Joshuwa 15:9 - Kriol Baibul

⁹ en brom deya imbin go langa det pleis gulum Neftowa Spring raidap langa detlot taun gulijap langa det hil gulum Ifran, en brom deya imbin go langa det hil gulum Beila o Kiriyajerim,

Joshuwa 15:9 Iomraidhean Croise

Sekan Semyul 6:2

en King Deibid bin deigim olabat langa det taun gulum Beila deya langa Juda. Imbin go deya blanga gajim det Seikridwan Boks blanga YAWEI det trubala God blanga deigimbek langa Jerusalem. Det Seikridwan Boks bin abum det neim blanga YAWEI det boswan God, en imbin oldei jidan deya ontop langa det boks langa midul langa det dubala sheip garram wing.

Fes Kranakuls 13:6

En King Deibid bin deigim olabat langa det taun gulum Beila, en det najawan neim bin Kiriyajerim deya langa Juda. Imbin go deya blanga gajim det Seikridwan Boks blanga YAWEI blanga deigimbek langa Jerusalem. Det Boks bin abum det neim blanga YAWEI, dumaji olabat oldei reken im jidan deya ontop langa det Boks langa midul langa det dubala sheip garram wing.

Joshuwa 15:29

Beila, Aiyim, Isim,

Joshuwa 15:60

En deibin gedim det dubala taun gulum Kiriyabeil o Kiriyajerim en Reiba garram ola lilwan taun du weya jidan raidaran langa det dubala taun.

Joshuwa 18:15

Det boda sauthsaid langa olabat kantri bin go brom det taun gulum Kiriyajerim langa det pleis gulum Neftowa Spring raidap langa det hil deya langa det pleis gulum Hinam Beli nowathsaid langa det pleis gulum Refait Beli, en brom deya imbin go thru langa det Hinam Beli sauthsaid brom det hil blanga detlot Jebusait pipul raidap langa det pleis gulum Enrogel,

Joshuwa 9:17

En wen detlot Isreil pipul bin faindat, deibin bulurrum detlot pipul, en thrideistaim deibin kamat langa det fobala taun weya detlot pipul bin oldei jidan. Det fobala taun na deibin gulum Gibiyan, Kefara, Biroth en Kiriyajerim.

Jadjis 18:12

en deibin go en kemp sangodanwei brom det taun gulum Kiriyajerim deya langa Juda, en deibin gulum det pleis weya deibin kemp Mahaneden, dumaji deibin kemp deya.

Fes Semyul 6:21

Afta na deibin jandim wed langa ola pipul langa det taun gulum Kiriyajerim. Deibin tok, “Detlot Filastain pipul bin jandimbek det Seikridwan Boks blanga YAWEI. Wal yumob lafta kaman en gajim det boks en deigimbek garram yumob.”