Joshuwa 11:3 - Kriol Baibul

³ en imbin jandim det wed langa ola Keinanait pipul disaid langa det Jodan Riba en langa ola Keinanait pipul det said langa det Jodan Riba en langa ola Emarait, Hitait, Perasait en Jebusait pipul hubin jidan langa det hil kantri en langa ola Hibait pipul hubin jidan langa det hil gulum Heman deya langa det kantri gulum Mispa. King Jeibin bin jingat langa ol detlot pipul na,

Joshuwa 11:3 Iomraidhean Croise

Jenasis 31:49

Afta na Leiban bin kipgon tok, “YAWEI det trubala God garra lukaftumbat yunmi wen yunmi gobek langa yunmi ron kantri.” En imbin gulum neim blanga det pleis Mispa.

Sekan Semyul 24:7

Brom deya deibin go sauthwei langa det strongwan taun gulum Taya, en brom deya deibin kipgon raidap langa ola taun blanga det Hibait traib en det Keinanait traib, en laswan deibin go raidap langa det taun gulum Biyashiba deya langa sauthsaid langa Juda.

Fes Kings 15:22

Brom deya King Asa bin dalim ola pipul langa Juda blanga album gija garrimap ola ston en wud weya King Beisha bin yusumbat blanga bildimap det wol langa Rema en deibin deigim detlot ston en wud blanga bildimap detlot bigwan wol langa det dubala taun gulum Mispa en Geba deya langa det kantri blanga Benjamin.

Fes Kings 9:20

Salaman bin lafta yusum detlot pipul hubin jidan jis laiga prisana en dumbat ola adwek blanga bildimap enijing. Olabat bin detlot Keinan pipul, weya ola Isreil pipul nomo bin kilim wen deibin deigimoba det kantri brom olabat. Deibin brom ola Emarait, Hitait, Perasait, Hibait en Jebusait pipul, en olabat femilimob stil jidan wekinmen jis laiga prisana raidap langa tudei.

Ola Saam 133:3

En im brabli gudwan jis laik det dyu ontop langa det bigwan hil gulum Hemen en langa detlot hil langa Saiyan. Deya na YAWEI bin pramisim blanga gibit im pipul olabat det olagijawan laif.

Ola Saam 89:12

Yubin meigim nowath en sauth. Teibowa en Heman, det dubala bigwan hil sing langa yu gudbinjiwei.

Brabli Gudwan Song 4:8

Main pramis, kaman na. Yunmi garra libum Lebanan hil kantri. Yunmi garra gowei brom det bigwan hil gulum Amana, en brom det dubala hil gulum Senira en Heman, weya ola laiyan en lepad oldei jidanbat.

Jeramaiya 40:10

Ai garra stap iya langa Mispa en ai garra tok blanga yumob wen detlot Bebalon pipul garra kaman iya. Bat yumob gin gajimbat greip daga blanga meigim wain, frut daga en oliboil, en yumob gin jidan langa yumob taun.” Lagijat na Gedalaiya bin tok.

Jeramaiya 40:6

Wal aibin go en stap garram Gedalaiya langa det pleis gulum Mispa, en aibin jidan langa detlot pipul hubin stil jidanbat deya langa det kantri.

Jeramaiya 41:14

En deibin tenaran en ran langa olabat.

Jeramaiya 41:3

Ishmeil bin kilim ded ola Isreil pipul en sambala Bebalon solja hubin deya garram Gedalaiya langa Mispa.

Nambas 13:29

Det Amalekait traib jidan langa det sauthsaid pat langa det kantri. En detlot thribala traib gulum Hitait, Jebusait en Emarait jidan langa det hil kantri, en det Keinanait traib jidan wansaid langa det solwoda gulum Medatareiniyan en gulijap langa det Jodan Riba.” Lagijat na deibin tok.

Dyudaranami 4:48

Dijan kantri bin gajimap det taun gulum Eroya, gulijap langa det riba gulum Anan en raidap langa nowathwei langa det hil gulum Siriyon, det naja neim bin Heman,

Dyudaranami 7:1

Wal Mosis bin kipgon tok langa ola Isreil pipul, “YAWEI det trubala God blanga wi garra deigim yumob langa det kantri weya yumob garra teikoba blanga jidan deya na. Im garra andimwei ola najalot traib brom det kantri. Wen yumob kaman gulijap olawei langa det kantri YAWEI garra andimwei sebenbala strongbala traib weya olabat jidan detmatj na. Olabat jidan strongwan pipul. Olabat ola Hitait, Gegashait, Emarait, Keinanait, Perasait, Hibait en Jebusait traib.

Joshuwa 11:17

Imbin teikoba ola kantri brom det hil gulum Heilak sauthwei gulijap langa det kantri gulum Idam raidap langa det taun gulum Beilged deya langa det kantri gulum Lebanan Beli disaid langa det hil gulum Heman.

Joshuwa 11:8

en YAWEI bin meigim detlot Isreil solja win langa olabat. Detlot Isreil solja bin fait langa olabat, en deibin ranimap olabat raidap langa det dubala taun gulum Misrafomaim en Saidan nowathwei, en deibin ranimap olabat raidap langa det kantri gulum Mispa Beli sanraiswei. Deibin kipgon fait langa olabat raidap nobodi bin jidan laibala,

Joshuwa 13:5

En yu garra teikoba det kantri blanga det traib gulum Gebalait. En yu garra teikoba det kantri gulum Lebanan brom det taun gulum Beilged sauthsaid brom det hil gulum Heman raidap langa det jampap langa det hil gulum Heimath.

Joshuwa 15:38

Diliyan, Mispa, Jokthiyel,

Joshuwa 15:63

Bat detlot pipul brom Juda klen nomo bin andimwei detlot Jebusait pipul brom Jerusalem, en olabat stil jidanbat deya tudei garram detlot Juda pipul.

Joshuwa 18:26

Mispa, Kefara, Mosa,

Joshuwa 3:10

Yumob garra ol sabi God im jidan garram yumob, en yumob garra sabi im laibala. Im nomo dedbala. En yumob garra sabi im bos blanga ebrijing, dumaji det Seikridwan Boks blanga im garra go lida langa yumob langa det Jodan Riba, en wen wi go langa det kantri, God garra andimwei ol detlot traib hu jidanbat deya gulum Keinanait, Hitait, Hibait, Perasait, Gegashait, Emarait en Jebusait.

Jadjis 20:1

Wal ola Isreil pipul bin majurrumap miselp na. Deibin kaman brom ebriweya langa det Isreil kantri, brom det taun gulum Den deya langa nowathsaid langa det kantri raidap langa det taun gulum Biyashiba deya langa sauthsaid, en brom det kantri gulum Giliyad deya langa sanraisaid. Deibin ol majurrumap miselp langa det Seikridwan Pleis blanga YAWEI det trubala God deya langa det taun gulum Mispa.

Jadjis 21:8

en deibin faindat nomo eni Isreil pipul brom det taun gulum Jeibesh deya langa det kantri gulum Giliyad bin deya,

Jadjis 3:3

Wal YAWEI bin larram det traib gulum Filastain kipgon jidanbat langa detlot faibala taun, en imbin larram detlot thribala traib gulum Saidan, Keinanait en Hibait kipgon jidanbat langa det hil kantri gulum Lebanan brom det hil gulum Beilemon raidap langa det jampap langa det hil gulum Heimath.

Jadjis 3:5

Wal wen detlot Isreil pipul bin jidanbat garram detlot siksbala traib gulum Keinanait, Hitait, Emarait, Perasait, Hibait en Jebusait, deibin merrit langa detlot traib, en deibin bulurrumbat ola drimin blanga olabat du.

Fes Semyul 10:17

Bambai na Semyul bin majurrumap ola Isreil pipul langa det taun gulum Mispa blanga askim YAWEI blanga pikimat det men weya garra jidan king.