Joshuwa 11:22 - Kriol Baibul

²² en afta nomo eni Einakait pipul bin jidan laibala langa ola kantri weya detlot Isreil pipul bin teikoba. Bat sambala Einakait pipul bin stil jidan langa detlot thribala taun gulum Gasa, Geth en Eshdad deya langa det kantri blanga det traib gulum Filastain.

Joshuwa 11:22 Iomraidhean Croise

Fes Kings 2:39

Bat wen 3 yiya bin gopas, dubala wekinmen blanga Shimiyai bin ranawei langa Geth. Deibin go langa King Ekish, det san blanga Meiyaka. Wen Shimiyai bin irrim det dubala bin langa Geth,

Fes Kranakuls 18:1

Wal bambai na King Deibid en im soljamob bin go en fait langa detlot Filastain pipul igin, en deibin bidim olabat. En deibin teikoba det taun gulum Geth en ol detlot lilwan taun gulijap.

Fes Kranakuls 8:13

Wal Beraiya en Shema, dubala bin jidan bos blanga ol detlot femili hubin jidan langa det taun gulum Aijalan, en deibin andimwei detlot pipul hubin jidan langa Geth. En detlot san blanga Beraiya bin Ahiyo, Shashak, Jeramath, Sebadaiya, Erad, Ida, Maikul, Ishpa en Joha.

Sekan Kranakuls 26:6

Bambai King Yusaiya bin go en fait langa detlot Filastain pipul. Imbin breigimap detlot wol langa detlot taun gulum Geth, Jeimniya en Eshdad. Imbin bildimap nyuwan strongwan taun gulijap langa det taun gulum Eshdad en najalot pleis langa det kantri gulum Filastain.

Aisaiya 20:1

Aibin kipgon tok, “Wal King Sagon brom det kantri gulum Asiriya bin dalim im amimob blanga majurrumap miselp en deibin teikoba det Filistain taun gulum Eshdad.

Eks Hau Det Gudnyus Blanga Jisas Krais Bin Spredat Ebriweya 8:40

en Filip bin faindim miselp langa det taun gulum Eshdad. Brom deya Filip bin go langa det taun gulum Sesariya, en olawei langa roud imbin dalimbat det gudnyus langa ola pipul langa ebri taun.

Dyudaranami 2:23

Wantaim detlot pipul brom det ailin gulum Krit bin kaman deya wansaid langa det bigwan solwoda gulum Medatareiniyan en deibin binijimap detlot pipul gulum Eibait pipul hubin jidan deya basdam. Detlot ailin pipul bin teikoba det kantri raidap langa det taun gulum Gasa.

Dyudaranami 9:2

Detlot na, ola jaiyant brom det Enakait traib, olabat strongbala en brabli longbala. Yumob bin irrim najalot pipul tok, ‘Nobodi kaan bidim olabat.’

Joshuwa 10:41

Deibin go raidap langa det taun gulum Keidishbaniya deya langa sauthwei, en deibin go raidap langa det taun gulum Gasa gulijap langa det solwoda sangodanwei, en deibin go rait thru langa det kantri gulum Goshin, en langa nowathsaid deibin go raidap langa det taun gulum Gibiyan,

Joshuwa 15:14

en det thribala femili gulum Sheshai, Ahiman en Telmai bin stil jidan deya langa det taun. Wal Keilab bin lafta andimwei detlot Einakait femili brom det taun,

Joshuwa 15:46

en deibin gedim ola taun gulijap langa det taun gulum Eshdad brom det taun gulum Ekran raidap langa det solwoda gulum Medatareiniyan.

Joshuwa 15:47

En deibin gedim det dubala taun gulum Eshdad en Gasa garram ola lilwan taun weya jidan raidaran langa det dubala taun raidap langa det riba deya langa det boda blanga det kantri gulum Ijip olawei raidap langa det solwoda gulum Medatareiniyan.

Jadjis 1:18

Wal YAWEI bin album detlot Isreil pipul gedim det hil kantri. Bat dei nomo bin gedim det kantri en det thribala taun gulum Gasa, Eshkalan en Ekran. Dei nomo bin bidim ola pipul langa det thribala taun, dumaji detlot pipul bin abum loda strongwan hosis en aiyanwan bagi.

Jadjis 3:3

Wal YAWEI bin larram det traib gulum Filastain kipgon jidanbat langa detlot faibala taun, en imbin larram detlot thribala traib gulum Saidan, Keinanait en Hibait kipgon jidanbat langa det hil kantri gulum Lebanan brom det hil gulum Beilemon raidap langa det jampap langa det hil gulum Heimath.

Fes Semyul 17:4

Wal wan Filastain men deya bin neim Galaiyath. Imbin brom det taun gulum Geth, en imbin oldei jandap deya lida langa ola Filastain solja, en imbin oldei jinginatbat langa detlot Isreil solja. Imbin brabli longwan gulijap 3 mita,

Fes Semyul 5:1

Wal wen detlot Filastain pipul bin gajim det Seikridwan Boks blanga YAWEI det trubala God, deibin deigidawei det boks brom det pleis gulum Ebanisa, en deibin garrimap det Boks raidap langa det taun blanga olabat gulum Eshdad,