Jeramaiya 48:27 - Kriol Baibul

²⁷ Moweb, yu jinggabat hau yubin oldei meigimbat fan langa detlot Isreil pipul. Yubin oldei tridimbat olabat jis laik deibin rabishwan.

Jeramaiya 48:27 Iomraidhean Croise

Job Wotfo Gudbala Pipul Abum Trabul? 16:4

If ai bina jidan weya yu jidan, maitbi im bina isibala blanga mokimbat en gibitbat gudwan wed langa yu,

Ola Saam 44:13

God, ol detlot traib weya nomo weship yu bin luk wanim yubin dum langa melabat, en olabat mokimbat en laflaf langa melabat.

Ola Saam 64:8

Im garra binijimap olabat blanga detlot nogud wed deibin tok. Detlot nogudbala wed weya deibin oldei toktok garra binijimap olabat. Ebribodi hu garra luk olabat garra sheikim olabat hed blanga mokimbat langa olabat.

Ola Saam 79:4

Pipul langa najalot kantri hu nomo weship God toktok nogudwei blanga melabat. Olabat laflaf en mokimbat melabat.

Jeramaiya 18:16

Dei bin meigim dijan kantri jidan brabli nogudbala, en najalot pipul oldei rabishimbat dijan kantri. Ol detlot hu oldei gopas, dei gedim shok wanim olabat oldei lukinatbat. Olabat garra hatjamp nomo lilbit en sheikimbat olabat hed.

Jeramaiya 2:26

Wal YAWEI bin kipgon tok, “Jis laik detlot pipul hu oldei jidan sheimwan wen dei oldei stilimbat ebrijing en sambodi gajimbat olabat, wal lagijat na ol yumob Isreil pipul garra sheim miselp du, en ol yumob king en boswan wekinmen en serramonimen en ol yumob speshalwan mesinja du.

Leminteishans 1:12

Mi oldei jingat langa enibodi bat nobodi jinggabat langa mi. Mi tok, ‘Yumob luk langa mi!’ Nobodi nomo bin brabli nogudbinji laik mi. Wal det trabul na YAWEI bin gibit langa mi wen imbin brabli gitwail langa mi.

Leminteishans 1:7

Jerusalem im oldei jidan miselp kantri, en ola pipul deya oldei jinggabat det gudwan laif weya deibin oldei abumbat bifo. Wen loda enami bin kaman nobodi bin deya blanga album olabat. Detlot hubin bidim olabat bin oldei laflafbat langa olabat.

Isikiyel 25:8

Wal YAWEI det boswan God bin tok, “Dumaji detlot pipul langa Moweb reken Juda im nomo difrin brom najalot kantri,

Isikiyel 35:15

jis laik yumob bin gudbinji wen ola Isreil pipul bin binijap. Blanga yumob kantri Idam garra jidan rabishwan, nomo garram enijing. Afta tharran ebribodi garra sabi mi na YAWEI det boswan God.’ ”

Isikiyel 36:2

en dalim olabat wanim mi na YAWEI det boswan God toktokbat, ‘Blanga yumob enamimob bin mokimbat en reken yumob bigwan hil blanga olabat.

Isikiyel 36:4

“ ‘Wal ol yumob bigwan hil en lilwan hil en ola lilwan en bigwan krik, yumob lisin langa mi na wanim ai garra dum. Nomeda ola taun blanga yumob jidan rabishwan na, en ola pipul brom najalot kantri oldei laflafbat en mokimbat langa yumob,

Sefanaiya 2:10

Wal aibin tok, “Lagijat na YAWEI garra panishim detlot praudbala pipul bambai, dumaji deibin mokimbat im pipul olabat, en tok praudbalawei langa detlot pipul weya YAWEI det trubala haibala God bin pikimat blanga jidan im ronwan pipul olabat.

Sefanaiya 2:8

Wal YAWEI im tok, “Aibin irrim yumob Moweb pipul mokimbat main pipul olabat, en aibin irrim yumob Eman pipul toktokbat praudbalawei langa main pipul olabat. Yumob bin tok, ‘Melabat garra teikoba yumob kantri.’

Methyu 26:55

Brom deya Jisas bin tok langa det bigmob pipul, “Mi nomo trabulmeika. Wotfo yumob bin kaman garram naif en stik blanga grebum mi? Ebridei aibin oldei titjimbat ola pipul deya langa det Serramoni Pleis. Wotfo yumob nomo bin grebum mi deya?

Methyu 27:38

Afta na deibin pudum dubala stilinbala men langa kros du, wanbala raidensaid langa Jisas en wanbala lefthensaid langa im.