Jeramaiya 9:25 - Kriol Baibul

^25-26 “Det taim im kaminap na wen ai garra panishimbat ol detlot pipul langa Ijip, Juda, Idam, Eman, en Moweb en detlot deset pipul hu oldei kadimbat en oldei meigimbat olabat heya shotwan. Ol dislot pipul bin sekamsais, bat dei nomo bin kipum det strongwan pramis wibin meigim mijamet. Nomo eni detlot pipul en nomo eni pipul blanga Isreil bin trai blanga kipum det strongwan pramis wibin meigim mijamet.” Lagijat na YAWEI bin tok.

Jeramaiya 9:25 Iomraidhean Croise

Jeramaiya 4:4

Yumob garra kipum det pramis weya yumob bin meigim garram mi, dumaji mi na YAWEI, en yumob garra gibit miselp langa mi holbit, ol yumob lida en pipul brom Juda en Jerusalem. If yumob nomo dum lagijat, wal ai garra git brabli einggri en ai garra jidan jis laik faiya weya oldei barnbarnbat blanga detlot nogudbala ting weya yumob oldei dumbat. Im garra barnbarnbat en nobodi kaan neba audim.”

Jeramaiya 49:32

“Deigimwei olabat kemul, en ola buligi. Ai garra spredimat olabat oloba langa ebri kantri. Detlot pipul hu oldei kadimbat olabat heya shotwan, ai garra jandim ola enamimob langa olabat brom ebrisaid.

Isikiyel 28:10

En ol detlot streinja pipul garra kilim yu en yu garra dai seimwei laik ola pipul hu nomo weship langa mi. Mi na YAWEI det boswan God meigim dijan pramis.’ ”

Isikiyel 31:18

“ ‘Wal king blanga Ijip, ol dislot ting garra hepin langa yu, en langa ola pipul blanga yu kantri du. Yubin jidan wulijim det tri na longtaim. Yubin brabli longwan en brabli strongwan langa enibodi langa dijan wel. Bat dei garra kadimdan yu, en yu garra dai jis laik ol detlot tri langa det gadin gulum Idin bin ol dai. Yu garra godan langa det pleis weya ola dedbala pipul jidan, en deya na yu garra joinap langa detlot pipul hu nomo bin sabi God, en detlot najalot pipul hubin dai krulbalawei du.’ Lagijat na YAWEI det boswan God bin tok.”

Isikiyel 44:7

Yumob bin meigim main Serramoni Pleis brabli nogudwan, dumaji yumob bin larram detlot pipul hu nomo bin sabi mi en ola nogudwan pipul brom najalot kantri kaman langa main Serramoni Pleis wen yumob bin oldei gibitbat sekrifais ofring langa mi. Yumob bin dum nogudwan ting en yumob bin breigim det strongwan pramis weya aibin meigim garram yumob.

Labidakas 19:27

Wen yu kraikraibat blanga sori miselp wen enibodi dai, nomo kadimbat yu heya langa said langa yu hed, o kadimbat yu wiska,

Labidakas 26:41

Yumob garra sabi aibin gibit bekboun langa yumob en aibin jandim yumob langa detlot najalot kantri blanga yumob enamimob. En yumob garra sabi aibin panishim yumob blanga yumob nogudbalawei en bambai yumob garra jinggabat en jidan lobala.

Eimos 3:2

Imbin tok, ‘Brom ola najalot pipul en kantri langa dijan wel, oni yumob na aibin pikimat blanga jidan main ronwan pipul en aibin lukaftumbat yumob. Dumaji yumob main ronwan pipul en dumaji yumob bin dum brabli nogudbala ting, wal blanga tharran na ai garra panishim yumob.’ ” Lagijat na YAWEI bin tok.

Romans 2:28

Wal yumob dalim mi na. Hu rili Juwish men? Detlot men hubin sekamsais atsaidwei langa olabat bodi? Nomo. Wal hu rili Juwish men? Detlot men hubin sekamsais dumaji det lowa langa det buk bin dalim olabat blanga sekamsais? Nomo. Detlot men hubin sekamsais insaidwei langa olabat hat garram det Holi Spirit, detlot na rili Juwish pipul. Wal detkain Juwish pipul hubin sekamsais insaidwei langa olabat hat nomo lukabat pipul blanga preisimbat olabat, dumaji God na garra preisimbat olabat.

Fes Semyul 14:6

Wal Jonathan bin dalim det wekinmen blanga im, “Kaman na. Yunmi go luk det kemp blanga detlot Filastain solja. Dei nomo sabi YAWEI, en maitbi im garra album yunmi, dumaji if im wandi album enibodi, wal nobodi kaan stapam im. En nomeda oni yunmi miselp iya, bat stil God garra meigim yunmi bidim detlot Filastain solja.”

Fes Semyul 17:26

Wal Deibid bin askim detlot men deya gulijap langa im, “Det Filastain men im bringimap bigbala sheim langa ola Isreil pipul. Wal wanim det king garra gibit langa det men hu garra kilim det Filastain men ded en deigidawei dis bigbala sheim? Det Filastain men im nomo enijing. Nobodi bin meigim im men. Im kaan tok nogudbalawei lagijat langa ola solja blanga det trubala God.” Lagijat na Deibid bin tok,