Joshuwa 18:21 - Kriol Baibul

²¹ Det Benjamin klen bin gedim ol detlot taun gulum Jeriko, Bethogla, Emekesis

Joshuwa 18:21 Iomraidhean Croise

Fes Kings 3:4

Wal wantaim imbin go langa Gibiyan blanga meigim sekrifais ofring, dumaji deya na det brabliwan teibul blanga ofring bin jidan weya deibin oldei go blanga gibitbat ofring. Imbin gibit bigismob sekrifais ofring deya bifo.

Isikiyel 48:23

Wal YAWEI bin kipgon tok, “Langa sauthsaid langa dijan seikridwan pleis im blanga detlot Isreil pipul. Ebri klen blanga Isreil garra abum olabat ronwan kantri brom sanraiswei raidap langa sangodanwei. Dislot klen garra abum olabat ronwan kantri brom nowathwei raidap langa sauthsaid, Benjamin, Simiyan, Isaka, Sebyulan en Ged.

Luk Bin Dalim Ola Stori Blanga Jisas Langa Wan Jintail Men 10:30

Wal Jisas bin tok, “Wantaim wan men bin gowei brom Jerusalem blanga go langa det najawan taun gulum Jeriko, en wen imbin wokwok langa roud, sambala men bin grebum im, en deibin beldim im, en deibin pulumat im ola enijing, en deibin kilim im haf ded, en deibin libum im deya wansaid langa det roud.

Luk Bin Dalim Ola Stori Blanga Jisas Langa Wan Jintail Men 19:1

Brom deya Jisas en im wekinmen olabat bin gopas langa Jeriko.

Joshuwa 15:6

en imbin go sangodanwei langa det taun gulum Bethogla, en imbin nowathsaid langa det hil gulum Bethaba, en brom deya imbin go raidap langa det pleis gulum Bowan Ston. Wan san blanga det olmen neim Rubin bin neim Bowan, en deibin gibit det neim langa det ston na.

Joshuwa 18:12

Det boda nowathsaid langa olabat kantri bin stat deya langa det Jodan Riba, en imbin go langa det hil kantri nowathsaid brom Jeriko, en brom deya imbin go sangodanwei langa det hil kantri raidap langa det deset kantri gulum Bethaben.

Joshuwa 18:19

en brom deya imbin godan langa det Jodan Riba kantri nowathsaid brom det hil gulum Bethogla raidap langa det solwoda gulum Dedsi deya langa det mawus blanga det Jodan Riba.

Joshuwa 18:20

Det boda sanraisaid langa det kantri blanga olabat bin bulurrum det Jodan Riba. Lagijat na det boda bin ran raidaran langa detlot kantri blanga Benjamin klen.

Joshuwa 18:22

Betheraba, Semaraiyim, Bethel,

Joshuwa 2:1

Brom deya Joshuwa bin dalim dubala men, “Yunbala garra krosim det riba, en yunbala garra go en lukaran det kantri snikinwei, en yunbala garra lukaran det taun gulum Jeriko brabliwei.” Wal det dubala men bin gowei brom det pleis gulum Akeisha weya ola Isreil pipul bin kemp, en wen dubala bin kamat langa Jeriko, dubala bin go langa det haus blanga wan nogudbala gel neim Reiheb. Det gel bin oldei larram eni men kaman en silip garram im. Bat det dubala men bin go langa im haus blanga blandim miselp.

Joshuwa 6:1

Wal ol detlot pipul langa det taun gulum Jeriko bin bradin blanga detlot Isreil pipul, en deibin jadimap det geit langa det taun brabliwei, en nobodi bin lau gowin langa det taun en kamat brom det taun.

Jadjis 1:16

Wal ola femili blanga det lambarra blanga Mosis bin Kenait pipul, en deibin gowei brom Jeriko garram det Juda klen, en deibin go raidap langa det deset kantri sauthsaid brom det taun gulum Erad deya langa det kantri blanga Juda klen, en deya na deibin jidanbat garram ola Amalekait pipul.