Jeramaiya 51:6 - Kriol Baibul

⁶ Ol yumob Isreil pipul garra ranawei brom Bebalon wulijim yumob garra jidan laibala. Yumob kaan dai, dumaji detlot Bebalon pipul bin dum nogudbala ting. Ai garra panishim olabat du.

Jeramaiya 51:6 Iomraidhean Croise

Ola Saam 94:1

YAWEI, yu det God hu oldei panishim ol detlot jigiwan bos. Yu gitwail en panishim olabat na.

Prabebs 13:20

Enibodi hu laigim jidanbat garram ola sabibala pipul garra jidan sabibala du, bat if enibodi jidan fren garram detlot silibala pipul, wal im garra abum trabul.

Aisaiya 48:20

“Bat stil yumob garra libum Bebalon. Yumob garra gowei gudbinjiwei. Yumob garra jidan brabli hepiwan, en jinginat adbala wulijim ebribodi garra irrim yumob tok, ‘YAWEI bin album ol im Isreil pipul.

Aisaiya 63:4

Aibin dum dijan blanga peiyimbek detlot enami, dumaji det taim bin kaman blanga seibum main pipul olabat.

Jeramaiya 25:14

Ai garra peiyimbek detlot Bebalon pipul blanga wanim olabat bin oldei dumbat, en najalot pipul en detlot king garra meigimbat olabat prisana.’ ” Lagijat na YAWEI bin tok.

Jeramaiya 25:16

Wen olabat garra dringgim, olabat garra wok nogudbalawei, en olabat kaan sabi wanim olabat dumbat, dumaji ai garra jandim najalot pipul blanga fait langa olabat.” Lagijat na YAWEI bin tok.

Jeramaiya 27:7

Ola pipul brom ola difrinwan kantri garra wek blanga im du, en olabat garra wek blanga im san en im grensan, raidap det taim garra kaman wen detlot king brom najalot kantri garra teikoba. Afta na detlot pipul brom Bebalon garra wek blanga detlot najalot king hu garra abum detmatj pawa.

Jeramaiya 46:10

Dijan na det dei blanga YAWEI det brabli boswan God. Tudei na im garra peiyimbek ol im enamimob. Tudei na im garra panishim olabat. Blanga im bigwan naif garra dagat olabat raidap im bulap, en im garra dringgim olabat blad raidap im sedisfaid. Tudei na, det boswan God garra sekrifais im enamimob langa nowathwei, gulijap langa det Yufreitis Riba.

Jeramaiya 48:6

Olabat jinginat adbala, ‘Ranawei kwikbala wulijim yumob kaan gitkil. Ran wulijim det wailwan dongki wen im ran langa deset kantri.’

Jeramaiya 50:15

Yumob garra jingat adbala raidaran langa det taun. Wal detlot Bebalon pipul bin gibit miselp langa yumob na, en yumob bin breigim detlot wol, en meigim im buldan. Ai garra fait en peiyimbek detlot Bebalon pipul. Wal yumob fait langa olabat na, en yumob tridim olabat seimwei jis laik wen olabat bin tridimbat najalot pipul.

Jeramaiya 50:28

Sambala streinja pipul bin ranawei brom Bebalon en olabat bin go langa Jerusalem. Deya na deibin oldei toktokbat hau YAWEI bin panishim detlot Bebalon pipul dumaji detlot pipul bin bitsimap im Serramoni Pleis langa Jerusalem.

Jeramaiya 50:31

“Bebalon, yu brabli praudbala. Wal mi na YAWEI det brabli boswan God, en ai nomo laigim yu na. Det taim bin kaman na wen ai garra panishim yu.

Jeramaiya 50:8

“Ola pipul brom Isreil, yumob ranawei brom Bebalon. Yumob libum det kantri. Yumob feswan pipul blanga libum det pleis.

Jeramaiya 51:11

Wal YAWEI bin sterrimap detlot king brom Midiya, dumaji imbin wandim binijimap Bebalon. Detlot king garra jandim ola solja blanga fait langa Bebalon dumaji det Bebalon pipul bin dum nogudbala ting langa det Serramoni Pleis. Detlot boswan solja tok langa ola solja weya olabat gitredi blanga fait. Dei tok, “Yumob shapinim yumob erro en gitredi garram yumob shild.

Jeramaiya 51:36

Wal YAWEI det trubala God bin tok langa detlot pipul langa Jerusalem. Imbin tok, “Ai garra album yumob, en ai garra peiyimbek detlot enami blanga yumob blanga ol detlot nogudbala ting weya deibin dumbat langa yumob. Ai garra draiyimap ola riba en ola springwoda.

Jeramaiya 51:45

Pipul blanga Isreil, yumob ranawei brom deya. Mi brabli wail. Yumob ran wulijim yumob gin jidan laibala.

Jeramaiya 51:50

Wal YAWEI bin dalim im pipul olabat langa Bebalon. Imbin tok, “Yumob bina dai, bat najing. Yumob lafta gowei brom iya kwikbala na. Nomo weidabat. Nomeda yumob longwei brom yumob kantri bat stil yumob garra jinggabat langa mi na, YAWEI, en yumob jinggabat Jerusalem du.

Jeramaiya 51:56

Olabat bin kaman blanga binijimap Bebalon. Olabat bin gajim ola solja blanga Bebalon, en bin breikimap olabat bo en erro. Wal mi na YAWEI en ai oldei panishim ola nogudbala ting, en ai garra tridim Bebalon seimwei du.

Jeramaiya 51:9

Ola streinja pipul hubin oldei jidan deya bin tok na, ‘Wibin trai blanga album Bebalon, bat imbin tuleit. Wi garra gowei na en wi garra gobek langa wi kantri. YAWEI bin panishim Bebalon na garram ol im strongwan pawa, en imbin binijimap im brabliwei.’

Leminteishans 3:64

“YAWEI, yu panishim olabat blanga ola nogudbala ting deibin dum langa mi.

Nambas 16:26

Imbin tok langa detlot Isreil pipul, “Yumob gowei brom dislot tent blanga dislot nogudbala men, en nomo tatjim enijing blanga olabat, wulijim yumob kaan dai garram olabat blanga olabat nogudbala ting weya deibin oldei dumbat.”

Dyudaranami 32:25

Langa roud ai garra jandim loda enami blanga kilimbat yumob. Olkain ting garra kamat langa yumob kemp en bradinim yumob. Ola yangboi en ola yanggel garra dai, en ola beibi en ol pipul garra dai du.

Dyudaranami 32:41

Ai garra shapinim main bigwan shainiwan naif, en ai garra meiksho ebribodi abumbat feyago. Ai garra panishim main enami olabat, en ai garra peiyimbek detlot hu nomo laigim mi.

Dyudaranami 32:43

“En detlot najalot pipul garra lafta preisim detlot pipul blanga YAWEI, dumaji im panishim detlot najalot pipul hubin kilim ded im pipul olabat. YAWEI garra meigim detlot enami pei, en im garra meigimbat im pipul olabat fri brom olabat nogudbalawei.”

Fes Timathi 5:22

En yu kaan jinggabat blanga meigim enibodi jidan tjetj lida en pudum yu bingga langa im streidawei. Yu garra jinggabat basdam if im rait langa God, dumaji yu nomo wandi God garra pudum bleim langa yu blanga det sambodi trabul. Nomo. Yu wandi meiksho yu jidan brabli gudbalawei langa ebrijing weya yu dumbat.

Rebaleishan 16:19

En det taun gulum Bebalon bin split thribalawei, en ola najalot taun langa ebri kantri bin buldan. God bin jinggabat det bigwan taun, en imbin meigim brabli nogudwan trabul blanga det pleis. Imbin gibit ol detlot pipul langa det taun detmatj trabul, dumaji imbin brabli wail langa olabat.