Jeramaiya 50:9 - Kriol Baibul

⁹ Ai garra sterrap sambala strongbala pipul brom nowathsaid en meigim olabat go en fait langa Bebalon. Olabat garra ol majurrumap miselp blanga fait langa detlot pipul langa Bebalon en olabat garra bidim detlot pipul. Olabat brabli gudwan hanta. Olabat gin shudum garram olabat bo en erro en nomo misdim.

Jeramaiya 50:9 Iomraidhean Croise

Sekan Semyul 1:22

Det bo en erro blanga Jonathan bin nambawan, en det bigwan naif blanga King Sol bin brabli gudwan du, en nomeda dubala enami bin brabli strongbala, bat stil detmatj dubala bin spilim olabat blad en binijimap olabat.

Brabli Gudwan Song 3:8

Deibin ol klebawan blanga yusum det bigwan naif, en dei sabi fait nomo lilbit. Dei ol garram bigwan naif langa olabat bingga, en ebrinait olabat jidan redi blanga fait.

Aisaiya 21:2

Aibin luk det brabli nogudwan sain langa main drim. “Yumob pipul brom Elam en Midiya, yumob majurrumap miselp raidaran langa detlot Bebalon pipul en fait langa olabat, dumaji YAWEI det trubala God bin meigim pramis blanga binijimap ola trabul en adtaim weya detlot Bebalon pipul bin gibit langa ol detlot najalot pipul.

Aisaiya 41:25

“Mi na, YAWEI bin pudum wanbala men blanga jidan bos langa nowathwei. Im kaman brom sanraiswei blanga meigim main neim mowa haibala. En im garra pudumbut langa detlot king jis laik wen pipul wokwok ontop langa det mad, en jis laik detlot pipul hu oldei wokwokbat langa det klei blanga meigim pot.

Jeramaiya 15:14

Ai garra meigim olabat jidan wekinmen blanga olabat enamimob langa det kantri weya olabat nomo sabi, dumaji mi brabli wail na, jis laik det faiya weya oldei barnbarnbat, en im garra barnbarnbat lagijat olagijawan.”

Jeramaiya 25:14

Ai garra peiyimbek detlot Bebalon pipul blanga wanim olabat bin oldei dumbat, en najalot pipul en detlot king garra meigimbat olabat prisana.’ ” Lagijat na YAWEI bin tok.

Jeramaiya 50:14

“Ol yumob men garram bo en erro, yumob gitredi na blanga fait langa detlot Bebalon pipul en yumob majurrumap miselp raidaran langa Bebalon. Yumob shudum yumob erro langa Bebalon, dumaji imbin dumbat nogudbala ting langa mi na, YAWEI.

Jeramaiya 50:21

Wal YAWEI bin kipgon tok, “Aibin dalim detlot enami blanga Bebalon, ‘Go en fait langa detlot pipul brom Merathaiyim en brom Pekod deya langa Bebalon. Yumob kilim en binijimap olabat. Yumob dum ebrijing ai dalim yumob,’ dumaji mi na YAWEI bin tok dijan.

Jeramaiya 50:26

Ola enami blanga Bebalon, yumob garra fait langa im, en breigimap detlot stowa rum weya dei oldei kipum det sid daga. Hipimapbat ebrijing yubin gajim. Yumob fait langa olabat, en binijimap olabat kantri en yumob nomo libum enijing deya.

Jeramaiya 50:29

“Yumob enami, go en fait langa detlot Bebalon pipul. Jandimat ebriwan hu sabi hau blanga yusum det bo en erro. Yumob garra majurrumap miselp raidaran langa det taun, en yumob nomo larram enibodi ranawei. Yumob garra peiyimbek olabat blanga wanim olabat bin oldei dumbat, en yumob garra tridim olabat seimwei laik wanim olabat bin oldei dumbat langa najalot pipul, dumaji olabat bin oldei dum ebrijing praudbalawei langa mi, det brabli holiwan God blanga ola Isreil pipul.

Jeramaiya 50:3

Najalot pipul brom nowathwei kantri garra kaman blanga fait langa detlot Bebalon pipul, en olabat garra meigim Bebalon jidan rabishwan jis laik det deset kantri. Ola men en ola enimul garra ranawei, en nomo enibodi garra jidan deya.”

Jeramaiya 51:11

Wal YAWEI bin sterrimap detlot king brom Midiya, dumaji imbin wandim binijimap Bebalon. Detlot king garra jandim ola solja blanga fait langa Bebalon dumaji det Bebalon pipul bin dum nogudbala ting langa det Serramoni Pleis. Detlot boswan solja tok langa ola solja weya olabat gitredi blanga fait. Dei tok, “Yumob shapinim yumob erro en gitredi garram yumob shild.