Jon Bin Dalim Det Gudnyus Blanga Jisas Det San Blanga God 2:2 - Kriol Baibul

² en Jisas en im wekinmen olabat bin deya du, dumaji deibin wandim olabat blanga go deya langa det padi.

Jon Bin Dalim Det Gudnyus Blanga Jisas Det San Blanga God 2:2 Iomraidhean Croise

Methyu 12:19

Im kaan agamin langa enibodi, en im kaan jingat adbala en meigimbat nois en tok adbala eniweya.

Methyu 25:40

En ai garra dalim olabat, ‘Trubala ai dalim yumob. Wen yumob bin dum detkain ting langa eni braja en sista main, imbin jis laik yumob bin dum langa mi.’

Methyu 25:45

En ai garra dalim olabat, ‘Trubala ai dalim yumob. Wen yumob bin luk eni braja o sista main, en yumob nomo bin dum detkain ting langa im, wal imbin jis laik yumob nomo bin dum langa mi.’

Jon Bin Dalim Det Gudnyus Blanga Jisas Det San Blanga God 2:12

Wal afta na Jisas bin go garram im mami en im braja olabat en im wekinmen olabat langa det taun gulum Kapeniyam, en deibin jidan deya lilwail.

Jon Bin Dalim Det Gudnyus Blanga Jisas Det San Blanga God 2:17

Wal wen detlot wekinmen blanga Jisas bin irrim im tok lagijat blanga im Dedi haus, deibin jinggabat det oltestaman weya im tok, “Det filing blanga det haus blanga God im gajulum mi brabliwei.”

Jon Bin Dalim Det Gudnyus Blanga Jisas Det San Blanga God 2:22

Wal longtaim afta wen Jisas bin gidap laibala brom dedbala, detlot wekinmen blanga im bin jinggabat detlot wed weya imbin tok deya langa det Serramoni Pleis, en deibin bilib det wed langa oltestaman weya im tok blanga Jisas, en deibin bilib detlot wed weya Jisas bin tok du.

Jon Bin Dalim Det Gudnyus Blanga Jisas Det San Blanga God 2:3

Bambai na ol detlot pipul langa det padi bin binijimap ola wain, en det mami blanga Jisas bin go langa im, en imbin dalim im, “Dei nomo garram wain na.”

Jon Bin Dalim Det Gudnyus Blanga Jisas Det San Blanga God 3:22

Wal afta na Jisas en im wekinmen olabat bin gowei brom det taun Jerusalem, en deibin go langa det bush kantri deya gin langa det seimwan kantri gulum Judiya, en deya na Jisas bin jidanbat lilwail garram detlot wekinmen blanga im, en deibin beptaisimbat pipul deya du.

Jon Bin Dalim Det Gudnyus Blanga Jisas Det San Blanga God 4:2

Bat Jisas miselp nomo bin beptaisim detlot pipul. Detlot wekinmen blanga im bin beptaisim olabat.

Jon Bin Dalim Det Gudnyus Blanga Jisas Det San Blanga God 4:33

Wal detlot wekinmen blanga im bin toktok miselp na, “Enibodi bin bajimap daga blanga im?”

Jon Bin Dalim Det Gudnyus Blanga Jisas Det San Blanga God 6:12

Wal afta na wen deibin ol bulap binji, Jisas bin dalim im wekinmen olabat, “Yumob gajim ol detlot leftobawan daga en fish, dumaji wi nomo wandi weistim.”

Jon Bin Dalim Det Gudnyus Blanga Jisas Det San Blanga God 6:16

Wal wen imbin gulijap sangodan, detlot wekinmen blanga Jisas bin godan langa det woda,

Jon Bin Dalim Det Gudnyus Blanga Jisas Det San Blanga God 6:60

Wal wen ol detlot pipul hubin oldei bulurrumbat Jisas bin irrim im tok det wed lagijat, sambala pipul bin tok, “Dijan wed weya imbin tok im brabli adwan, en nobodi kaan gajimap wanim im toktok.”

Jon Bin Dalim Det Gudnyus Blanga Jisas Det San Blanga God 6:66

Wal wen Jisas bin tok lagijat, loda pipul hubin oldei bulurrum im bin gowei brom im, en dei nomo bin bulurrum im na.

Jon Bin Dalim Det Gudnyus Blanga Jisas Det San Blanga God 6:67

Wal Jisas bin askim detlot twelbala wekinmen blanga im na, “Wotabat yumob? Yumob wandi gowei du?”

Jon Bin Dalim Det Gudnyus Blanga Jisas Det San Blanga God 6:70

Wal Jisas bin dalim detlot wekinmen blanga im, “Mi na bin pikimat yumob twelbala. Bat wanbala deya langa yumob im bulurrum det boswan dibuldibul.”

Jon Bin Dalim Det Gudnyus Blanga Jisas Det San Blanga God 6:71

Wal wen Jisas bin tok lagijat, imbin tok blanga Judas det san blanga Saiman Askeriyat, dumaji nomeda Judas bin brom det twelbala wekinmen blanga Jisas, bat stil im garra hendimoba Jisas langa detlot pipul hu garra kilim im ded bambai.

Jon Bin Dalim Det Gudnyus Blanga Jisas Det San Blanga God 6:8

Wal det najawan wekinmen blanga Jisas neim Endru det braja blanga Saiman Pida bin tok, “Wan yangboi iya im garram dubala lilwan fish en faibala lilwan damba weya deibin meigim garram det sid daga gulum bali. Bat im nomo naf blanga fidim ol dislot pipul iya.”

Eks Hau Det Gudnyus Blanga Jisas Krais Bin Spredat Ebriweya 11:26

en wen imbin faindim im, imbin deigimbek im langa Entiyak, en dubala bin jidanbat deya wan yiya titjimbat en dalimbat loda bilibamob. En festaim deya na langa det taun ola najalot pipul bin gulum detlot bilibamob Kristjan, dumaji deibin bulurrum Jisas Krais.

Eks Hau Det Gudnyus Blanga Jisas Krais Bin Spredat Ebriweya 11:29

Wal wen detlot bilibamob bin irrim det ting garra hepin, deibin jinggabat blanga jandim ola mani weya deibin abum blanga album detlot bilibamob langa Judiya,

Fes Karinthiyans 10:31

Wal ai dalim yumob. Nomeda yumob dagat o dringgim o dumbat enijing, bat stil yumob garra dum ebrijing blanga shoum rispek langa God, dumaji yumob nomo wandi dum enijing weya garra stapam Juwish pipul o Jintail pipul o Kristjan pipul blanga bilib langa Jisas Krais.

Fes Karinthiyans 7:39

Wal ai garra tok langa yumob blanga ola merrit gel na. Dei garra kipgon jidanbat garram olabat hasbin raidap olabat hasbin dai. Bat afta wen eni gel hasbin dai, det widogel im fri blanga go en merrit langa najawan men. Bat im kaan merrit langa eni men. Oni langa det men hu bulurrum Jisas Krais det Bos blanga wi.

Kaloshans 3:17

en enijing yumob tok en dum, yumob garra dum brabli trubalawei, dumaji yumob bulurrum Jisas Krais det Bos blanga wi, en thru im na yumob garra oldei gibit theingks langa God det Dedi blanga wi.

Hibrus 13:4

En yumob garra tridim det lowa blanga merrit raitwei, en ebri hasbin en waif garra jidan trubala langa dubala selp, dumaji God garra panishim det hasbin hu silip garram naja men waif en det waif hu silip garram naja gel hasbin, en im garra panishim detlot singulwan pipul hu silipsilipbat garram enibodi du.

Rebaleishan 3:20

“Yu lisin langa mi na. Mi jandap iya noknok langa dowa. If enibodi irrim mi jingat, en im opinim det dowa blanga mi, wal ai garra gowin langa im haus en dagadagat sapa garram im.