Joshuwa 12:24 - Kriol Baibul

²⁴ Detlot Isreil pipul bin bidim ol detlot 31 king hubin jidanbat bos blanga ol detlot taun na.

Joshuwa 12:24 Iomraidhean Croise

Fes Kings 14:17

Wal King Jerabowam waif bin gobek langa det meinwan taun gulum Taisa en wen imbin gowin langa im kemp, seimtaim na im san bin dai.

Fes Kings 16:23

Wal langa det namba 31 yiya wen Asa bin jidan king blanga Juda, Omri bin jidan det nyuwan king blanga Isreil. En Omri bin jidan king langa Isreil blanga 12 yiya. Langa det fes 6 yiya imbin jidan bos langa Taisa.

Sekan Kings 15:14

Wal Menahem, det san blanga Gedi, bin gowei brom det taun gulum Taisa blanga go langa Sameriya en kilim King Shalum ded. Wal wen Menahem bin kamat langa Sameriya imbin kilim King Shalum ded, en Menahem bin jidan det nyuwan king.

Sekan Kranakuls 34:1

Wal Josaiya bin 8 yiya ol wen imbin jidan det nyuwan king blanga Juda, en imbin jidan king langa Jerusalem fo 31 yiya.

Niyamaiya 9:24

Olabat bigininimob bin kaman en teikoba dijan kantri. Yubin go lida, en detlot pipul hubin jidan iya bifo, detlot Keinanait pipul, yubin meigim olabat wikwan. Yumob pipul olabat bin kaman biyain, en deibin bidim detlot pipul blanga dijan kantri. Deibin bidim ola king en pipul olabat, en detlot pipul langa dijan kantri nomo bin stapam olabat.

Ola Saam 135:11

det King Saihan blanga det Emarait traib, en King Og brom Beishan, en ola king langa det kantri gulum Keinan.

Dyudaranami 7:24

YAWEI garra hendimoba langa yumob detlot king langa olabat ronwan kantri. Yumob garra kilim en binijimap olabat holot na, en nobodi garra jinggabat langa olabat enimo. Nobodi garra stapam yumob. Bat yumob garra binijimap ebribodi na.