Joshuwa 10:11 - Kriol Baibul

¹¹ en wen detlot Emarait solja bin trai ranawei brom detlot Isreil solja langa det roud brom Betharan raidap langa Esaka, YAWEI bin tjakamdan heilston langa olabat. Wal detlot Isreil solja bin kilim loda Emarait solja ded. Bat detlot heilston bin kilim bigismob Emarait solja ded.

Joshuwa 10:11 Iomraidhean Croise

Jenasis 19:24

en streidawei na brom skai YAWEI bin jandim brabli hotwan ston en faiya ontop langa det dubala taun gulum Sadam en Gamora.

Sekan Semyul 18:8

Det fait bin ebriweya langa det kantri, en bigmob solja bin dai brom det fait. Bat bigismob solja bin dai brom det thikwan bush kantri, dumaji imbin raf kantri.

Job Wotfo Gudbala Pipul Abum Trabul? 38:22

Yubin deya langa detlot pleis weya mi oldei kipumbat ola sno en ola heilston?

Job Wotfo Gudbala Pipul Abum Trabul? 38:23

Ai kipum olabat deya blanga yusum blanga panishimbat en teikoba ol difrinwan kantri.

Ola Saam 11:6

Im garra jandimdan hotwan eshis en smok garram nogudwan smel langa ola nogudwan pipul. Im garra panishim olabat garram brabli hotwan win.

Ola Saam 147:17

Im jandimdan heilston wulijim ston. Nobodi kaan jidan womwan wen im jandim det kolwetha.

Aisaiya 28:2

Oni YAWEI im brabli strongbala en garram detmatj pawa, en im garra jandim det strongwan Asiriya amimob blanga binijimap olabat. Dei garra kaman en binijimap olabat jis laik det heilstom o bigiswan win o brabli bigiswan fladwoda weya binijimap ebrijing.

Aisaiya 28:21

Wal YAWEI garra kaman en panishimbat yumob, jis laik imbin panishim detlot Filistain pipul langa det hil gulum Perasim, en detlot Emarait pipul langa det hil kantri gulum Gibiyan. Bat langa dijan taim na im garra dum samting blanga meigim yumob hatjamp. Im garra binijimap im ronwan pipul olabat!

Aisaiya 30:30

“Wal YAWEI im brabli wail langa im enami olabat, en ebribodi garra irrim im bois, en im garra larram olabat luk im redibala blanga fait, en wen im wail, faiya garra barnbarn deya, en thanda garra basbasbat en ola heilston en rein garra buldanbuldan.

Isikiyel 13:11

Det wol im garra buldan, en ai garra jandim rein en heilston en bigwan win blanga nokamdan det wol.

Dyudaranami 20:4

dumaji YAWEI garra go garram yumob en im garra larram yumob bidim olabat.’

Rebaleishan 11:19

Brom deya det brabliwan serramoni pleis blanga God langa hebin bin opinap, en rait langa midul langa det serramoni pleis melabat bin luk det Seikridwan Boks weya det lowa blanga God bin jidan. Wal wen det serramoni pleis bin opinap, laitining bin kamat na, en detmatj thanda bin meigimbat laudwan nois ebriwei, en det graun bin sheik, en brabli bigwan heilstom bin kamat du.

Rebaleishan 16:21

Bat deibin faindim bigwan heilston jis laiga brabli bigwan ston bin buldan brom top. Deibin buldan jis laik rein ontop langa ol detlot pipul. Detlot pipul bin abum bigiswan trabul, en deibin sweya langa God blanga det trabul du.

Jadjis 5:20

Bat dei nomo bin bidim detlot Isreil pipul, dumaji YAWEI bin meigim ola sta langa top fait langa detlot boswan solja neim Sisera, en ola sta bin fait blanga ola Isreil pipul,