Jeramaiya 48:26 - Kriol Baibul

²⁶ Wal YAWEI bin kipgon tok, “Meigim Moweb jidan drangginbala, dumaji olabat nomo bin wandim mi blanga jidan bos blanga olabat. Moweb, yu garra rolabat oloba langa yu ronwan baku, en ola pipul garra laflafbat langa yu.

Jeramaiya 48:26 Iomraidhean Croise

Job Wotfo Gudbala Pipul Abum Trabul? 15:25

Lagijat na, dumaji olabat oldei gibit bekboun langa God det brabli haibalawan,

Job Wotfo Gudbala Pipul Abum Trabul? 9:4

God im brabli klebawan garram detmatj pawa, en wi kaan jandap langa im en bidim im, najing.

Ola Saam 2:4

Wal YAWEI im jidan bos en im lukdan brom hebin langa olabat. Im laf langa olabat. Im sabi wanim olabat toktok, en im mokimbat olabat.

Ola Saam 59:8

Bat yu laf langa olabat, YAWEI. Yu mokim ol detlot pipul brom ebri kantri hu nomo bilib langa yu.

Ola Saam 60:3

Yubin meigim ol yu pipul olabat ardimbat detmatj. Yubin meigim melabat buldanbat ebriweya laiga drangginbala.

Ola Saam 75:8

YAWEI jadjim ola nogudbala pipul, jis laik im holdim kap langa im bingga, en det kap im ful garram strongwan wain. Tharran wain im det wailwan filing blanga im. Im spilimat det wain en gibit langa ola brabli nogudbala pipul blanga dringgim. Olabat dringgim en binijimap det wain holot.

Eksadas 5:2

Wal det king bin tok, “YAWEI? Hu YAWEI? Wotfo ai garra lisin langa im en larramgo ola Isreil pipul? Ai nomo sabi YAWEI, en ai kaan larramgo detlot pipul.”

Eksadas 9:17

Nomeda imbin larramgo yu laibala, bat stil yu meigim miselp haibala, en yu nomo wandi larramgo ol im pipul olabat.

Aisaiya 10:15

“Yu king brom Asiriya yu lisin langa mi na. Yu reken det eks o sowa im mowa strongbala langa det men hu oldei yusumbat im? Yu reken det wadi gin lidimap det men hu holdimbat langa im?

Aisaiya 19:14

“Wal YAWEI bin meigim detlot lida blanga Ijip nomo sabi enijing, en blanga tharran na detlot lida nomo sabi wanim blanga dum blanga album olabat kantri. Olabat jis laik det drangginbala wen im wok en buldan langa im ronwan baku.

Aisaiya 28:8

Blanga olabat teibul jidan garram baku, en nomo enijing jidan klinbala. Ebrijing jidan brabli dardiwan.

Aisaiya 29:9

Wal aibin tok, “Yumob speshalwan mesinja, yumob nomo lisin langa mi en yumob kipgon dumbat nogudbala ting. Wal yumob kipgon jidan blainwan. En yumob jidan drangginbala, nomeda yumob nomo bin dringgimbat eni wain. Najing.

Aisaiya 51:17

Ola pipul langa Jerusalem, yumob gidap. Yumob gidap na. YAWEI bin gibit yumob detmatj panishmen, dumaji imbin brabli wail langa yumob, jis laik yumob bin dringgim grog en yumob drangginwan na. En yumob bin oldei buldanbuldanbat.

Aisaiya 63:6

Wen aibin brabli wail aibin pudum main but langa detlot pipul brom najalot kantri, en aibin meigim olabat buldan langa graun en olabat blad bin spil ebriweya langa dijan wel.’ Lagijat na YAWEI bin tok.”

Jeramaiya 48:39

Moweb im jidan brabli rabishwan jis laik det jag weya bin breik. Ola pipul jinginatbat en olabat sheim miselp na. Ola kantri weya jidan raidaran langa Moweb meigimbat fan langa im na. Deibin hatjamp nomo lilbit wen deibin luk wanim bin hepin langa Moweb.” Wal lagijat na YAWEI bin tok.

Jeramaiya 48:42

Moweb garra binij na, en nomo enijing kaan jidan deya, dumaji detlot pipul bin reken miselp mowa haibala langa mi en nomo bin teiknodis langa mi.

Jeramaiya 50:29

“Yumob enami, go en fait langa detlot Bebalon pipul. Jandimat ebriwan hu sabi hau blanga yusum det bo en erro. Yumob garra majurrumap miselp raidaran langa det taun, en yumob nomo larram enibodi ranawei. Yumob garra peiyimbek olabat blanga wanim olabat bin oldei dumbat, en yumob garra tridim olabat seimwei laik wanim olabat bin oldei dumbat langa najalot pipul, dumaji olabat bin oldei dum ebrijing praudbalawei langa mi, det brabli holiwan God blanga ola Isreil pipul.

Jeramaiya 51:39

Dumaji olabat jidan gridibala na ai garra meigim redi det padi en olabat garra ol dringgim det wain en jidan drangginwan en hepiwan. Olabat garra go en silip en olabat kaan neba gidap dumaji deibin dai.

Jeramaiya 51:57

Ai garra meigim ola boswan blanga im jidan drangginwan, en ola men hu sabi ebrijing, en detlot lidamob, en ola solja. Olabat garra go silip en olabat kaan neba gidap dumaji olabat bin dai. Dumaji mi na det king en aibin tok tharran. Mi na YAWEI det boswan God.

Jeramaiya 51:7

Bebalon, yubin jidan jis laik det golwan kap langa main bingga. Det kap bin jidan fulwan garram main einggriwan wed. Yubin meigimbat ola pipul langa dijan wel dringgim brom det kap, en tharran na bin meigim olabat jidan brabli medwan.

Leminteishans 1:21

YAWEI, yu irrim mi na. Mi jidan brabli nogudbinji, en nobodi nomo wandim album mi. Ol main enamimob bin gudbinji blanga ol detlot trabul weya yubin bringimap langa mi. Yu kaman kwikbala en panishim ol dislot enamimob laik yubin pramis langa mi.

Leminteishans 3:15

God bin panishim mi nomo lilbit en imbin jis laik imbin gibit mi adwan daga en soltiwan woda.

Leminteishans 4:21

“Yumob pipul langa Idam en Us hu heidim melabat. Yumob jidan gudbinjiwei, en yumob reken miselp gudwan, bat najing! Bambai nogudbala ting garra kaman langa yumob. Bambai yumob garra wokabat drangginbalawei, en yumob garra jidan neigidbala en sheim miselp.

Denyul 11:36

“Wal det king brom Siriya garra dum enijing im wandim. Im garra tok praudbalawei blanga hau im brabli haibala langa eni drimin, en im garra tok im mowa haibala langa det Brabli Haibala God. Im garra dum lagijat raidap det taim God garra panishim im. God bin meigim plen en im garra dum wanim imbin plen.

Denyul 5:23

Yubin dum nogudbala ting langa God det bos langa top. Yubin yusum detlot kap en boul brom det Serramoni Pleis blanga im langa Jerusalem. Yu na en ola haibala bosmen en ola waif blanga yu, bin dringgimbat wain brom detlot kap, en yumob bin preisimbat yumob ronwan drimin sheip weya yumob bin meigim brom gol, silba, kopa, aiyan, wud en ston. Wal detlot drimin sheip kaan luk en olabat nomo garram irriwol en olabat kaan dum enijing. Bat yu nomo bin rispek brabliwei det God hu gin meigim yu jidan laibala o dedbala, en gin meigim yu dum enijing im wandim yu blanga dum.

Denyul 8:10

Imbin gro brabli strongbala blanga fait langa detlot ami langa top, en langa detlot sta, en imbin tjakamdan sambala langa graun en imbin pudumbut langa olabat.

Neiham 3:11

“Wal seimwei lagijat du im garra hepin langa yumob Ninaba pipul. Yumob garra meigim miselp drangginwan, en afta yumob garra trai ranawei brom yumob enami olabat.

Hebakak 2:16

Wal seimwei na yumob Bebalon solja garra sheim miselp dumaji nobodi kaan laigim yumob en nobodi kaan shoum eni rispek langa yumob enimo, en ai garra meigim yu jidan drangginwan en wen najalot garra luk yu nomo garram klos wal yumob garra sheim miselp en olabat kaan rispek langa yumob enimo.

Sekan Thesaloniyans 2:4

Bat det men garra meigim miselp bos langa ebrijing basdam. Im garra meigim miselp bos langa ola drimin en langa enikain ting weya pipul oldei bulurrumbat, en im garra go en jidan langa det Serramoni Pleis blanga God deya langa Jerusalem, en im garra gulum miselp God.

Rebaleishan 16:19

En det taun gulum Bebalon bin split thribalawei, en ola najalot taun langa ebri kantri bin buldan. God bin jinggabat det bigwan taun, en imbin meigim brabli nogudwan trabul blanga det pleis. Imbin gibit ol detlot pipul langa det taun detmatj trabul, dumaji imbin brabli wail langa olabat.