Jeramaiya 5:1 - Kriol Baibul

¹ Wal aibin kipgon tok, “Ol yumob pipul brom Jerusalem, wal yumob garra lafta lukaran ebriweya langa detlot strit, en langa ola pleis weya dei selimbat ola ebrijing du. Yumob reken yumob gin faindim sambodi hu gin dum wanim im rait, en im trai jidan brabli trubalawan langa God? If yumob gin faindim sambodi, wal YAWEI det trubala God garra larramgo ol detlot pipul langa Jerusalem fri brom olabat nogudbalawei.

Jeramaiya 5:1 Iomraidhean Croise

Fes Kings 19:10

En Ilaija bin tok, “YAWEI yu na Boswan God, en aibin oldei wek blanga yu en nomo blanga najalot. Bat detlot Isreil pipul nomo bin kipum det brabli strongwan pramis weya yubin meigim garram olabat, en deibin breigimap detlot teibul blanga ofring, en deibin kilim ola speshalwan mesinja blanga yu, en oni mi na wanbala speshalwan mesinja laibala tudei, en olabat trai blanga kilim mi ded!”

Sekan Kranakuls 16:9

YAWEI im oldei wotjimbat ebribodi, en im meigim strongbala detlot hu oldei duwit trubalawei langa im. Bat yubin dum nogudbala ting, en blanga tharran na yu kantri kaan jidan gudbala igin.”

Ola Saam 12:1

Album melabat YAWEI! Ola gudwan pipul ol gon na. Tudei yu kaan faindim pipul lagijat enimo hu jidan trubalawei.

Ola Saam 14:2

YAWEI im lukdan brom hebin blanga luk if enibodi jidan raitwei, en if enibodi weship im du.

Ola Saam 14:3

Bat deibin ol tenawei brom YAWEI, en holot na jidan nogudwan. Nobodi dum rait ting enimo.

Ola Saam 94:16

Hubin jandap blanga mi langa ola nogudbala pipul? Hubin bekimap mi brom ola brabli wikitwan pipul?

Prabebs 20:6

Loda pipul reken dei jidan yu fren trubalawei, bat im adwan blanga faindim sambodi yu gin trastim.

Prabebs 23:23

Yumob garra len blanga abum gudwan main en jidan trubalawei, en yumob garra len en sabi mowa en nomo fogedabat tharran.

Prabebs 8:3

Im oldei jandapbat wansaid langa det geit blanga det taun en im oldei jinginat deya.

Brabli Gudwan Song 3:2

Aibin luk ebriweya langa det bigbala taun, en oloba langa detlot strit en lilwan roud. Aibin lukabat main olmen. Aibin lukabat ebriweya, bat ai nomo bin faindim im.

Aisaiya 59:4

“En yumob nomo gibit feyago langa najalot pipul, en yumob oldei dalimbat laiya langa det kothaus. Yumob oldei dumbat nogudbala ting en meigimbat trabul.

Jeramaiya 2:29

Wotfo yumob brabli einggri? Wotfo yumob oldei gibit bekboun langa mi?

Jeramaiya 44:15

Afta na, ol detlot men hubin sabi olabat waifmob bin gibitbat sekrifais langa drimin, en ol detlot wuman hubin jandapbat mijamet deya garram detlot Isreil pipul hubin jidan sauthwei langa Ijip, bigismob pipul bin deya en deibin ol tok langa mi,

Jeramaiya 8:6

Mi oldei weidabat en lisinbat olataim blanga yumob garra tok langa mi, bat yumob nomo bin toktok trubalawei. Nomo enibodi fil sori blanga im nogudbalawei, en nomo enibodi askimbat mi, ‘Wanim aibin dumbat rong?’ Ebribodi jis kipgon im ronwei, jis laik detlot hosis weya ranranbat blanga fait.

Jeramaiya 9:2

Ai wandim abum pleis langa det deset kantri blanga jidan deya wulijim ai gin gidawei brom main pipul olabat, dumaji olabat nomo jidan trubalawan, en olabat jidan brabli trikibala.

Jeramaiya 9:7

“Wal ai garra meigim main pipul olabat jidan klinbala jis laik det gol weya dei meigim klinbala brom ola rabish. Ai garra testimbat olabat laif. Dumaji main pipul olabat oldei dumbat nogudbala ting, wal wanim najawan ting ai garra dum langa olabat?

Isikiyel 22:30

“Wal aibin trai lukaran blanga sambodi hu gin wonim detlot pipul en dalim olabat blanga ola nogudbala ting weya deibin dumbat. Im jis laik aibin trai faindim sambodi hu gin bildimbek det rabishwan wol blanga kipum det taun seifwan, dumaji aibin brabli wail en aibin gulijap binijimap det kantri. Bat ai nomo bin faindim enibodi. Najing.

Isikiyel 9:9

Wal God bin ensim mi na. Imbin tok, “Detlot pipul langa Isreil en Juda, olabat brabli giltiwan brom olabat nogudbalawei. Deibin medrimbat loda pipul ebriweya langa dijan kantri, en olabat bin dum loda nogudbala ting langa Jerusalem. En olabat tok, ‘YAWEI kaan luk langa melabat. Imbin fogedabat dijan kantri.’

Denyul 12:4

“Wal Denyul yu jadimap det buk na, en pudum bush gam langa im raidap det taim garra binij langa dijan wel. Bigmob pipul garra weistimbat taim wen olabat trai blanga sabi wanim garra hepin.” Lagijat na det einjul bin tok.

Jowal 2:9

Dei ran langa det taun, en dei galimap ontop langa det wol, en dei gowin langa ola haus thru langa ola windo jis laik ola stilinbala gowin.

Sekaraiya 2:4

En imbin bin dalim im, “Ran langa det yangbala men garram det string blanga meshurum en dalim im dijan wed brom YAWEI det trubala God. YAWEI bin tok ‘Dumaji detmatj pipul en buligi garra jidan langa Jerusalem, im garra jidan brabli bigwan en im kaan abum eni wol.

Luk Bin Dalim Ola Stori Blanga Jisas Langa Wan Jintail Men 14:21

“Wal det wekinmen bin gobek, en imbin dalim det boswan wanim detlot pipul bin ol tok, en det boswan bin gitwail, en imbin dalim det wekinmen, ‘Yu go ebriweya langa taun, en yu go kwikbala en bringimbek ola powan en kripulwan en blainwan en leimwan pipul.’