Joshuwa 11:1 - Kriol Baibul

^1-2 Brom deya det king blanga det taun gulum Heisowa neim Jeibin bin irrim det nyus weya Joshuwa bin bidim ola solja langa detlot kantri sauthwei, en imbin jandim wed langa ola king hubin abum kantri nowathwei. Imbin jandim det wed langa King Jobab langa det taun gulum Medan en langa det dubala king langa det dubala taun gulum Shimran en Ekshaf en langa ola king langa det hil kantri en langa ola king langa det Jodan Beli disaid langa det bigwan woda gulum Leik Gelali en langa ola king langa det plein kantri sangodanwei en langa ola king langa det solwoda kantri gulijap langa det taun gulum Nafodowa,

Joshuwa 11:1 Iomraidhean Croise

Sekan Semyul 10:15

Wal detlot Siriya solja hubin ranawei bin jinggabat weya detlot Isreil solja bin bidim olabat, en deibin majurrumap miselp igin,

Fes Kings 4:11

Benabinadeb hubin merrit langa Tafath det doda blanga King Salaman, bin bos blanga ol det kantri gulum Nafodowa.

Fes Kings 9:15

Wal King Salaman bin fosim pipul blanga bildimap det Serramoni Pleis en detlot bigwan haus blanga im, en blanga filimap det graun sanraisaid langa det taun, en blanga bildimap det wol raidaran langa det taun. En imbin yusum olabat du blanga bildimbek det najalot taun gulum Heisowa, Magido en Gisa.

Sekan Kings 15:29

Wal wen Peka bin jidan king, Tiglathpalisa, det king blanga Asiriya, bin teikoba ola taun blanga Isreil. Imbin teikoba detlot taun gulum Aijon, Eibulbethmaka, Janowa, Kedish en Heisowa en detlot pleis gulum Giliyad, Gelali en Neftali en imbin grebum ola pipul en deigim olabat prisana langa Asiriya.

Aisaiya 26:11

YAWEI, olabat nomo luk yu bingga wen yu redi blanga panishimbat olabat. Yu shoum olabat yu oldei lukaftumbat yu ronwan pipul olabat, en maitbi olabat garra sheim miselp. Larram yu faiya barnimap ol yu enamimob.

Aisaiya 43:2

“Mi deya garram yumob wulijim yumob kaan draun. Wen yumob garra wokwokbat thru langa faiya, yumob kaan barnbarn brom det faiya.

Joshuwa 10:43

Afta na Joshuwa en ola Isreil solja bin gobek langa olabat kemp deya langa det pleis gulum Gilgel.

Joshuwa 11:10

Afta na Joshuwa en ola Isreil solja bin go langa det taun gulum Heisowa weya King Jeibin bin jidan. Det king bin brabli haibala king, en imbin jidan bos langa ola king blanga ol detlot najalot kantri. Wal Joshuwa en detlot Isreil solja bin kilim ola pipul langa det taun ded, en deibin kilim det haibala king ded du,

Joshuwa 12:19

Medan, Heisowa,

Joshuwa 12:20

Shimranmeran, Ekshaf,

Joshuwa 19:36

Edama, Rema, Heisowa,

Joshuwa 9:2

en wen detlot king blanga ola traib gulum Hitait, Emarait, Keinanait, Perasait, Hibait en Jebusait bin irrim det nyus, deibin ol majurrumap miselp, en deibin ol joinap blanga fait langa Joshuwa en ola Isreil pipul.

Jadjis 4:17

Oni Sisera miselp bin stil laibala, dumaji imbin ranawei langa det kemp blanga det men neim Hiba. Imbin go en blandim miselp deya na, dumaji Hiba bin gudfren blanga King Jeibin,

Jadjis 4:2

en imbin larram det king blanga detlot Keinanait pipul bidim olabat. Det king bin neim Jeibin, en imbin jidan langa det taun gulum Heisowa. Det boswan blanga ola solja blanga det king bin neim Sisera, en imbin jidan langa det taun gulum Harosehethagoyim.

Jadjis 5:19

Langa det taun gulum Tanak wansaid langa det krik gulijap langa Magido, deya na ola king bin majurrumap miselp blanga fait. En deya na ola Keinanait king bin fait langa detlot Isreil pipul.