Jeramaiya 48:39 - Kriol Baibul

³⁹ Moweb im jidan brabli rabishwan jis laik det jag weya bin breik. Ola pipul jinginatbat en olabat sheim miselp na. Ola kantri weya jidan raidaran langa Moweb meigimbat fan langa im na. Deibin hatjamp nomo lilbit wen deibin luk wanim bin hepin langa Moweb.” Wal lagijat na YAWEI bin tok.

Jeramaiya 48:39 Iomraidhean Croise

Jeramaiya 48:13

En yumob Moweb pipul garra sabi yu kaan trastim det drimin gulum Kemosh. Im kaan album yumob, seimwei laik wen detlot Isreil pipul hubin oldei trastimbat det drimin gulum Bethel bin sabi im kaan albumbat olabat.

Jeramaiya 48:17

“Ai garra dalim detlot pipul langa detlot kantri hu jidan raidaran langa yu Moweb, blanga krai blanga yu. Holot sabi imbin brabli strongbala. Olabat garra tok blanga yu, ‘Ola pawa weya imbin abum wen imbin jidan bos bin binij na. Imbin brabli strongbala kantri garram detmatj pawa, bat najing na.’

Leminteishans 1:1

Det speshalwan mesinja im tok, “Wal Jerusalem bin abum detmatj pipul basdam, bat tudei im nomo garram enijing na, najing. Wantaim imbin brabli haibala langa dijan wel, bat tudei na im jidan jis laiga wido olgamen. En det taun bin jidan brabli gudwan taun, bat tudei im oldei jidan jis laiga prisana na.

Leminteishans 2:1

Det speshalwan mesinja bin tok, “YAWEI det trubala God imbin brabli gitwail en imbin meigim Jerusalem jidan brabli dakbala. Nomeda imbin luk brabli purdiwan, bat YAWEI bin binijimap det taun. Im najing na. Langa det seim dei na wen imbin brabli gitwail detmatj, imbin libum det Serramoni Pleis.

Leminteishans 4:1

Wal det speshalwan mesinja im tok mowa, “Wal det gudwan gol nomo shain brabliwei na, en detlot ston blanga det Serramoni Pleis leidan ebriweya langa ola roud.