Jeramaiya 8:17 - Kriol Baibul

¹⁷ Wal YAWEI bin tok na, “Wal ai garra jandim brabli poisinwan sneik langa yumob, en yumob kaan neba stapam im brom baidimbat yumob.”

Jeramaiya 8:17 Iomraidhean Croise

Ola Saam 58:6

God, dislot pipul wulijim detlot jigiwan laiyan. Breigimap ola tuth blanga olabat.

Aklisiyestis 10:11

If det men hu sabi hau blanga meigim det sneik jidan kwaitbala, tharran kaan album im if im larram det sneik baidim im basdam.

Aisaiya 14:29

‘Ol yumob Filastain pipul, yumob nomo jidan gudbinji dumaji det wadi bin breik na weya bin oldei panishimbat langa yumob. Det wadi na garra jidan wulijim jigiwan sneik, en afta im garra jidan wulijim det brabli poisinwan sneik.

Eimos 5:19

En det dei garra jidan jis laik weya det wanbala men im trai ranawei brom det laiyan en im midim det najawan jigiwan enimul gulum beya. En im jis laik det men hu gobek langa im kemp weya im reken im seif, bat najing, det brabli jigiwan sneik baidim im wen im pudum im bingga langa det wol.

Eimos 9:3

If dei blandim miselp ontop langa det bigwan hil gulum Kamul, ai garra lukabat olabat en gajim olabat. If dei blandim miselp brom mi raitdan andanith langa solwoda, ai garra dalim det bigwan enimul deya blanga baidim olabat.

Nambas 21:6

Afta, YAWEI bin jandim bigmob jigiwan sneik langa detlot pipul en detlot sneik bin baidimbat bigismob Isreil pipul en kilim olabat ded.

Dyudaranami 32:24

Yumob garra dai dumaji yumob hanggribala en sikbala. Yumob garra binijap brom detlot strongbala siknis. Ai garra jandim ola wailwan enimul blanga ardimbat yumob, en ola poisinwan sneik blanga baidim yumob.

Rebaleishan 9:19

Detlot hos bin brabli jigiwan garram olabat mawus, en olabat teil bin jis laiga jigiwan sneik du, en garram olabat teil detlot hos gin baidim pipul.