Joshuwa 15:11 - Kriol Baibul

¹¹ en brom deya imbin go raidap langa det hil nowathsaid brom det taun gulum Ekran, en brom deya imbin go sangodanwei langa det taun gulum Shikaran raidap langa det hil gulum Beila, en brom deya imbin go langa det taun gulum Jeimniya raidap langa det solwoda gulum Medatareiniyan. Lagijat na det boda blanga det Juda klen bin ran nowathsaid langa olabat kantri.

Joshuwa 15:11 Iomraidhean Croise

Sekan Kings 1:16

En Ilaija bin tok, “YAWEI det trubala God blanga Isreil kaan album yu. Yubin jandim ola mesinja blanga askim Beilsibab det drimin blanga Ekran wanim garra hepin langa yu, jis laik nomo enibodi jidan deya langa Isreil. Wal yu kaan go gudbala, yu garra dai.” Lagijat na Ilaija bin tok.

Sekan Kings 1:6

En detlot mesinja bin tok, “Melabat bin midim wanbala men hubin dalim melabat blanga kambek en dalim yu wanim YAWEI bin tok langa yu. Imbin tok, ‘Wotfo yu jandimbat ola mesinja blanga yu blanga go en askim Beilsibab det drimin blanga Ekran wanim garra hepin langa yu? Yu reken nomo eni God jidan langa Isreil? Yu kaan go gudbala, yu garra dai.’ ”

Sekan Kranakuls 26:6

Bambai King Yusaiya bin go en fait langa detlot Filastain pipul. Imbin breigimap detlot wol langa detlot taun gulum Geth, Jeimniya en Eshdad. Imbin bildimap nyuwan strongwan taun gulijap langa det taun gulum Eshdad en najalot pleis langa det kantri gulum Filastain.

Nambas 34:6

“Det sangodan boda garra jidan langa det solwoda gulum Medatareiniyan.

Joshuwa 15:10

en imbin goran sangodansaid brom det hil raidap langa det hil kantri gulum Siyiya, en brom deya imbin go nowathsaid langa det hil gulum Jerim o Kesalan, en brom deya imbin godan langa det taun gulum Bethshemesh raidap langa det taun gulum Timna,

Joshuwa 15:12

Det boda sangodansaid langa olabat kantri bin bulurrum det solwoda gulum Medatareiniyan. Lagijat na det boda bin ran raidaran langa det kantri blanga det Juda klen.

Joshuwa 15:45

En deibin gedim det taun neim Ekran garram ola lilwan taun weya jidan raidaran langa det taun,

Joshuwa 15:9

en brom deya imbin go langa det pleis gulum Neftowa Spring raidap langa detlot taun gulijap langa det hil gulum Ifran, en brom deya imbin go langa det hil gulum Beila o Kiriyajerim,

Jadjis 1:18

Wal YAWEI bin album detlot Isreil pipul gedim det hil kantri. Bat dei nomo bin gedim det kantri en det thribala taun gulum Gasa, Eshkalan en Ekran. Dei nomo bin bidim ola pipul langa det thribala taun, dumaji detlot pipul bin abum loda strongwan hosis en aiyanwan bagi.

Fes Semyul 17:52

en ola Isreil solja bin jingat gudbinjiwei, en deibin aftumbat olabat blanga kilim olabat, en deibin ranimap olabat raidap langa det taun gulum Geth olawei langa det taun gulum Ekran. Detmatj dedwan Filastain solja bin leidan ebriweya langa det roud langa det taun gulum Sharaiyim olawei raidap langa det dubala taun gulum Geth en Ekran.

Fes Semyul 5:10

Wal detlot pipul bin jandimwei det Seikridwan Boks langa det najawan taun gulum Ekran, en wen det boks bin kamat deya, detlot pipul brom det taun bin tok, “Wotfo deibin bringimap det boks iya? Maitbi dei wandi meigim wi dai du!”

Fes Semyul 5:8

Afta na deibin jandim wed langa ola Filastain king blanga kaman langa olabat, en wen detlot faibala king bin kamat deya, detlot pipul bin askim olabat, “Wanim wi garra dum garram det Seikridwan Boks weya det drimin blanga ola Isreil pipul jidan?” Wal detlot king bin tok, “Yumob garra deigim det Boks langa det najawan taun blanga wi gulum Geth.” Wal afta deibin deigim det boks langa det taun,

Fes Semyul 7:14

en detlot Isreil pipul bin gedimbek ol detlot taun en kantri brom detlot Filastain pipul brom det taun gulum Ekran raidap langa det taun gulum Geth. Ola Emarait pipul bin jidanbat gudwei langa ola Isreil pipul du, en dei nomo bin oldei fait langa detlot Isreil pipul.