Jeramaiya 7:14 - Kriol Baibul

¹⁴ Wal jis laik wen aibin dum deya langa Shailo, ai garra dum lagijat na langa main Serramoni Pleis, dumaji yumob oldei reken ai garra seibum yumob. Iya na langa dijan pleis weya aibin gibit langa yumob, en langa yumob grengrenfatha, ai garra dum seimwei lagijat du, jis laik wen aibin dum langa Shailo.

Jeramaiya 7:14 Iomraidhean Croise

Sekan Kings 25:9

Imbin barnimap det Serramoni Pleis en det bigwan haus blanga det king en ola haus blanga ola haibala pipul langa Jerusalem.

Sekan Kranakuls 7:21

“Dijan Serramoni Pleis im brabli gudwan tudei, bat bambai wen ai libum dijan pleis, ebribodi hu wokpas garra gedim shok en askim, ‘Wotfo YAWEI bin dum dijan langa det Serramoni Pleis en dijan kantri?’

Ola Saam 78:60

Imbin libum im kemp insaid langa det tent deya langa Shailo, det kemp na weya imbin oldei jidanbat garram pipul.

Aisaiya 64:11

Det seikridwan Serramoni Pleis blanga yu weya bin jidan langa Saiyan en weya melabat grengrenfathamob bin oldei preisimbat langa yu, imbin ol barnap langa faiya. Det purdiwan pleis jidan bitsapwan na.

Jeramaiya 12:7

Wal YAWEI bin kipgon tok, “Aibin libum detlot Isreil pipul. Aibin tjakidawei main ronwan pipul. Aibin gibit main pipul hu aibin laigim langa detlot enamimob.

Jeramaiya 23:39

‘Ai garra pikimap olabat en tjakam olabat longwei brom mi. Ai garra dum tharran langa olabat pipul en langa olabat taun du, det taun Jerusalem, weya aibin gibit olabat en olabat grengrenfathamob.

Jeramaiya 26:18

Deibin tok, “Wen Hesakaiya bin jidan king langa Juda, det speshalwan mesinja gulum Maika brom Morasheth bin dalim ola pipul wanim YAWEI det boswan God bin tok, ‘Dei garra grajim Saiyan jis laik det pedik, en Jerusalem garra jidan rabishwan, en det hil weya det Serramoni Pleis jidan tudei garra jidan garram loda tri en bushis.’

Jeramaiya 26:4

Wal YAWEI bin dalim mi na blanga dalim detlot pipul, “Wal mi na YAWEI, en aibin dalim yumob blanga teiknodis langa mi, en blanga bulurrum det wed weya aibin oldei gibitbat yumob.

Jeramaiya 7:10

En yumob oldei dum dislot ting ai heidim. En afta yumob kaman en jandap lida langa mi langa main ronwan Serramoni Pleis en yumob tok, ‘Wal melabat orait.’

Jeramaiya 7:12

Wal yumob go langa Shailo, langa det feswan pleis weya aibin pikimat blanga yumob blanga weshipbat oni langa mi. Yumob luk wanim aibin dum langa Shailo, dumaji blanga main pipul olabat brom Isreil olabat oldei dumbat nogudbala ting.

Jeramaiya 7:4

Yumob oldei bilib det laiyawan wed weya pipul oldei toktokbat, ‘Melabat orait. Melabat jidan seifwan iya langa det Serramoni Pleis blanga YAWEI.’ Wal yumob nomo lagijat.

Leminteishans 2:7

“YAWEI bin gibit bekboun langa im teibul blanga ofring en det Serramoni Pleis. Imbin larram detlot enamimob rudimat detlot wol blanga det Serramoni Pleis. En deibin bidim wi en deibin go insaid langa det Serramoni pleis, en deibin jingatbat gudbinjiwei langa det Serramoni Pleis. Tharran na bin meigim wi jinggabat ola gudbala taim wibin oldei abum deya basdam.

Leminteishans 4:1

Wal det speshalwan mesinja im tok mowa, “Wal det gudwan gol nomo shain brabliwei na, en detlot ston blanga det Serramoni Pleis leidan ebriweya langa ola roud.

Isikiyel 23:31

Yubin oldei bulurrumbat det wei blanga yu sista. Wal ai garra lafta panishim yu na, en yu garra abum det seimwan trabul weya aibin gibit langa yu sista.

Isikiyel 24:21

Im redi blanga binijimap det Serramoni Pleis weya yumob laigim detmatj en yumob oldei gudbinji blanga go deya, en weya yumob reken yumob oldei jidan seifwan. Bat ol yumob biginini olabat hu oldei jidan langa Jerusalem, olabat garra ol gitkil langa wo.

Dyudaranami 12:5

Brom ola difrin kantri blanga ol yumob klen, YAWEI garra pikimat wanbala pleis weya im garra jidan en weya ola pipul garra majurrumap miselp langa im, en deya na olabat garra weship langa im.

Dyudaranami 28:52

Dei garra binijimap ebri taun langa det kantri weya YAWEI garra gibit yumob. Detlot strongwan wol raidaran langa yumob taun weya yumob oldei trastimbat, wal olabat garra buldan dumaji detlot enami garra nokamdan.