Jeramaiya 9:19 - Kriol Baibul

¹⁹ Irrim langa olabat kraikraibat langa Jerusalem, “Wi binij na! Wi jidan brabli sheimwan na! Wi garra lafta libum wi kantri, en blanga wi haus bin binijap du.”

Jeramaiya 9:19 Iomraidhean Croise

Aisaiya 32:9

Wal aibin kipgon tok, “Yumob irrim mi na, ol yumob wuman hu oldei jidanbat brabli leisibala en nomo jinggabat enibodi.

Jeramaiya 15:1

Wal YAWEI det trubala God bin tok langa mi na, “Nomeda if Mosis en Semyul bina iya askimbat mi, bat stil ai kaan shoum dislot pipul eni kainbala filing. Yu jandimwei detlot Juda pipul na. Ai nomo wandi luk olabat enimo.

Jeramaiya 2:14

Wal YAWEI bin kipgon tok, “Pipul langa Isreil, yumob nomo bin bon blanga jidan wekinmen en wekingel laiga prisana! Bat yumob enamimob bin bidim yumob en tudei na yumob jidan prisana blanga olabat.

Jeramaiya 4:13

Wal aibin tok, “Yumob luk langa detlot enami kaminap jis laik detlot klaud. Olabat hosis en bagi jis laik det wiliwili weya im go raun en raun. Olabat hosis ran mowa faswan langa det igulok wen im flaiflaibat. Wi holot garra abum adtaim en wi garra ol binijap du.

Jeramaiya 4:20

Aibin luk detlot enami bin kipgon bidimbat wi. Holot dijan kantri jidan rabishwan. Deibin bitsimap main ronwan kemp. Imbin hepin kwikbala.

Jeramaiya 7:15

Ai garra andimwei yumob brom iya jis laik wen aibin andimwei ola rileishan blanga yumob, detlot Isreil pipul.” Lagijat na YAWEI bin tok.

Jeramaiya 7:19

Bat dumaji im nomo rili mi olabat oldei ardimbat. Nomo. Olabat ardimbat dei ronselp en dei bringimap det sheim langa olabat ronselp.

Jeramaiya 7:29

Wal YAWEI bin kipgon tok, “Ol yumob pipul brom Jerusalem, yumob kraikraibat en kadimof yumob heya en tjakidawei. En yumob sing det fyunral song ontop langa detlot hil, dumaji mi na YAWEI, en mi brabli wail na, en aibin gibit bekboun langa main pipul olabat.

Leminteishans 4:15

Ola pipul bin jingat adbala, ‘Yumob gowei! Yumob nomo klinbala. Yumob nomo tatjim mi!’ “Wal deibin wokabat ebriweya langa difrindifrin kantri, bat nobodi nomo bin laigim olabat en lukaftumbat olabat.

Leminteishans 5:2

Detlot najalot streinja pipul bin meigim miselp bos langa melabat kantri, en dei jidan langa melabat kemp na.

Isikiyel 27:2

“Isikiyel yu garra sing dijan fyunral song blanga Taya, det bigwan taun deibin bildimap wansaid langa solwoda. En deibin oldei selimbat enijing langa najalot kantri wansaid langa solwoda. Yu dalim detlot pipul langa Taya dijan wed brom mi na YAWEI det boswan God. “ ‘Taya, yubin oldei tok brabli praudbalawei. Yu reken yu brabli purdiwan.

Labidakas 18:25

Ol detlot pipul bin meigim nogudbala det kantri. Wal aibin panishim det kantri en meigim det kantri nogud blanga ol detlot pipul hubin jidan deya.

Labidakas 18:28

en det kantri kaan jidan nogudwan blanga yumob, laik imbin dum langa detlot pipul hubin jidan deya bifo.

Labidakas 20:22

“Yumob garra kipum main lowa weya aibin gibit yumob, wulijim yumob garra jidanbat gudwei langa det kantri gulum Keinan weya ai garra bringimap yumob.

Maika 2:10

“ ‘Wal yumob garra gidap en gowei na. Yumob kaan jidanbat iya enimo, dumaji yumob bin meigim dis pleis brabli nogud, en ai garra binijimap dis pleis na.

Maika 2:4

En wen det ting garra hepin langa yumob lagijat, detlot najalot pipul garra meigimbat fan langa yumob, en dei garra sing dis song blanga yumob. “ ‘Wi nomo garram enijing na, dumaji God bin deigidawei ola len, en imbin gibit det len langa detlot pipul hubin deigidawei wi prisana.’ “Lagijat na detlot pipul garra sing blanga meigimbat fan langa yumob.

Dyudaranami 28:29

En yumob garra wokaran deitaim jis laik det blainwan men, en yumob kaan faindim wei blanga go, en yumob kaan dum enijing gudwei. Olataim ola enami garra gibit yumob adtaim en stilimbat ola ebrijing brom yumob, en nobodi kaan album yumob.