Jeramaiya 6:30 - Kriol Baibul

³⁰ Olabat neim garra jidan nogudbala, dumaji mi na YAWEI garra gibit bekboun langa olabat na.” Lagijat na YAWEI bin tok.

Jeramaiya 6:30 Iomraidhean Croise

Sekan Kings 17:20

YAWEI nomo bin laigim ola Isreil pipul na en imbin hendimoba olabat langa ola brabli nogudwan enami blanga olabat. YAWEI bin panishimbat olabat en imbin jandimwei olabat langa Asiriya weya deibin jidan prisana en im nomo bin wandi luk o jinggabat langa olabat enimo.

Ola Saam 119:119

YAWEI, langa yu, ola nogudbala pipul jidan jis laik rabish. Blanga tharran na, ai laigim bulurrumbat ol yu lowa.

Ola Saam 53:5

Olabat garra bradin nomo lilbit weya dei nomo bin bradin bifo. God na garra binijimap detlot enamimob, en libum olabat boun leidan ebriweya. Olabat garra sheim miselp, dumaji God bin gibit bekboun langa olabat.

Prabebs 25:4

Yu garra deigimat ola rabish brom det silba bifo det sabibala wekinmen gin yusum det silba blanga meigim eni gudwan ting.

Aisaiya 1:22

Basdam Jerusalem bin jidan jis laik det silba, bat tudei na yumob pipul meigim det taun jidan brabli rabishwan. Basdam Jerusalem bin jidan jis laik det gudwan wain, bat tudei na yumob pipul jis laik det wain weya nomo garram eni teist.

Aisaiya 1:25

Wal ai garra panishim yumob, en ai garra barnimap ol detlot rabishwan ting langa yumob laif weya oldei stapambat yumob brom weshipbat mi brabli trubalawei.

Jeramaiya 14:19

Wal detlot pipul blanga Juda bin tok, “YAWEI, yubin gibit bekboun langa Juda? En yu nomo laigim ola pipul langa Jerusalem, indit? En wotfo yubin ardimbat melabat brabliwei wulijim melabat kaan gitbeda? Melabat bin wandim jidan kwaitbalawei, bat najing, en nomo eni gudbala ting bin hepin. Melabat bin wandim yu blanga meigim melabat jidan gudwei, bat brabli nogudbala ting bin hepin langa melabat.

Jeramaiya 23:33

YAWEI bin kipgon tok, “Jeramaiya, if eni mesinja o serramonimen o jis odinri men tok langa yu, ‘Wanim wori YAWEI bin gibit langa yu?’ Yu garra tok, ‘Yu na det wori blanga YAWEI en im garra tjakidawei yu.’

Jeramaiya 7:1

Wal YAWEI bin dalim mi blanga go en jandap wansaid langa det geit blanga det Serramoni Pleis weya detlot pipul brom Juda oldei gowin blanga weshipbat. Wal imbin dalim mi blanga go en jandap deya en dalim olabat wanim YAWEI det boswan God blanga ola Isreil pipul bin tok. Imbin tok, “Ol yumob pipul, yumob garra tjeinjim det wei weya yumob oldei jidanbat, en detlot ting weya yumob oldei dumbat, wulijim ai garra larram yumob jidan iya.

Jeramaiya 7:29

Wal YAWEI bin kipgon tok, “Ol yumob pipul brom Jerusalem, yumob kraikraibat en kadimof yumob heya en tjakidawei. En yumob sing det fyunral song ontop langa detlot hil, dumaji mi na YAWEI, en mi brabli wail na, en aibin gibit bekboun langa main pipul olabat.

Leminteishans 5:22

YAWEI, yubin libum melabat olagijawan na? Yu garra kipgon wailwailbat langa melabat olagijawan?” Lagijat na detlot pipul bin prei. Binij na.

Hoseiya 9:17

Wal Hoseiya bin tok, “Det God weya mi bulurrum garra libum im pipul olabat, dumaji dei nomo bin lisin langa im. En dei garra wokabatbat ebriweya langa eni kantri na, dumaji dei kaan jidan langa olabat ronwan kantri.

Sekaraiya 11:8

En aibin lukaftumbat detlot ship. Langa dijan manth aibin jandimwei thribala nogudwan stakmen hu nomo bin laigim mi bat detlot ship nomo bin laigim mi du.

Methyu 5:13

“Wal yumob pipul hu wandi bulurrum God, yumob garra jidan difrinwei brom ola najalot pipul. “Yumob jinggabat det solt na. Det solt im gudwan. Bat if det brabli soltipat im gowei, wal yu kaan meigim det solt go soltiwan mowa, en det solt im nogud blanga enijing na. Yu garra tjakidawei det solt langa graun, en ola pipul garra pudumbut langa det solt. Wal yumob garra jidan jis laik det gudwan solt en nomo slekbek.

Romans 11:1

Wal mi askim yumob na. God bin tjakidawei im ronwan pipul olabat? Nomo. Im nomo bin tjakidawei detlot Isreil pipul weya imbin pikimat basdam. Ai sabi, dumaji mi Isreil men du. Mi grengrensan blanga Eibrahem, en main klen na Benjamin. Wal yumob sabi wanim im tok langa oltestaman wen det speshalwan mesinja neim Ilaija bin pudum bleim langa detlot Isreil pipul.