Joshuwa 14:13 - Kriol Baibul

¹³ Wal Joshuwa bin gudbinji langa Keilab, en imbin gibit im gudbala wed, en afta imbin gibit im det taun gulum Hebran.

Joshuwa 14:13 Iomraidhean Croise

Jenasis 47:10

Wal Jeikob bin tok gudbala wed langa det king, en afta Jeikob bin gudbai langa im en bin gowei na.

Jenasis 47:7

Afta na Josef bin bringimap im dedi langa det king, en wen Jeikob bin gudei langa im, imbin tok gudbala wed langa det king, en det king bin gudbinji,

Sekan Semyul 2:1

Afta na Deibid bin askim YAWEI det trubala God, “Wanim ai garra dum na? Yu wandim mi blanga go en jidan langa eni taun langa det kantri blanga detlot Isreil pipul brom det Juda klen?” En YAWEI bin tok, “Yuwai.” Wal Deibid bin askim im, “Langa wujan taun ai garra jidan?” En YAWEI bin tok, “Langa Hebran.”

Fes Kranakuls 6:4

Wal dijan na det femili lain weya bin kamat brom Eliyeisa. Olabat na bin neim Finiyas, Ebishuwa, Bukai, Yusi, Serahaiya, Meraiyoth, Amaraiya, Ahitab, Seidok, Ahimas, Esaraiya, Johanan, Esaraiya, hubin wek langa det Serramoni Pleis weya King Salaman bin bildimap langa Jerusalem, Amaraiya, Ahitab, Seidok, Shalum, Hilkaiya, Esaraiya, Seraiya, en Jehosadek. Wal King Nebakanesa bin deigimwei Jehosadek en detlot najalot pipul hubin jidan seimtaim blanga Juda en Jerusalem. YAWEI na bin jandimwei ol dislot prisana.

Niyamaiya 11:25

Wal loda pipul bin jidan langa detlot taun gulijap langa olabat fam. Detlot pipul brom det Juda klen bin jidan langa Kiriyeth Aba, Diban en Jekabsiyel, en langa detlot lilwan taun weya bin gulijap langa olabat.

Brabli Gudwan Song 6:9

bat mi oni laigim wanbala gel na, en im brabli purdiwan laik det lilwan bard, en mi laigim im detmatj. Im det wanbala doda blanga im mami, en im speshalwan blanga im. Ol detlot gel deibin luk langa im en reken im brabli lakiwan. Ola waif en detlot najalot gel blanga det king ol preisim im.

Joshuwa 14:14

Bifo Keilab bin gedim det taun, detlot Einakait pipul bin oldei gulum det taun Aba dumaji det haibalawan men blanga olabat bin neim Aba. Wal wen Joshuwa bin gibit det taun langa im, Keilab bin go langa det taun, en imbin andimwei detlot Einakait pipul brom det taun, en afta ebribodi bin jidan gudwei langa ola Isreil kantri. Wal det taun im stil blanga ola femili blanga Keilab tudei, dumaji Keilab bin oldei lisin langa YAWEI det God blanga ol Isreil pipul, en imbin oldei dum wanim imbin dalim im.

Joshuwa 15:13

Wal Joshuwa bin gibit sambala kantri langa Keilab jis laik YAWEI det trubala God bin dalim im blanga dum. Keilab bin brom det Juda klen, en im dedi bin neim Jefana, en Joshuwa bin gibit im det taun gulum Hebran. Wal longtaim wanbala men neim Aba bin bildimap det taun. Aba bin dedi blanga det men neim Einak en ol detlot pipul gulum Einakait,

Joshuwa 22:6

En imbin jandimwei olabat gudbinjiwei garram dijan wed, “Yumob bin gedim loda enijing iya langa dijan kantri. Yumob bin gedim loda buligi en olkain silba en gol en kopa en aiyan en loda klos du brom yumob enami. Wal wen yumob kamat langa yumob kantri, yumob garra sherimat detlot enijing langa yumob femili olabat.” Afta na wen Joshuwa bin tok lagijat, det thribala klen bin gobek langa det kantri weya Mosis bin gibit olabat sanraisaid langa det Jodan Riba. Longtaim Mosis bin gibit det kantri langa Rubin en Ged klen en langa sambala langa Manesa klen, en biyain langa olabat Joshuwa bin gibit det kantri sangodansaid langa det Jodan Riba langa det najalot pipul brom Manesa klen en langa ol detlot najalot Isreil klen.

Jadjis 1:20

Wal det men neim Keilab bin gedim det taun gulum Hebran jis laik Mosis bin tok longtaim, en imbin andimwei det thribala femili brom det traib gulum Einak.

Fes Semyul 1:17

Wal det serramonimen bin dalim det gel, “Wal yu gobek na gudbinjiwei, en det God blanga ola Isreil pipul garra gibit yu wanim yubin askim im.”