Jeramaiya 5:25 - Kriol Baibul

²⁵ Bat yumob nogudbalawei bin oldei kipumwei yumob brom ol detlot gudbala ting.

Jeramaiya 5:25 Iomraidhean Croise

Ola Saam 107:17

Sambala pipul bin siliwan, en deibin ardimbat dumaji deibin oldei dumbat brabli nogudbala ting.

Ola Saam 107:34

Imbin meigim ola gudwan graun jidan garram solt, dumaji ol detlot hubin jidan langa det kantri bin dumbat ola brabli nogudwan ting.

Aisaiya 59:2

Im nomo laigim irrim yumob samtaim, dumaji yumob oldei dumbat ola nogudbala ting, en tharran na kadimat yumob brom God. Blanga tharran na im nomo oldei ensim yumob preya en im nomo larram yumob blanga luk langa im feis.

Jeramaiya 14:1

Wal wen im nomo bin rein blanga longtaim, YAWEI det trubala God bin dalim mi wotfo im nomo bin jandim eni rein. Imbin tok,

Jeramaiya 14:7

Blanga main pipul olabat kraikraibat langa mi na. Dei tok, ‘Nomeda melabat bin oldei dumbat nogudbala ting, yu album melabat YAWEI, dumaji yubin meigim pramis garram melabat. Loda taim melabat bin tenim miselp brom yu, en melabat bin dum nogudbala ting langa yu.

Jeramaiya 3:3

Blanga tharran na, nomo eni rein bin buldan en det spring rein nomo bin kaman du, najing. Yumob jis laik det gel hu oldei go en selim miselp langa eni men. Yumob nomo garram eni sheim, najing.

Jeramaiya 4:18

“Ol yumob pipul langa Juda, yumob bin bringimap dijan trabul langa yumob ronselp, dumaji yumob bin oldei jidanbat rongwei. Detlot nogudbalawei weya yumob bin oldei dumbat bin bringimap dijan trabul langa yumob. Im garra kilim yumob ded, jis laik wen sambodi jalk yumob.” Lagijat na YAWEI bin dalim mi blanga tok.

Leminteishans 3:39

If wi kipgon jidanbat laibala afta God panishim wi, wal wi kaan tok nogudbalawei blanga im.

Leminteishans 4:22

Yumob pipul brom Jerusalem bin pei blanga olabat nogudbalawei. YAWEI det trubala God nomo wandim yumob blanga jidan langa najawan kantri enimo. Im wandim jandimbek yumob langa yumob ronwan kantri. Bat yumob Idam pipul, YAWEI det trubala God garra panishim yumob. Im garra shoum ola najalot pipul yumob bin dumbat nogudbala ting.” Lagijat na det speshalwan mesinja bin tok.