Joshuwa 12:2 - Kriol Baibul

² Det wanbala king weya deibin bidim bin neim Saihan. Imbin brom det Emarait traib, en imbin oldei jidan langa det taun gulum Heshban, en imbin bos blanga haf det kantri gulum Giliyad. Det kantri bin stat deya langa det taun gulum Eroya en langa det najawan taun deya langa midul langa det Anan Riba kantri, en imbin go raidap langa det boda blanga det kantri gulum Eman deya langa det Jeibak Riba,

Joshuwa 12:2 Iomraidhean Croise

Jenasis 32:22

Bambai na midul nait Jeikob bin gidap, en imbin deigim im fobala waif en lebenbala biginini olabat najasaid langa det Jeibak Riba, en imbin gobek det said langa det riba,

Niyamaiya 9:22

Yubin jidan garram olabat wen deibin bidim ola king langa ola gulijapwan kantri. En deibin teikoba det kantri gulum Heshban weya Saihan bin jidan king. En deibin teikoba det kantri gulum Beishan weya Og bin jidan king.

Ola Saam 135:11

det King Saihan blanga det Emarait traib, en King Og brom Beishan, en ola king langa det kantri gulum Keinan.

Jeramaiya 48:19

Yumob pipul hu oldei jidan langa det taun gulum Eroya, yumob garra jandap langa det roud en weit deya, en askim detlot pipul hu ranranbat wanim bin hepin.

Jadjis 11:13

Wal det king bin jandimbek wed langa Jeftha, “Longtaim wen ola Isreil pipul bin kaman brom Ijip, deibin teikoba ola kantri blanga mi brom det Anan Riba raidap langa det dubala riba gulum Jeibak en Jodan. En yumob garra gibitbek det kantri langa mi gudbalawei.” Bat wen det king bin tok lagijat, im nomo bin tok trubalawei.

Jadjis 11:22

en ola Isreil pipul bin jidanbat langa det kantri brom det Anan Riba sauthwei raidap langa det deset kantri sanraiswei raidap langa det Jeibak Riba nowathwei raidap langa det Jodan Riba sangodanwei.