Jeramaiya 5:24 - Kriol Baibul

²⁴ Yumob neba jinggabat blanga weshipbat langa mi na, nomeda aibin jandim gudbala rein, en aibin gibit yumob gudwan gadin en sid daga ebriyiya.

Jeramaiya 5:24 Iomraidhean Croise

Jenasis 8:22

Nomo. Dijan kantri garra jidan longtaim, en ola bush daga garra oldei kipgon gro en bulurrum detlot sisan, en ol detlot sisan garra oldei kipgon, en det san en det mun garra kipgon gidap en godan ebridei du.” God imselp bin tok lagijat na.

Fes Kings 17:1

Wal Ilaija bin det speshalwan mesinja brom Tishbi det taun deya langa det kantri gulum Giliyad, en imbin dalim King Eiheb, “Nomo eni rein o dyu garra buldan blanga 2 o 3 yiya oni if ai tok. Ai dalim yu dijan, dumaji YAWEI det trubala God blanga Isreil bin dalim mi.” Lagijat na Ilaija bin tok.

Job Wotfo Gudbala Pipul Abum Trabul? 29:23

Det wed blanga main bin brabli gudwan langa olabat, jis laik det feswan rein weya meigim ebribodi gudbinji wen im kaman.

Job Wotfo Gudbala Pipul Abum Trabul? 38:37

Yu reken yu gin kaundimap ola klaud o meigim ola rein buldan

Job Wotfo Gudbala Pipul Abum Trabul? 5:10

God oldei jandim rein blanga wodarimbat ola fam.

Ola Saam 147:8

Im pudum ola klaud ebriweya langa skai. Im meigim rein buldan langa dijan kantri, en im meigim gras gro ebriweya langa ola hil.

Ola Saam 65:9

Yu lukaftumbat dijan graun. Yu jandimdan rein en meigim det graun jidan brabli gudwan wulijim ola daga garra gro. Yu bilimap ola draiwan krik en ola riba garram woda. Yu pudum ola plent langa graun blanga ola pipul blanga dagat, en yu growimap olkain daga. Yu na dumbat ol dislot ting.

Aisaiya 64:7

Nomo eni pipul oldei kaman blanga weshipbat langa yu neim, o jidan brabli trubalawei langa yu. Yubin gibit melabat bekboun, en yubin larram melabat nogudbalawei tenimwei melabat brom yu du.

Jeramaiya 10:13

Wen im tok det thanda jingat adbala langa skai, en im bringimap ol detlot klaud. Im meigim det laitining laitlait langa det rein, en im jandim win brom im stowa rum.

Jeramaiya 14:22

Nomo eni drimin sheip langa eni kantri garram pawa blanga jandim rein. Det skai kaan meigim rein buldan. Dumaji oni yu na, YAWEI, gin jandim rein wulijim melabat trastimbat yu blanga melabat God.” Lagijat na detlot Juda pipul bin tok.

Jeramaiya 2:19

Blanga yumob ronwan nogudbalawei garra panishim yumob, dumaji yumob bin tenawei brom mi, en tharran na garra jadjim yumob. Yumob garra len im brabli nogudbala ting wanim yubin dum wen yubin gibit bekboun langa mi. Mi na YAWEI det brabli boswan God blanga yumob, en yumob nomo bin jidan trubala langa mi.”

Jeramaiya 3:3

Blanga tharran na, nomo eni rein bin buldan en det spring rein nomo bin kaman du, najing. Yumob jis laik det gel hu oldei go en selim miselp langa eni men. Yumob nomo garram eni sheim, najing.

Jeramaiya 5:22

Wal mi na YAWEI. Wotfo yumob nomo bradin langa mi? Wotfo yumob nomo sheiksheikbat en baudan lida langa mi? Aibin pudum sengraun raidaran langa solwoda blanga stapam det solwoda. Im garra jidan olagija en det solwoda kaan krosim det sengraun. Detlot solwoda gin go brabli haiwan, bat im kaan go raidoba langa det sengraun, en det weib gin meigim bigwan nois, bat im kaan breik thru det sengraun.

Jeramaiya 50:5

Olabat garra askim blanga det wei weya im go langa Saiyan, en olabat garra go langa det roud. Olabat garra meigim olagijawan pramis garram mi en olabat kaan neba breigim tharran.

Hoseiya 3:5

Bambai dei garra tenim miselp en kambek langa YAWEI det trubala God blanga olabat, en dei garra bulurrum det king hu garra kamat brom det femili lain blanga King Deibid. Det taim garra kaman weya detlot Isreil pipul garra kaman bradinbalawei langa YAWEI, en dei garra abumbat ola gudbala ting weya im wandi gibit olabat.

Hoseiya 6:1

Wal ola pipul bin tok, “Wal kaman na. Wi garra gobek langa YAWEI det trubala God blanga wi. Nomeda imbin panishim wi, bat stil im garra meigim wi gudbala. En nomeda imbin ardim wi, bat stil im garra album wi.

Jowal 2:23

“En ol yumob pipul hu jidan langa Saiyan det speshalwan hil blanga God, yumob garra hepi en gudbinji du, dumaji YAWEI det trubala God blanga yumob bin dum brabli gudbala ting blanga yumob. Imbin jandim det rein langa yumob brabliwan. Rait taim imbin jandim blendibala rein langa yumob.

Eimos 4:7

Aibin stapam ola rein weya yumob bin wandim blanga meigim ola daga langa yumob pedik gro. Aibin jandim rein langa wanbala taun en najing langa najawan taun. Rein bin buldan langa wanbala pedik en najawan pedik bin jidan draiwan.

Sekaraiya 10:1

Wal mi na Sekaraiya bin kipgon tok, “Wal wen im taim blanga detlot daga blanga gro, askim YAWEI det trubala God blanga jandim rein. YAWEI na oldei jandim ola klaud en rein, im meigim ola tri langa ola gadin grinwan blanga im pipul olabat.

Methyu 5:45

En wen yu dum lagijat langa olabat, yu meigim miselp brabli san blanga det Dedi blanga wi langa hebin, dumaji im laigim ebribodi, en im oldei meigim det san shain mijamet langa ola gudbala en nogudbala pipul, en im oldei jandim det rein mijamet langa ola gudbala en nogudbala pipul du.

Eks Hau Det Gudnyus Blanga Jisas Krais Bin Spredat Ebriweya 14:17

Bat imbin oldei shoum olabat imbin deya, dumaji imbin oldei dumbat gudbala ting blanga olabat. Im na oldei jandim det rein brom top, en im na oldei meigim ola daga gro wen im det rait taim. Im na oldei gibit yumob daga en meigim yumob gudbinji.” Lagijat na det dubala bin jinginat langa detlot pipul.

Dyudaranami 28:12

Im garra jandim rein langa det raitwan taim brom im ritjwan stowa haus langa top, en im garra album yumob blanga dum det wek blanga yumob, wulijim yumob gin lendim mani langa detlot najalot traib, bat yumob kaan askim najalot blanga mani dumaji yumob garra abum detmatj ebrijing.

Jeims 5:7

Wal main braja en sista olabat, yumob nomo wandim slekbek. Yumob garra weit en jandap strongbala raidap Jisas Krais det Bos blanga wi garra kambek. Wal yumob jinggabat det fama. Wen im plentim ola sid langa graun, im kaan meigim det daga kamat streidawei. Im garra weit raidap det rein buldan blanga meigim det daga kamat.

Rebaleishan 11:6

Wal det dubala witnis, dubala garram pawa blanga jadimap ola klaud en stapam det rein olawei langa det taim weya dubala spredimat det speshalwan wed blanga God. Dubala garram pawa blanga meigim ola springwoda go blad, en dubala garram pawa du blanga meigim olkainaba siknis en trabul kaman langa dijan kantri wen dubala wandim.