Joshuwa 12:3 - Kriol Baibul

³ en det king bin bos blanga det Jodan Riba kantri du brom det bigwan woda gulum Leik Gelali raidap langa det taun gulum Bethjeshimoth sanraisaid brom det solwoda gulum Dedsi raidap langa det hil gulum Pisga.

Joshuwa 12:3 Iomraidhean Croise

Jenasis 19:25

Imbin barnimap det dubala taun garram ola pipul. En imbin barnimap ola najalot pipul du hubin jidan langa det kantri. En ola gras en tri en ebrijing langa det kantri holot bin barnap.

Fes Kings 15:20

Wal King Benaded bin agri blanga detlot ebrijing weya King Asa bin tok, en imbin jandim ol im solja blanga fait langa detlot pipul langa detlot taun langa Isreil en deibin teikoba ol dislot taun na, Aijon, Den en Eibulbethmaka, en ola kantri gulijap langa Leik Gelali en ol detlot kantri langa Neftali.

Isikiyel 25:9

wal ai garra larram detlot ami brom najalot kantri kaman en fait langa detlot pipul hu jidan langa detlot taun weya dei oldei lukaftumbat det boda blanga Moweb en langa detlot pipul hu jidan langa detlot thribala strongwan taun gulum Bethjeshimoth, Beilmiyon en Kiriyathaiyim.

Nambas 21:20

En brom Beimoth deibin go langa det beli kantri blanga Moweb pipul, gulijap langa det hil gulum Pisga, weya deibin lukinatbat det deset kantri.

Nambas 34:11

Brom deya im garra go sauthwei langa Habal sanraiswei langa Eiyin, en kipgon langa det hil kantri langa det sanraiswei blanga det bigwan woda gulum Leik Gelali,

Luk Bin Dalim Ola Stori Blanga Jisas Langa Wan Jintail Men 5:1

Bambai na wandei Jisas bin jandapbat wansaid langa Leik Gelali, en bigmob pipul bin jandap deya du, en deibin jadimap Jisas, dumaji deibin wandi irrim im toktok det wed blanga God.

Jon Bin Dalim Det Gudnyus Blanga Jisas Det San Blanga God 6:1

Wal Jisas en im wekinmen olabat bin gowei brom Jerusalem, en deibin go langa Gelali. Bambai na wen imbin gulijap taim blanga ola Juwish pipul blanga abum det serramoni gulum Pasoba, Jisas en im wekinmen olabat bin gowin langa bout blanga krosim det bigwan woda weya sambala pipul gulum Leik Gelali en sambala pipul gulum Leik Taibiriyas, en wen deibin kamat najasaid, deibin gowap en jidan langa wan hil. Wal bigmob pipul bin oldei bulurrumbat Jisas, dumaji deibin oldei luk ola klebabala ting weya imbin dumbat wen imbin oldei meigimbat sikbala pipul gudbala,

Dyudaranami 3:17

En langa sangodanwei det kantri bin go raidap langa det Jodan Riba brom bigwan woda gulum Gelali langa nowathsaid en langa det Dedsi langa sauthsaid en gulijap langa det bigwan hil gulum Pisga langa sanraiswei.

Dyudaranami 4:49

en detlot kantri sanraiswei brom det Jodan Riba en det kantri sauthwei raidap langa det solwoda gulum Dedsi, en sanraiswei langa det hil gulum Pisga.

Joshuwa 13:20

Bethpiyowa en Bethjeshimoth.

Joshuwa 15:2

Det boda blanga olabat kantri bin stat brom sauthsaid langa det solwoda gulum Dedsi,

Joshuwa 15:5

Det boda sanraisaid langa olabat kantri bin bulurrum det solwoda gulum Dedsi raidap langa det mawus blanga det Jodan Riba. Det boda nowathsaid langa olabat kantri bin stat deya langa det mawus blanga det Jodan Riba,

Joshuwa 3:16

en streidawei det woda bin stap en ola woda bin hipimap miselp wansaid, airrapwei raidap langa wan taun gulum Edam gulijap langa wan pleis gulum Serathan, en nomo eni woda bin ran lodanwei langa det solwoda gulum Dedsi. Wal detlot Isreil pipul bin krosim det riba gulijap langa det taun gulum Jeriko.