Jeramaiya 48:36 - Kriol Baibul

³⁶ “Wal main hat fil rili soribala blanga Moweb en blanga detlot pipul brom Kireres, jis laik sambodi pleiplei det fyunral song garram wisul, dumaji ebrijing olabat bin abum im binij na.

Jeramaiya 48:36 Iomraidhean Croise

Sekan Kings 3:25

en deibin binijimap ola taun blanga olabat du. Wen ola Isreil solja bin gopas ola gudwan kantri deibin pudum ola rok raidap deibin gaburrumap det gudwan kantri. Deibin blokim detlot springwoda, en deibin kadimdan ola tri garram daga. Bambai deibin kamat langa det taun gulum Kireres weya det Moweb king bin jidan. Oni det taun na bin jidan. Detlot Isreil solja garram shangai bin raidaran langa det taun en deibin fait langa olabat.

Prabebs 11:4

Wen yu redi blanga dai, detlot ebrijing blanga yu kaan album yu, bat wen yu dumbat ola raitwan ting wal tharran na gin seibum yu.

Prabebs 13:22

Det gudbala men garra libum ola ebrijing blanga im langa ol im grenkid, en det gudbala men garra gajim ebrijing blanga det nogudwan men wen im dai.

Prabebs 18:11

Bat ola ritjwan pipul oldei trastimbat olabat ebrijing blanga kipum olabat seifwan, en olabat reken detlot ebrijing jidan jis laik haiwan wol langa bigwan taun.

Aisaiya 15:5

“Wal mi rili sori blanga detlot Moweb pipul. Olabat holot bin ol ranaweibat langa det kantri gulum Sowa en langa Iglashelishiya. Olabat bin kraikraibat olawei langa det roud, sambala raidap langa det taun gulum Luwith, en sambala raidap langa det taun gulum Horonaiyim. Olabat bin kraikraibat blanga wanim bin hepin.

Aisaiya 15:7

“En detlot pipul brom Moweb gowei kwikbala na. Olabat krosoba langa det Wilo Krik, en olabat deigimbat ola ebrijing olabat gin garrimapbat.

Aisaiya 16:11

“Insaid langa main hat mi ardimbat blanga Moweb en Kireres.

Aisaiya 63:15

Wal detlot pipul blanga YAWEI bin prei na, “YAWEI, yu lukdan brom yu brabli holiwan en shainiwan pleis en yu luk wanim hepining iya langa dijan wel. Maitbi yubin fogedabat melabat? Weya yu pawa? Yu shoum melabat yu oldei laigim melabat, en yu oldei kain langa melabat.

Jeramaiya 17:11

Wal aibin tok, “Enibodi hu oldei gajimbat ola ebrijing nogudbalawei, im jis laik detlot bard hu oldei lukaftumbat detlot eig weya dei nomo bin meigim. Wal lagijat wen sambodi stil jidan strongbala im garra lujim ebrijing en jidan nomo garram enijing, en im garra jidan granggibala du.

Jeramaiya 4:19

Main hat im pamping nomo lilbit. Ai kaan jidan kwaitbala. Mi tenimbat miselp, mi garram detmatj pein. Mi ardimbat nomo lilbit du, dumaji ai gin irrim detlot longwan wisul, en detlot enami jinginat adbala.

Jeramaiya 48:31

Wal ai garra lafta krai blanga ola pipul langa Moweb en blanga detlot pipul brom det taun gulum Kireres.