Joshuwa 17:2 - Kriol Baibul

² Detlot najalot san blanga Manesa bin neim Abaiyesa, Helek, Esriyel, Shekam, Hefa en Shemida. Loda femili bin kamat brom olabat, en ol detlot femili bin gedim sambala kantri sangodansaid brom det Jodan Riba.

Joshuwa 17:2 Iomraidhean Croise

Fes Kranakuls 7:18

Wal Giliyad bin abum sista gulum Heimaleketh en imbin abum thribala san neim Ishod, Abaiyesa en Mala.

Joshuwa 17:1

Wal Manesa klen hubin kamat brom Josef bin kadimat miselp, en haf det klen bin gedim det kantri sanraisaid brom det Jodan Riba, en haf bin gedim det kantri sangodansaid. Det bigiswan san blanga Josef neim Manesa bin abum sebenbala san. Det bigiswan san blanga im bin neim Mekiya, en imbin brabli gudwan solja, en imbin abum san neim Giliyad. Wal ola femili hubin kamat brom Mekiya bin gedim det dubala kantri gulum Giliyad en Beishan sanraisaid brom det Jodan Riba.

Joshuwa 17:3

Det san blanga Mekiya neim Giliyad bin abum san neim Hefa, en Hefa bin abum san neim Selafad, en Selafad nomo bin abum eni san. Bat imbin abum faibala doda. Olabat bin neim Mala, Nowa, Hogla, Milka en Taisa.

Jadjis 6:11

Afta na det einjul blanga YAWEI bin go langa det taun gulum Ofra, en imbin jidan andanith langa wanbala ouktri. Det tri bin blanga wanbala men neim Jowesh brom det femili gulum Abaiyesa, en Jowesh bin abum san neim Gidiyan. Wal wandei Gidiyan bin deigimatbat ola rabish brom ola sid daga deya insaid langa det wainpleis weya deibin oldei jusumap ola greip daga. Imbin lafta wek deya insaid langa det pleis, dumaji im nomo bin wandim detlot Midiyan pipul blanga luk im.

Jadjis 8:2

Wal Gidiyan bin dalim olabat, “Wotfo yumob wail langa mi? Ai nomo bin dum enijing langa detlot Midiyan pipul. Yumob na bin kilim olabat brabliwei. Nomeda main men bin fait brom stat, bat stil melabat nomo bin kilim bigismob enami.