Jeramaiya 49:10 - Kriol Baibul

¹⁰ Bat mi na YAWEI bin deigimwei ebrijing brom Isau en im bigininimob brabliwei, en ai sabi weya olabat oldei haidimbat miselp, bat olabat kaan haidim miselp enimo. Ola pipul brom det kantri gulum Idam bin binij na. Nomo enibodi jidan deya na.

Jeramaiya 49:10 Iomraidhean Croise

Ola Saam 37:28

dumaji YAWEI im laigim det raitwei, en im nomo libum ol detlot pipul hu jidan trubalawei langa im. Im oldei maindimbat olabat, bat YAWEI garra andimwei detlot biginini blanga ol detlot nogudbala pipul.

Aisaiya 17:14

Naitaim ola Isreil pipul jidan brabli bradinbala, bat wen ailibala kaman olabat enamimob garra ol binijap. Dijan na wanim oldei hepin langa detlot pipul hu kaman blanga teikoba en stilimbat ebrijing brom wi.”

Aisaiya 45:3

Ai garra gibit yu ola silba en gol weya bin oldei jidanbat langa sigridwan pleis wulijim yu garra sabi, mi na YAWEI det trubala God blanga ola Isreil pipul, en mi na bin gulum yu neim.

Jeramaiya 13:26

Wal YAWEI na garra deigimat yumob klos, en libum yumob, en yumob garra jidan sheim miselp na.

Jeramaiya 23:24

Nobodi kaan blandim miselp brom mi! Mi jidan ebriweya langa skai en langa graun du.

Leminteishans 4:22

Yumob pipul brom Jerusalem bin pei blanga olabat nogudbalawei. YAWEI det trubala God nomo wandim yumob blanga jidan langa najawan kantri enimo. Im wandim jandimbek yumob langa yumob ronwan kantri. Bat yumob Idam pipul, YAWEI det trubala God garra panishim yumob. Im garra shoum ola najalot pipul yumob bin dumbat nogudbala ting.” Lagijat na det speshalwan mesinja bin tok.

Eimos 9:3

If dei blandim miselp ontop langa det bigwan hil gulum Kamul, ai garra lukabat olabat en gajim olabat. If dei blandim miselp brom mi raitdan andanith langa solwoda, ai garra dalim det bigwan enimul deya blanga baidim olabat.

Obadaiya 1:6

“Wal ol yumob Idam pipul bin kamat brom Isau det grensan blanga Eibrahem, en detlot enami blanga yumob bin jidan gudfren blanga yumob basdam. Bat dei garra trikim yumob, en dei garra kaman en deigidawei ola gudwan enijing brom yumob, en dei garra andimwei yumob brom det kantri blanga yumob. Detlot pipul hubin jidan gudfren blanga yumob en hubin oldei dagadagat daga garram yumob, olabat na garra bidim yumob. Dei garra meigim det plen blanga trikim yumob, en nomeda yumob klebabala, bat stil yumob kaan sabi en luk det plen blanga olabat.

Obadaiya 1:9

Ol detlot solja blanga yumob deya langa det taun gulum Teman garra bradin brabliwei, en ebribodi langa det hil kantri blanga Isau garra dai langa det fait.

Romans 9:13

En blanga tharran na langa oltestaman God bin tok, “Aibin pikimat Jeikob, dumaji aibin laigim im. En aibin kadimat Isau, dumaji ai nomo bin laigim im.”