Jeramaiya 49:19 - Kriol Baibul

¹⁹ Wal jis laik det laiyan weya kamat brom det bush kantri gulijap langa det Jodan Riba en go langa det grinwan gras kantri blanga gajim detlot ship, ai garra kaman en meigim detlot Idam pipul ranawei kwikbala brom olabat kantri. Afta tharran, ai garra pikimat wanbala lida hu garra jidan bos langa det kantri. Hu gin jidan lebulwan langa mi? Hu gin fait langa mi? Wujan boswan gin agamin langa mi?

Jeramaiya 49:19 Iomraidhean Croise

Fes Kranakuls 12:15

Langa det feswan manth blanga wanbala yiya, langa det taim wen det Jodan Riba bin fladwoda, deibin krosoba det riba en bin andimwei ol detlot pipul hubin jidan langa det beli kantri langa sanraiswei en sangodanwei langa det riba.

Sekan Kranakuls 20:6

en imbin prei adbala na, “YAWEI, yu na bin det boswan blanga melabat grengrenfathamob, en brom hebin yu na oldei hendulum ola pipul langa dijan wel. Oni yu na garram detmatj pawa en nobodi kaan bidim yu,

Job Wotfo Gudbala Pipul Abum Trabul? 41:10

En if im brabli wailwan, nobodi gin go en jandap wansaid langa im. Wal hu garra dalim mi wanim ai garra dum?

Job Wotfo Gudbala Pipul Abum Trabul? 9:19

God im mowa strongbala langa mi. En hu garra meigim im go langa kothaus blanga gibit mi feyago?

Job Wotfo Gudbala Pipul Abum Trabul? 9:21

Mi nomo gilti, bat ai nomo wori wanim garra hepin langa mi enimo.

Ola Saam 143:2

Nomo jadjim mi, yu wekinmen, dumaji yu sabi nobodi iya jidan gudbala, najing.

Ola Saam 76:7

Bat oni langa yu YAWEI, ebribodi bradin. Wen yu gitwail, nobodi kaan jandap langa yu.

Ola Saam 76:8

Brom ontop langa hebin yubin larram pipul sabi blanga yu kotkeis. Ola pipul langa dijan wel bin bradin en deibin jidan kwaitbala.

Ola Saam 89:6

YAWEI, nobodi langa hebin jidan laik yu. Nobodi deya jidan seimwei laik yu.

Ola Saam 89:8

YAWEI, Boswan God, nobodi jidan garram pawa laik yu. YAWEI, brabli trubalawei yu dum ebrijing.

Eksadas 15:11

YAWEI, yu na det trubala God, en nomo eni drimin jidan seim laik yu. Yu brabli difrin brom enibodi. Nobodi garram pawa seim laik yu. Nobodi kaan dum eni klebabala ting seim laik yu. Nobodi kaan dum bigbala wek seim laik yu.

Aisaiya 40:25

Det brabli holiwan God tok, “Hu yu reken jidan wulijim mi? Enibodi iya jidan lebul langa mi?”

Aisaiya 46:9

Wal YAWEI bin kipgon tok, “Mi na wanbala God. Nomo eni drimin en nomo enibodi jidan wulijim mi. Jinggabat wanim bin hepin longtaim.

Jeramaiya 12:5

Wal YAWEI bin tok na, “Jeramaiya, if yu brabli nokap brom ranimap detlot men, hau yu garra reis garram detlot hosis? If yu buldan deya langa det opin bush kantri, hau yu garra jandap langa det bigwan bush kantri deya langa det Jodan Riba?

Jeramaiya 25:9

wal ai garra jandim ol detlot pipul brom nowathwei, en det wekinmen blanga main gulum King Nebakanesa brom Bebalon. Ai garra bringimap olabat blanga fait langa ola pipul langa Juda en langa ol detlot frenmob blanga Juda. Ai garra binijimap ol dislot pipul, en ai garra libum olabat rabishwan olagijawan. Im garra jidan brabli nogud.

Jeramaiya 30:21

Blanga olabat bos garra kaman brom olabat ronwan kantri. Im garra kaman brom olabat ronwan pipul. Im garra kaman langa mi wen ai askimbat im. Wal hu garra kaman langa mi if ai nomo bin askimbat im? Olabat garra jidan main ronwan pipul, en mi na, olabat God.” Lagijat na YAWEI bin tok.

Jeramaiya 4:7

Det ami weya bin binijimap ola difrinwan kantri garra kaman jis laik det laiyan weya kaminap brom det pleis weya im oldei haidimbat miselp. Det ami garra libum ol detlot taun blanga Juda rabishwan, en nomo enibodi garra jidan deya laibala enimo.

Denyul 7:4

Det feswan enimul bin luk jis laiga laiyan, bat imbin abum wing jis laik igul. Wen aibin stil lukinatbat, sambodi bin pulumat im wing. Sambodi bin lidimap im, en meigim im jandap jis laik men jandap, en sambodi bin gibit im main jis laik men blanga jinggabat gudwei.

Neiham 1:6

Wal yumob dalim mi na. Wen YAWEI gitwail, hu gin jidan laibala? Hu gin jidan laibala wen God gitwail? Nobodi kaan jidan laibala, dumaji wen God gitwail brabliwei, im jis laiga bigbala faiya. Ebrijing garra binij, en ola ston garra meigim miselp das.

Sekaraiya 11:3

Detlot boswan jidan jis laik ola stakmen hubin lujim ebrijing. Bifo deibin jidan men garram pawa bat olabat najing na. Irrim detlot bos jinginat na, jis laik laiyan weya jidan langa bush kantri wen sambodi kadimdan olabat tri, deya wansaid langa det Jodan Riba.”

Nambas 16:5

Afta imbin tok langa Kora en im wekinmenmob, “Tumorro ailibala, YAWEI garra shoum wi wujan blanga im. Dumaji im na garra pikimat wanbala lida hu garra kaman en jandap gulijap langa im.

Joshuwa 3:15

en wen deibin kamat langa det riba, deibin faindim det riba bin rait ful dumaji imbin fladwodataim. Wal nomeda det riba bin ful, bat stil detlot serramonimen bin pudum olabat fut insaid langa det woda,

Rebaleishan 6:17

Det taim bin kaman blanga det dubala blanga gitwail langa melabat na, en nobodi kaan bidim dubala. Det dubala garra win.” Lagijat na deibin jingat.