Joshuwa 15:19 - Kriol Baibul

¹⁹ En det gel bin tok, “Ai wandim yu garra gibit mi sambala kantri garram woda, dumaji det kantri weya yubin gibit langa mi, im draiwan kantri.” En im dedi bin gibit langa im doda sambala kantri garram springwoda ontopwei en lodanwei.

Joshuwa 15:19 Iomraidhean Croise

Jenasis 12:9

Brom deya Eibram bin kipgon wokwok langa det deset kantri gulum Neigib.

Jenasis 33:11

“Wal kaman na. Yu deigim dislot presen weya aibin bringimap blanga yu. God bin brabli gudbinji langa mi, en imbin gibit langa mi ebrijing.” Wal Jeikob bin kipgon tok langa Isau olawei raidap imbin deigim detlot presen.

Sekan Karinthiyans 9:5

Wal blanga tharran na aibin jinggabat blanga askimbat Taidas en det dubala braja blanga wi blanga go lida langa mi en boksimap det mani redi blanga gibit weya yumob bin pramis blanga gibit. Lagijat na yumob garra abum bigmob mani redi, en yumob garra gibit det mani yumob ronselp gudbinjiwei, dumaji wen ai garra kaman langa yumob, if yumob nomo abum det mani redi, wal ai garra fosim yumob blanga gibit det mani, en ai garra meigim yumob nogudbinji.

Dyudaranami 33:7

Blanga det Juda klen Mosis bin tok, “Wal YAWEI garra irrim olabat kraikraibat langa im blanga album olabat. Olabat garra joinap garram olabat najalot klen, en olabat garra fait langa olabat enami.”

Joshuwa 15:18

en langa det seimwan dei wen det gel bin kaman langa im, Othniyel bin dalim det gel blanga go en askim im dedi blanga gibit im fam, en det gel bin go langa im dedi, en wen imbin godan brom im dongki, im dedi bin askim im, “Wanim yu wandim?”

Joshuwa 15:20

Wal ola femili brom Juda klen bin gedim loda taun wen deibin gedim olabat kantri.

Fes Semyul 25:27

“Wal bos, yu deigim dislot enijing weya aibin bringimap langa yu, en yu gibit langa yu men olabat,