kriol Baibul

²⁹ Det boda nowathsaid langa olabat kantri bin go brom det taun gulum Saidan raidap langa det taun gulum Rema olawei langa det taun gulum Taya, en brom deya imbin go langa det taun gulum Hosa raidap langa det solwoda gulum Medatareiniyan. Esha klen bin gedim najalot taun du gulum Mahalab, Eksib,

Joshuwa 19:29 Iomraidhean Croise

Jenasis 38:5

Wanmo igin det gel bin abum najawan lilboi blanga Juda, en dubala bin gulum im neim Shela. Wen det lilboi bin bon, Juda en im waif bin jidan langa det pleis gulum Eksib.

Sekan Semyul 24:7

Brom deya deibin go sauthwei langa det strongwan taun gulum Taya, en brom deya deibin kipgon raidap langa ola taun blanga det Hibait traib en det Keinanait traib, en laswan deibin go raidap langa det taun gulum Biyashiba deya langa sauthsaid langa Juda.

Sekan Semyul 5:11

Wal wan men neim Hairam bin jidan king langa det kantri gulum Taya, en imbin jandim sambala men langa King Deibid blanga meigim im gudbinji, en imbin jandim sambala kapinta garram loda timba brom det sidatri blanga album King Deibid meigimbat haus, en imbin jandim sambala wekinmen weya sabi bildimap haus garram ston du.

Fes Kings 5:15

En Salaman bin abum 80,000 wekinmen blanga kadimbat ola ston langa det hil kantri, en 70,000 wekinmen blanga garrimap detlot hebiwan ston,

Isikiyel 28:21

“Isikiyel, yu tok adbalawei langa detlot pipul langa det kantri gulum Saidan,

Maika 1:14

“En ol yumob Juda pipul deya langa det taun gulum Morashegeth, yumob kantrimen olabat garra tok gudbai langa yumob. “En ol yumob Juda pipul deya langa det taun gulum Eksib, yumob kaan album detlot king blanga ola Isreil pipul, dumaji yumob garra ol binij.

Sekaraiya 9:3

Detlot pipul brom det taun gulum Taiya bin bildimap haiwan wol blanga kipum miselp seif. Deibin hipimap detmatj silba en gol blanga olabat selp jis laik bigmob graun weya hipap.

Joshuwa 18:25

En deibin gedim detlot taun gulum Gibiyan, Rema, Biroth,

Joshuwa 19:30

Yuma, Afek en Reiyob. Deibin gedim ol detlot 22 taun garram ola lilwan taun du weya jidan raidaran langa detlot taun.

Jadjis 1:31

Wal detlot solja brom Esha klen nomo bin andimwei detlot Keinanait pipul brom detlot sebenbala taun gulum Eko, Saidan, Alab, Eksib, Helba, Afek en Reiyob,