Joshuwa 19:26 - Kriol Baibul

²⁶ Elamelek, Amad en Mishal. Deibin gedim najalot taun du. Det boda sangodansaid langa olabat kantri bin go langa det hil gulum Kamul raidap langa det krik gulum Shihowalibnath.

Joshuwa 19:26 Iomraidhean Croise

Fes Kings 18:19

Wal tudei na yu garra jandim oda langa ol detlot Isreil pipul blanga midim mi deya langa det hil gulum Kamul. Yu garra bringimap garram yu detlot 450 speshalwan mesinja blanga Beil, en detlot 400 speshalwan mesinja blanga det gelwan drimin sheip gulum Eshara weya det Kwin Jesabel oldei albumbat olabat.” Lagijat na Ilaija bin tok.

Fes Kings 18:20

Wal King Eiheb bin dalim ol detlot Isreil pipul en ol detlot speshalwan mesinja blanga Beil blanga go en midap langa det hil gulum Kamul.

Fes Kings 18:42

Wal wen King Eiheb bin go en dagat daga, seimtaim du Ilaija bin go en galimap ontop langa det hil gulum Kamul en deya na imbin nildan feisdan langa graun en imbin prei langa YAWEI.

Sekan Kings 2:25

Brom deya Ilaisha bin kipgon langa det hil gulum Kamul en afta imbin gobek langa Sameriya.

Fes Kranakuls 6:74

En langa det kantri blanga det Esha klen deibin abum dislot taun gulum Mashal, Ebdan, Hukak en Reiyob.

Brabli Gudwan Song 7:5

Yu jis laik det brabli haibala hil gulum Kamul. Yu heya im brabli shainiwan en blekwan, en im brabli purdiwan, en im gin meigim eni king wandim yu.

Aisaiya 33:9

Detlot fam jidan nomo garram enijing en olabat brabli draiwan. Ol detlot tri langa det bigwan hil gulum Lebanan deibin binijap, en det hil kantri langa Sheran im jidan wulijim det deset kantri, en detlot tri langa Beishan en Kamul jidan nomo garram eni bushis na.” Lagijat na aibin tok.

Aisaiya 35:2

Det deset kantri garra sing en jinginatbat gudbinjiwei. En im garra jidan brabli purdiwan jis laik det hil kantri gulum Lebanon en brabli gudwan kantri garram fam jis laik Kamul en Sheran Beli. En ebribodi garra luk det strongbala pawa blanga YAWEI det trubala God.”

Aisaiya 37:24

Yubin larram yu wekinmenmob mokimbat mi, YAWEI. En yubin reken miselp, dumaji yubin lidimbat ola hosis en bagi langa det brabli haibala hil kantri blanga Lebanan. En yubin go langa det bush kantri en kadimbat ola gudbala sidatri en saiprastri.

Jeramaiya 46:18

“Mi na YAWEI det boswan God. Oni mi na jidan king. Mi na det laibalawan God en trubala ai dalim yumob. Wulijim det bigiswan hil gulum Teibowa weya jidan brabli haiwan langa najalot hil, en det bigwan hil gulum Kamul weya jandap brabli haibala gulijap langa solwoda, wal lagijat na det brabli strongbala boswan garra kaman en fait langa yumob.

Joshuwa 15:55

En deibin gedim ol detlot taun neim Mayan, Kamul, Sif, Jata,

Joshuwa 19:25

en deibin gedim detlot sebenbala taun gulum Helkath, Heli, Beten, Ekshaf,

Joshuwa 19:27

Det boda sauthsaid langa olabat kantri bin go raidap langa det taun gulum Bedeigan, en brom deya imbin bulurrum det boda blanga det kantri blanga Sebyulan klen raidap langa det pleis gulum Iftahel Beli, en brom deya imbin go nowathwei langa det dubala taun gulum Bethamek en Neiyel, en brom deya imbin kipgon langa detlot najalot taun gulum Kabul,

Joshuwa 21:30

En brom det kantri blanga Esha klen deibin gibit olabat detlot fobala taun gulum Mishal, Abdan,

Fes Semyul 15:12

Ailibala na Semyul bin go lukabat King Sol. Imbin irrim King Sol bin go langa wan taun gulum Kamul weya imbin bildimap ston blanga meigim ola pipul jinggabat im olataim, en afta imbin gobek langa det pleis gulum Gilgel.