Jeramaiya 7:18 - Kriol Baibul

¹⁸ Detlot biginini oldei gajimbat faiyawud, en detlot men oldei bildimap faiya, en detlot wuman oldei meigimbat keik blanga det drimin gulum Kwin blanga Hebin. Olabat oldei spilimbat det wain ofring blanga ol detlot drimin blanga ardimbat main filing.

Jeramaiya 7:18 Iomraidhean Croise

Fes Kings 14:9

Yubin dumbat mowa nogudbala ting langa detlot hubin jidan king bifo yu. Yu nomo bin bulurrum langa mi en yubin meigim mi brabli wail wen yubin meigimbat olkain aiyanwan drimin sheip blanga weshipbat.

Fes Kings 16:2

YAWEI bin tok, “Yubin jidan najing, bat mi na bin meigim yu jidan bos blanga main pipul olabat langa Isreil. Bat yubin bulurrum det wei blanga King Jerabowam en yubin lidimbat main pipul olabat nogudbalawei. En detlot nogudbala ting blanga yumob meigim mi wail nomo lilbit na.

Ola Saam 16:4

Bat detlot hu weshipbat enikain drimin garra nogudbinji detmatj. Ai nomo wandi gibit blad ofring sekrifais langa detlot drimin, en ai nomo wandi gulum olabat neim.

Aisaiya 3:8

“Yumob pipul langa Jerusalem en Juda, yumob wed en ekshan nomo eni gudwan en yumob bin gibit bekboun langa YAWEI.

Aisaiya 57:6

Yumob laigim blanga weshipbat detlot drimin sheip weya yumob bin meigim brom ston. Yumob bin gibitbat detlot wain en sid daga ofring. Yumob reken ai garra gudbinji langa yumob?

Aisaiya 65:11

“Wanim mi na YAWEI garra dum if enibodi gibit bekboun langa mi, en fogedabat main seikridwan pleis? Wanim garra hepin langa enibodi hu gibitbat detlot daga en wain ofring langa det dubala drimin gulum Gudlak en Im Oldei Hepin Lagijat?

Aisaiya 65:3

Olabat kipgon meigimbat mi wail, dumaji olabat oldei meigimbat fan langa mi wen olabat oldei gibit sekrifais ofring langa detlot drimin sheip langa detlot seikridwan gadin, en wen olabat barnimbat det gudsmelwan medisin ontop langa detlot stonwan teibul blanga ofring.

Jeramaiya 1:16

Wal ai garra panishim main pipul olabat dumaji olabat bin dum nogudbala ting, en olabat bin gibit bekboun langa mi, en olabat bin gibitbat sekrifais ofring langa olkain drimin, en deibin meigim drimin sheip blanga weshipbat.

Jeramaiya 11:17

“Wal mi na YAWEI det boswan God. Aibin growimap ola Isreil en Juda pipul, bat nomo dijan taim na. Ai garra rabishim olabat en libum olabat du. Olabat bin bringimap dijan trabul langa olabat ronselp, dumaji olabat bin dumbat nogudbala ting. Olabat bin meigim mi brabli wail wen deibin gibit sekrifais langa Beil.” Lagijat na YAWEI bin tok.

Jeramaiya 17:2

Yumob oldei weshipbat laiyawan drimin gulum Eshara langa detlot teibul blanga ofring en dei dum lagijat andanith langa ebri sheidiwan tri ontop langa detlot hil,

Jeramaiya 19:13

Detlot pipul en det king langa Jerusalem bin oldei barnimbat gudsmel medisin langa ola sta ontop langa olabat ruf, en olabat bin oldei spilimbat wain blanga gibit ofring langa drimin. Wal olabat garra ol jidan nomo klinbala blanga serramoni, jis laik Tofeth.’ Lagijat na YAWEI bin tok.”

Jeramaiya 25:7

“Bat YAWEI bin tok, ‘Yumob nomo bin irrim langa mi. Yumob bin meigim mi brabli wail garram detlot drimin sheip blanga yumob, en yumob bin bringimap det panishmen langa yumob ronselp.

Jeramaiya 32:29

en olabat garra barnimap garram faiya. Olabat garra barnimap du ola haus blanga detlot pipul hubin meigim mi brabli wail wen deibin oldei barnimbat gudsmel medisin langa Beil ontop langa detlot ruf, en wen deibin oldei spilimbat wain ofring langa najalot drimin.

Jeramaiya 44:4

Aibin oldei jandimbat main speshalwan mesinja hubin oldei dalimbat yumob nomo blanga dum dislot nogudbala ting weya ai nomo laigim.

Jeramaiya 7:17

Kaan yu luk wanim olabat oldei dumbat olaran langa Juda, en langa Jerusalem?

Leminteishans 5:13

Blanga melabat yangboimob, dei fosimbat olabat blanga bitsimap det sid daga laik detlot wekinmen hu nomo gedim eni pei. Dei meigim detlot lilboi garrimapbat detmatj wud, deibin oldei aigran.

Isikiyel 16:26

Yubin meigim mi brabli wail, dumaji yubin silipsilipbat garram detlot men brom Ijip hubin oldei wandi silip garram enibodi.

Isikiyel 20:28

Aibin bringimap olabat langa det kantri weya aibin pikimat blanga olabat. Wen olabat bin luk detlot haiwan hil en detlot grinwan tri, olabat bin gibit sekrifais ofring langa ola drimin langa ol detlot pleis. Holot deibin meigim mi brabli wail langa olabat wen deibin barnimbat detlot sekrifais en deibin bringimap wain blanga gibit ofring.’ ”

Isikiyel 8:16

Wal imbin deigim mi insaid langa det kotyad na langa det Serramoni Pleis. En deya na rait langa det dowawei blanga det pleis weya det teibul blanga ofring bin jidan, aibin luk 25 men bin deya. Olabat bin tenim miselp brom det Serramoni Pleis blanga YAWEI en deibin pudumdan olabat hed brabli lobala sanraiswei en olabat bin weshipbat det san.

Isikiyel 8:17

Wal YAWEI bin tok, “Isikiyel, yu gin luk tharran deya? Dislot pipul brom Juda nomo bin sedisfaid blanga dumbat ola nogudbala ting yubin luk iya, en dei kaan stap faitfaitbat gija langa dijan kantri, najing. Deibin lafta kaman iya blanga dum ola nogudbala ting langa main Serramoni Pleis. Olabat meigim mi brabli wail. Yu luk hau olabat gibitbat bekboun langa mi en rabishim langa mi en dei nomo laigim mi du.

Fes Karinthiyans 10:22

En if enibodi miksimapbat det dubala kap en det dubala teibul, wal im garra meigim God gitwail. Bat maitbi im stil miksimapbat det dubala kap en det dubala teibul, dumaji im reken im mowa strongbala langa God. Bat najing. Im nomo strongbala langa God.

Dyudaranami 32:16

YAWEI bin brabli jelas wen imbin luk yumob weshipbat olkain drimin sheip. Det nogudbala ting bin meigim im brabli wail.

Dyudaranami 32:21

Garram yumob drimin sheip weya yumob bin meigim, yumob oldei meigim mi jelas en brabli wail. Detlot na nomo brabliwan. Ai garra yusum najalot pipul wulijim dei gin meigim yumob wail. Ai garra meigim yumob jelas blanga detlot pipul hu nomo sabi mi.

Dyudaranami 4:19

Wal yumob kaan larram enibodi dalim yumob blanga bulurrumbat en weshipbat det skai, en san en mun en detlot sta. YAWEI na bin gibit detlot ebrijing langa ola najalot pipul langa dijan wel blanga weship.