Joshuwa 12:6 - Kriol Baibul

⁶ Wal Mosis en ola Isreil pipul bin bidim det dubala king, en Mosis bin gibit ol detlot kantri blanga det dubala king langa det dubala klen gulum Rubin en Ged en sambala pipul brom det klen gulum Manesa.

Joshuwa 12:6 Iomraidhean Croise

Fes Kings 4:19

Geba det san blanga Uri bin bos blanga det kantri gulum Giliyad. Longtaim King Saihon bin jidan bos blanga ola Emarait pipul, en King Og bin jidan boswan blanga ola Beishan pipul deya. Wal wanbala haibala gabman bos bin jidan brabli boswan langa ola kantri langa Isreil en langa ol dislot men.

Nambas 32:29

“If detlot men blanga Ged en Rubin krosim det Jodan Riba redi blanga go en fait wen YAWEI dalim olabat, en if olabat album yumob en yumob gajim ol det kantri, wal yumob garra gibit det kantri gulum Giliyad blanga olabat ronwan kantri.

Nambas 32:32

Melabat garra dum wanim YAWEI bin dalim melabat blanga dum. Wal melabat garra go kros langa det kantri gulum Keinan en melabat garra fait, wulijim melabat garra abum dijan kantri sanraisaid langa det Jodan Riba.” Lagijat na deibin tok.

Nambas 32:33

Ol detlot kantri en ol detlot taun weya deibin teikoba brom Saihan det king blanga detlot Emarait pipul en Og det king blanga detlot Beishan pipul Mosis bin gibit langa detlot klen blanga Ged en Rubin en haf det klen blanga Manesa.

Joshuwa 14:3

Dei nomo bin gibit eni kantri langa det dubala klen gulum Rubin en Ged en langa najalot pipul brom det Manesa klen, dumaji detlot pipul bin gedim olabat kantri basdam brom Mosis sanraisaid langa det Jodan Riba. En dei nomo bin gibit eni kantri langa det Libai klen du. Det Libai klen bin gedim oni sambala taun blanga jidan en sambala lilwan pedik blanga olabat enimul. En nomeda ola femili blanga det olmen neim Josef bin kadimat miselp langa dubala klen en gulum miselp Manesa en Ifreiyim, bat stil Joshuwa en Eliyeisa bin lafta gibit sambala kantri langa det dubala klen.

Joshuwa 18:7

Bat det Libai klen kaan abum eni kantri seimwei laik ola najalot klen, dumaji YAWEI bin pikimat olabat blanga jidan serramonimen blanga im. En det thribala klen gulum Ged, Rubin en Manesa bin gedim olabat kantri olredi, dumaji Mosis det wekinmen blanga YAWEI bin gibit olabat detlot kantri sanraisaid brom det Jodan Riba.” Lagijat na Joshuwa bin tok langa ola Isreil pipul.

Joshuwa 22:4

en YAWEI bin meigim olabat jidan gudbalawei jis laik imbin pramisim olabat. “Wal yumob garra gobek langa yumob ronwan kantri na. Yumob garra gobek langa det kantri weya Mosis bin gibit yumob sanraisaid langa det Jodan Riba,