Jeramaiya 7:16 - Kriol Baibul

¹⁶ Wal YAWEI bin tok langa mi na, “Jeramaiya, yu nomo krai o prei blanga dislot pipul. Yu nomo askim mi blanga olabat, dumaji ai kaan irrim yu na.

Jeramaiya 7:16 Iomraidhean Croise

Sekan Semyul 8:18

En ola san blanga King Deibid bin jidan serramonimen du. En det men neim Benaiya bin bos blanga ola blijiman hubin oldei lukaftumbat King Deibid. En im dedi bin neim Jehoiyada.

Eksadas 32:10

en mi wail langa olabat na, en ai garra binijimap olabat. En yu kaan trai en stapam mi, dumaji afta ai garra meigim yu en yu biginini olabat jidan brabli bigwan traib blanga deigim pleis blanga detlot Isreil pipul.” Lagijat na YAWEI bin tok.

Aisaiya 1:15

“ ‘Nomeda haumatj yumob preipreibat langa mi, ai kaan lisin langa yumob, dumaji yumob bingga jidan garram detmatj blad brom detlot sekrifais.

Jeramaiya 11:14

Jeramaiya, yu nomo prei langa mi en yu nomo krai langa mi blanga dislot pipul. Wen olabat abum trabul en wen olabat jingat langa mi blanga album olabat, wal ai kaan irrim olabat.

Jeramaiya 15:1

Wal YAWEI det trubala God bin tok langa mi na, “Nomeda if Mosis en Semyul bina iya askimbat mi, bat stil ai kaan shoum dislot pipul eni kainbala filing. Yu jandimwei detlot Juda pipul na. Ai nomo wandi luk olabat enimo.

Jeramaiya 15:6

Ol yumob pipul nomo bin laigim mi. Yumob bin gibit bekboun langa mi. Wal aibin pudumat main bingga na, en aibin binijimap yumob, dumaji aibin nokap brom albumbat yumob na, en aibin brabli wail langa yumob du.

Jeramaiya 18:20

Yu reken nogudwan ting garra peiyimbek blanga gudbala ting? Bat olabat bin grajim hol blanga trepam mi. Yu sabi blanga tharran na hau aibin kaman langa yu, en dalim yu blanga olabat wulijim yu kaan gitwail langa olabat.

Jeramaiya 4:28

Dijan graun garra jidan brabli soribala, en det skai garra jidan dakbala. Lagijat na YAWEI bin tok, en im kaan neba tjeinjim im main igin, dumaji imbin tok lagijat, en im kaan tenbek na.

Jeramaiya 7:17

Kaan yu luk wanim olabat oldei dumbat olaran langa Juda, en langa Jerusalem?

Maika 3:4

“Nomo longtaim na yumob garra jingat langa YAWEI det trubala God blanga album yumob. Bat im kaan irrim yumob askimbat im, dumaji yumob bin dum brabli nogudbala ting.

Dyudaranami 9:14

Nomo trai stapam mi na, dumaji ai garra binijimap olabat en nobodi kaan sabi langa olabat enimo. Ai garra meigim yu det dedi blanga bigismob pipul weya garra jidan brabli strongbala, en mowa strongbala langa dislot pipul iya tudei.’

Fes Jon 5:16

Wal if yumob luk eni braja o sista blanga yumob dumbat nogudbala ting weya kaan meigim im dai, wal yumob garra prei langa God blanga im, en God garra larramgo im fri en meigim im kipgon jidan laibala. Lagijat na yumob garra prei blanga det braja o sista blanga yumob hu dumbat nogudbala ting weya kaan meigim im dai. Bat wanbala nogudbala ting deya garra meigim im dai. En ai nomo dalim yumob blanga prei langa God blanga tharran nogudbala ting.