Jeramaiya 51:16 - Kriol Baibul

¹⁶ Wen im tok, det thanda jingat adbala langa skai, en im bringimap ol detlot klaud. Im meigim det laitining laitlait langa det rein, en im jandim win brom im stowa rum.

Jeramaiya 51:16 Iomraidhean Croise

Jenasis 8:1

Afta na God bin jadimap det skai, en imbin klosimap ola bigbala springwoda langa graun, en det rein bin stap buldanbat na. Bat det fladwoda bin stil jidan ontop langa ola kantri, en det woda bin gaburrumap ola graun ebriweya longtaim. Wal God nomo bin fogedabat Nowa. Imbin stil jinggabat im en im femili olabat en ola enimul langa det bout, en imbin jandim win ebriweya langa det kantri blanga draiyimap ola woda.

Job Wotfo Gudbala Pipul Abum Trabul? 37:13

blanga larramgo woda, samtaim blanga panishim wi, en samtaim im jidan brabli kainbalawei langa wi.”

Job Wotfo Gudbala Pipul Abum Trabul? 38:22

Yubin deya langa detlot pleis weya mi oldei kipumbat ola sno en ola heilston?

Job Wotfo Gudbala Pipul Abum Trabul? 40:9

Yu reken yu garram brabli strongbala am wulijim mi? Yu reken yu gin jinginat adbala laik det thanda wulijim mi?

Ola Saam 104:7

Wen yubin tok langa ola woda deibin ranawei. Deibin ranawei wen deibin irrim yu tok adbala.

Ola Saam 135:7

Im bringimap rein klaud brom olaran langa ebri kantri. Im meigim laitining blanga ola bigwan rein, en im bringimap win brom det pleis weya im jidan.

Ola Saam 147:18

Brom deya im tok en ola ais meltap. Im jandim win en det woda im stat randan.

Ola Saam 18:13

Afta na YAWEI bin jingat brom ontop jis laiga thanda, en ebribodi bin irrim det brabli haibala God bin jingat,

Ola Saam 46:6

Wen God garra jingat jis laik det laitining weya im meigim bigbala nois, detlot pipul brom najalot kantri garra bradin brabliwei. Detlot boswan brom detlot kantri kaan jidan boswan enimo. En det graun garra binij.

Ola Saam 68:33

Im na kaman garram klaud brom det skai weya imbin meigim longtaim. Ebribodi irrim det thanda. Tharran na YAWEI jinginatbat adbala.

Ola Saam 78:26

Imbin meigim det win blo brom sangidapwei, en garram im pawa imbin sterrimap det sauth win.

Eksadas 10:13

Wal wen Mosis bin lidimap det wokinstik blanga im ontop, streidawei YAWEI bin jandim det win brom sanrais, en det win bin ran oldei en olnait, en ailibala det win bin bringimap ola grashopa.

Eksadas 10:19

en imbin tjeinjim det sanrais win, en imbin meigim brabli strongbala win kaman brom sangodanwei, en det win bin deigidawei ola grashopa brom det kantri en tjakidawei olabat langa det solwoda gulum Redsi. Nomo eni grashopa bin jidan langa det kantri na.

Eksadas 14:21

Wal Mosis bin lidimap det wokinstik garram im bingga ontop langa det solwoda, en YAWEI bin kadimat det solwoda garram strongwan win brom sanraiswei, en det win bin kadimat det solwoda en meigim det graun draiwan. Olnait det win bin blo,

Isikiyel 10:5

Detlot wing blanga detlot tjerabim bin meigimbat loda nois en det nois bin go oloba langa det kotyad. Imbin brabli noisiwan jis laik YAWEI det brabli haibala boswan God bin toktokbat.

Eimos 9:7

YAWEI bin tok, “Ol yumob Isreil pipul, ai jinggabat detlot najalot pipul brom det kantri gulum Ithiyopiya seimwei laik ai jinggabat yumob. Yumob brabli nogudbala pipul. En aibin bringimat detlot Filastain pipul brom det kantri gulum Krit, en detlot Siriyan pipul brom det kantri gulum Kira jis laik aibin bringimat yumob brom Ijip.

Jona 1:4

en Jona bin godan insaid langa det bout, en imbin leidan en silip. Afta na wen det bout bin kamat langa solwoda, YAWEI bin jandim brabli strongbala win langa det bout, en ola boutmen bin brabli bradin blanga det win, en deibin reken det bout blanga olabat garra breikhaf. Wal detlot boutmen bin ol jinginat langa olabat ronwan drimin blanga album olabat, en deibin stat tjakidawei ola enijing brom det bout blanga meigim im flout gudwei.

Jona 4:8

Afta na wen det san bin gidap, God bin jandim brabli hotwan win brom sanrais, en det san bin barnim Jona langa im hed. Wal Jona bin go brabli wikwan, en imbin wandi dai, en imbin gitwail, en imbin tok, “Ai nomo wandi jidan laibala, dumaji mi nogudbinji.”