Jeramaiya 6:2 - Kriol Baibul

² Jerusalem im brabli purdiwan, bat im garra jidan brabli rabishwan na.

Jeramaiya 6:2 Iomraidhean Croise

Aisaiya 1:8

Ol yumob enamimob jidan raidaran langa Jerusalem, en nobodi kaan album yumob na. Yumob jis laik det lilwan hampi weya jidan langa midul langa ola greiptri o langa melan fam.” Lagijat na YAWEI bin tok.

Jeramaiya 4:31

Aibin irrim sambodi kraikraibat, jis laik det wuman wen im garra abum im beibi, en jis laik gel weya kraikraibat adbala wen im abumbat det pein blanga im feswan beibi. Dijan Jerusalem na hubin kraikraibat en lujim im win. En imbin pudumat im bingga en jinginatbat adbala, “Mi garra dai na, dumaji olabat kaminap blanga kilim mi na!”

Leminteishans 2:1

Det speshalwan mesinja bin tok, “YAWEI det trubala God imbin brabli gitwail en imbin meigim Jerusalem jidan brabli dakbala. Nomeda imbin luk brabli purdiwan, bat YAWEI bin binijimap det taun. Im najing na. Langa det seim dei na wen imbin brabli gitwail detmatj, imbin libum det Serramoni Pleis.

Leminteishans 2:13

“Bobala Jerusalem! Mi laigim yu detmatj. Wanim mi garra dum blanga yu? Ai kaan album yu na, dumaji nobodi nomo bin abum nogudbala ting lagijat laik yubin abum. Dijan nogudbala ting im garra kipgon jis laiga bigwan strongwan solwoda weya det win im blowimbat ebriweya en nobodi kaan stapam en meigim gudwan igin.

Leminteishans 4:5

Detlot pipul hubin oldei abumbat gudwan daga bifo, olabat oldei jidanbat hanggriwan na, en olabat oldei dai ebriweya langa roud. Detlot hubin jidan brabli ritjwan en abum blendibala ebrijing bifo, wal dei lafta lukabat daga langa rabish pleis na.

Dyudaranami 28:56

En det brabli haibala gel hu jidan brabli ritjwan hu nomo bin wok eniweya, im garra kadimat miselp blanga daga en im garra dagat im ronwan lilwan beibi en detlot najalot ebrijing streidawei wen det beibi bin bon. Im nomo wandi gibit enijing langa im hasbin im laigim detmatj, o im biginini olabat.