Jeramaiya 51:10 - Kriol Baibul

¹⁰ “Main pipul olabat yumob jingat adbala en yumob tok, ‘YAWEI bin shoum wi holot wi nomo giltiwan. Wal wi garra go en dalim detlot pipul langa Jerusalem wanim YAWEI det trubala God blanga wi bin dum.’ ” Lagijat na YAWEI bin tok.

Jeramaiya 51:10 Iomraidhean Croise

Ola Saam 118:17

Ai kaan neba dai. Ai garra jidan laibala, en ai garra dalimbat wanim YAWEI bin dum.

Ola Saam 37:6

Im garra meigim det raitwei blanga yumob shain wulijim det san wen im gidap ailibala, en im garra meigim det feyagowei blanga yumob shain wulijim det san wen im dinataim.

Ola Saam 64:9

Olabat holot garra bradin. Dei garra jinggabat wanim God bin dum en dei garra tok blanga ola ting weya imbin dumbat.

Ola Saam 66:16

Ol yumob pipul hu gibit rispek langa God, kaman en irrim wanim imbin dum blanga mi.

Ola Saam 9:14

wulijim ai gin jandap en dalim ola pipul brom Jerusalem blanga ola brabli gudbala ting yubin dum. Ai garra densdensbat en sing song dumaji yubin seibum mi.

Aisaiya 24:14

“Bat afta, ol detlot pipul hu stil jidan laibala garra sing gudbinjiwei. Detlot pipul hu jidan langa sangodansaid garra preisimbat langa YAWEI gudbinjiwei.

Aisaiya 40:2

Ai garra tok kainbalawei langa yumob deya langa Jerusalem. Aibin panishimbat yumob brabli adbalawei blanga yumob nogudbalawei, bat det panishmen im binij na.”

Aisaiya 51:11

Wal detlot pipul hu yubin seibum, dei garra ol gobek langa Jerusalem na, en dei kaan neba stap preisimbat yu. Dei garra jidan brabli hepiwan. Dei kaan abumbat adtaim igin, en dei kaan jidan sedwan du.” Lagijat na aibin tok.

Jeramaiya 50:28

Sambala streinja pipul bin ranawei brom Bebalon en olabat bin go langa Jerusalem. Deya na deibin oldei toktokbat hau YAWEI bin panishim detlot Bebalon pipul dumaji detlot pipul bin bitsimap im Serramoni Pleis langa Jerusalem.

Jeramaiya 50:45

Wal yumob lisin langa dijan plen weya aibin meigim blanga detlot pipul brom Bebalon. Detlot enami garra deigimwei olabat bigininimob en ebribodi garra bradin nomo lilbit.