Joshuwa 19:22 - Kriol Baibul

²² Shahasama en Bethshemesh. Deibin gedim ol detlot 16 taun garram ola lilwan taun du weya jidan raidaran langa detlot taun. Det boda nowathsaid langa olabat kantri bin go brom det hil gulum Teibowa raidap langa det Jodan Riba.

Joshuwa 19:22 Iomraidhean Croise

Fes Kings 4:9

Bendeka bin bos blanga ola taun gulum Makas, Shalbim, Bethshemesh, Ilan en Bethanan.

Fes Kranakuls 6:62

Wal detlot femili blanga Geshan bin gedim 13 taun brom Isaka, Esha, en det Neftali klen, en det Sanraiswei Manesa klen hubin kaman brom Beishan.

Fes Kranakuls 6:77

Wal ol detlot najalot femili blanga Merarai bin abum dislot taun garram olabat gudwan kantri blanga buligi en ship gulijap langa detlot taun. Langa det kantri blanga det Sebyulan klen deibin abum dislot taun gulum Rimono en Teibowa. En langa det kantri blanga det Rubin klen sanraiswei langa det Jodan Riba en weya yu garra gopas langa Jeriko deibin abum dislot taun gulum Besa, weya bin jidan langa det fletwan kantri ontop langa hil, en Jasa, Kedemoth, en Mefath. En langa det kantri blanga det Ged klen deibin abum dislot taun gulum Remoth langa Giliyad, Mahanaiyim, Heshban en Jeisa.

Ola Saam 89:12

Yubin meigim nowath en sauth. Teibowa en Heman, det dubala bigwan hil sing langa yu gudbinjiwei.

Jeramaiya 46:18

“Mi na YAWEI det boswan God. Oni mi na jidan king. Mi na det laibalawan God en trubala ai dalim yumob. Wulijim det bigiswan hil gulum Teibowa weya jidan brabli haiwan langa najalot hil, en det bigwan hil gulum Kamul weya jandap brabli haibala gulijap langa solwoda, wal lagijat na det brabli strongbala boswan garra kaman en fait langa yumob.

Joshuwa 19:12

En brom det taun gulum Sarid det boda bin go sanraiswei langa det taun gulum Kisloteiba raidap langa det taun gulum Daberath olawei langa det taun gulum Jeifiya en langa det dubala taun gulum Gethefa en Ikasin.

Joshuwa 19:21

Remeth, Enganim, Enada, Bethpases,

Joshuwa 19:23

Wal ola femili brom Isaka klen bin gedim ol detlot taun en ol detlot kantri na.

Joshuwa 19:38

Yairan, Migdalel, Horam, Bethanath en Bethshemesh. Deibin gedim ol detlot 19 taun garram ola lilwan taun du weya jidan raidaran langa detlot taun.

Jadjis 4:12

Wal wen Sisera bin irrim Barak bin go langa det hil gulum Teibowa, imbin majurrumap detlot 900 hosis en bagi en ola solja blanga im deya langa det taun gulum Harosehethagoyim, en imbin jandim olabat langa det Kishan Riba.

Jadjis 4:6

Wal wandei Debra bin jandim wed langa wanbala men neim Barak. Det men bin san blanga det men neim Abinowam brom det taun gulum Kedish deya langa det kantri blanga det Neftali klen, en wen Barak bin go langa im, Debra bin dalim im, “YAWEI det trubala God blanga ola Isreil pipul bin gibit yu oda. Yu garra deigim 10,000 solja brom det dubala klen gulum Sebyulan en Neftali, en yu garra deigim olabat langa det hil gulum Teibowa,