Joshuwa 18:15 - Kriol Baibul

^15-16 Det boda sauthsaid langa olabat kantri bin go brom det taun gulum Kiriyajerim langa det pleis gulum Neftowa Spring raidap langa det hil deya langa det pleis gulum Hinam Beli nowathsaid langa det pleis gulum Refait Beli, en brom deya imbin go thru langa det Hinam Beli sauthsaid brom det hil blanga detlot Jebusait pipul raidap langa det pleis gulum Enrogel,

Joshuwa 18:15 Iomraidhean Croise

Joshuwa 15:5

Det boda sanraisaid langa olabat kantri bin bulurrum det solwoda gulum Dedsi raidap langa det mawus blanga det Jodan Riba. Det boda nowathsaid langa olabat kantri bin stat deya langa det mawus blanga det Jodan Riba,

Joshuwa 15:9

en brom deya imbin go langa det pleis gulum Neftowa Spring raidap langa detlot taun gulijap langa det hil gulum Ifran, en brom deya imbin go langa det hil gulum Beila o Kiriyajerim,

Joshuwa 18:14

Det boda sangodansaid langa olabat kantri bin go sauthwei brom det hil raidap langa det taun blanga Juda klen gulum Kiriyabeil o Kiriyajerim.

Joshuwa 9:17

En wen detlot Isreil pipul bin faindat, deibin bulurrum detlot pipul, en thrideistaim deibin kamat langa det fobala taun weya detlot pipul bin oldei jidan. Det fobala taun na deibin gulum Gibiyan, Kefara, Biroth en Kiriyajerim.