Joshuwa 1:8 - Kriol Baibul

⁸ Yu garra oldei ridim det buk garram ola lowa langa ola pipul, en yu garra oldei jinggabat ebrijing deya langa det buk. Deitaim en naitaim yu garra jinggabat detlot lowa, en yu garra bulurrum detlot lowa brabliwei olataim. En if yu duwit langa detlot lowa, wal yu garra win langa ebrijing.

Joshuwa 1:8 Iomraidhean Croise

Jenasis 24:63

Wen imbin aftanuntaim na Rabeka bin luk wanbala men deya bin wokaranbat lilbit longwei. En wen dubala bin luk miselp, Rabeka bin godan brom det kemul,

Sekan Kranakuls 26:5

Langa ol det taim wen Sekaraiya bin stil jidan laibala, imbin oldei titjimbat King Yusaiya gudwei en King Yusaiya bin bulurrum YAWEI trubalawei, en YAWEI det trubala God bin lukaftumbat im gudbalawei.

Ola Saam 119:11

Detlot lowa blanga yu jidan langa main hat, wulijim ai kaan dum eni nogudbala ting langa yu.

Ola Saam 119:15

Mi jinggabat detlot wed blanga yu olataim, en mi bulurrum det wei blanga yu.

Ola Saam 119:97

Trubala mi laigim detlot lowa blanga yu brabliwei. Mi oldei jinggabat detlot lowa blanga yu.

Ola Saam 119:99

YAWEI, ai sabi mowa den main titja olabat, dumaji mi jinggabat wanim yu oldei titjimbat mi.

Ola Saam 19:14

YAWEI, larram ebrijing mi tok, en ebrijing mi jinggabat, meigim yu gudbinji. Yu na kipumbat mi seifwan. En yu na bin seibum mi.

Ola Saam 40:10

Ai nomo bin kipum det nyus blanga main ronselp. Aibin dalim olabat blanga yu, “YAWEI, im oldei dum wanim imbin pramisim. Im seibum wi brom olkain nogud ting.” Ai nomo bin jidan kwaitbala blanga det nyus, bat aibin dalim olabat, “YAWEI, im brabli kainbala, en im laigim wi olagijawan, en im oldei dum wanim imbin pramis.” Lagijat na aibin dalim ol detlot pipul.

Prabebs 3:1

Wal det sabibala bin kipgon tok, “Wal main biginini, yu nomo fogedabat wanim aibin oldei titjimbat yu. Yu garra kipum ol detlot wed langa yu main,

Aisaiya 59:21

En ai meigim dijan strongwan pramis garram yumob. Ai garra gibit yumob main spirit en main mesij. Ai garra gibit olabat langa yumob en yumob femilimob olagijawan.” Lagijat na YAWEI bin tok.

Methyu 12:35

Ola gudbala pipul oldei tok gudbalawei, dumaji olabat gudbala insaid. En ola nogudbala pipul oldei tok nogudbalawei, dumaji olabat nogudbala insaid.

Methyu 28:20

Yumob garra shoumbat olabat blanga dum ebrijing weya aibin shoumbat yumob. En ai kaan libum yumob. Nomeda wujei yumob go, bat stil mi garra oldei jidan deya garram yumob olataim.” Lagijat na Jisas bin tok. Binij na.

Methyu 7:21

“Loda pipul garra kaman en gulum mi Bos. Bat dei kaan go langa hebin, dumaji dei nomo dumbat wanim main Dedi langa hebin wandim olabat blanga dum,

Methyu 7:24

“Wal yumob irrim mi na. If enibodi kaman langa mi, en im lisin langa main wed, en im duwit langa det wed, wal im jis laik det men hubin bildimap im haus langa gudwan rokibala pleis brabli gudwei.

Luk Bin Dalim Ola Stori Blanga Jisas Langa Wan Jintail Men 11:28

Wal Jisas bin tok, “Trubala tharran yubin tok. Bat detlot pipul hu irrim det wed blanga God en duwit, olabat na brabli lakiwan.”

Jon Bin Dalim Det Gudnyus Blanga Jisas Det San Blanga God 13:17

“Wal yumob sabi na. En if yumob dum lagijat, wal yumob garra brabli gudbinji.

Jon Bin Dalim Det Gudnyus Blanga Jisas Det San Blanga God 14:21

“Wal ol detlot pipul hu sabi det wed main en duwit langa detlot wed, olabat na laigim mi, en main Dedi laigim detlot pipul hu laigim mi, en ai laigim olabat du, en ai garra shoum miselp langa olabat.” Lagijat na Jisas bin tok.

Ifishans 4:29

En wi nomo wandi tok nogudbalawei en yusum olkain nogudbala wed. Wi garra oldei tok gudbalawei langa ebribodi, en detlot wed weya wi yusum garra album olabat en meigim olabat jidan strongbala,

Dyudaranami 29:8

En wen wibin teikoba dijan kantri, wibin kadimat det kantri blanga detlot Rubin, Ged en haf Manesa klen.

Dyudaranami 29:9

Wal yumob garra teiknodis en duwit langa det brabli strongwan pramis, wulijim YAWEI garra gibit yumob loda buligi, en loda sid daga en ola ebrijing.

Dyudaranami 30:14

Nomo. Im iya garram yumob, en yumob sabi en yumob gin toktok detlot lowa. Wal yumob garra teiknodis en duwit.

Dyudaranami 31:11

Yumob garra ridim langa detlot Isreil pipul wen olabat kaman blanga weship YAWEI langa det pleis weya dei oldei weshipbat.

Dyudaranami 31:24

Wal Mosis bin raidimdan ol detlot lowa blanga God langa buk,

Dyudaranami 5:1

Wal Mosis bin majurrumap ola Isreil pipul en imbin dalim olabat, “Ol yumob Isreil pipul, yumob garra lisin brabliwei langa dislot lowa weya ai garra dalimbat yumob tudei. Yumob garra len ol dislot lowa en yumob garra teiknodis en duwit.

Dyudaranami 5:29

Wotfo olabat nomo dum lagijat langa mi olataim? Mi brabli wandim olabat blanga rispek mi en teiknodis langa mi en main lowa wulijim ai garra dum ola gudbala ting olagija langa olabat en langa olabat bigininimob.

Dyudaranami 5:32

Wal Mosis bin kipgon tok, “Yumob Isreil pipul, yumob garra teiknodis en duwit ebrijing YAWEI det trubala God blanga wi bin tok blanga im lowa. Yumob dum ebrijing weya imbin dalim yumob blanga dum.

Kaloshans 3:16

en yumob garra oldei larram det wed blanga Jisas Krais jidan insaid langa yumob brabliwei, en yumob garra oldei titjimbat en lenimbat yumob Kristjan braja en sista olabat brabliwei, en yumob garra oldei sing ola song langa God gudbinjiwei,

Joshuwa 1:7

Yu garra jidan strongbala en nomo bradin, en yu garra meiksho yu oldei bulurrum ol detlot lowa weya main wekinmen Mosis bin gibit langa yu. If yu nomo libum ol detlot lowa, en if yu duwit langa detlot lowa, wal yu garra win olawei nomeda weya yu go.

Joshuwa 8:34

Afta na wen deibin ol jandap deya, Joshuwa bin ridim det buk garram ola lowa langa olabat, en imbin ridim ola gudbala wed en ola woning du.

Rebaleishan 22:14

Detlot pipul hu bilib langa Jisas Krais brabliwei, im jis laik olabat washim olabat klos klinbala, en olabat garra gudbinji, dumaji olabat lau dagadagat det daga brom det tri blanga laif. Olabat lau go thru langa detlot geit en go insaid langa det taun.