Jeramaiya 48:1 - Kriol Baibul

¹ Dijan na wanim YAWEI det boswan God bin tok blanga det kantri gulum Moweb. Imbin tok, “Yu garra fil rili sori blanga detlot pipul brom Neibo, dumaji olabat taun bin binijap na. En detlot enami bin teikoba Kiriyathaiyim, en deibin bitsimap det strongbala taun, en blanga im pipul olabat bin jidan sheimwan na.

Jeramaiya 48:1 Iomraidhean Croise

Jenasis 14:5

Wal wen det neks yiya bin kaman, Kedalawoma en im thribala meit bin go garram ola solja blanga olabat, en deibin bidim ola Reifait pipul langa det pleis gulum Eshtarokanaim, en deibin bidim ola Susait pipul langa det pleis gulum Hem, en deibin bidim ola Emait pipul langa det opin kantri gulum Kiriyathaiyim,

Jenasis 19:37

Det bigwan doda bin abum lilboi, en imbin gulum im neim Moweb, en ol detlot Mowebait pipul bin kamat brom im na.

Sekan Kranakuls 20:10

“Wal yu luk detlot Eman pipul en Moweb pipul en Idam pipul wandi fait langa melabat. Dislot seimwan hubin fait langa melabat grengrenfathamob wen deibin trebul brom Ijip, en yu nomo bin larram olabat binijimap detlot pipul.

Aisaiya 25:10

“Wal YAWEI garram im brabli strongbala pawa garra lukaftumbat Jerusalem, bat det kantri gulum Moweb garra jidan rabishwan na, en im garra jidan wulijim draiwan gras langa wetwan pleis weya detlot buligi breigimap wen dei wokwokbat deya.

Aisaiya 25:12

Detlot brabli haibala wol blanga detlot taun langa Moweb garra binijap, en im garra buldan langa graun jis laik das.”

Aisaiya 27:3

Ai garra maindimbat det greip fam, wulijim nobodi kaan go en bitsimap detlot greiptri. Ai garra wotjimbat det pleis deitaim en naitaim, en ai garra wodarimbat detlot greiptri du.

Jeramaiya 27:3

Yu garra jandim mesij langa detlot king brom Idam, Moweb, Eman, Taya en Saidan garram detlot boswan wekinmen blanga olabat hubin kaman langa Jerusalem blanga luk King Sedakaiya.

Nambas 24:17

Tudei na ai gin luk det taim weya garra kaman bambai, en ai gin luk detlot Isreil pipul. Wanbala king jis laiga braitwan sta garra bon brom detlot Isreil pipul. Jis laik det brabli braitwan sta, im garra kaman brom Isreil. Im garra kilim detlot lida brom Moweb, en im garra bidim ola pipul blanga Seth.

Nambas 32:3

“Dijan na det kantri weya YAWEI det trubala God bin album melabat blanga gajim en dislot taun du, Etaroth, Diban, Jeisa, Nimra, Heshban, Eliyeila, Sibma, Neibo, en Biyon. Im brabli gudwan kantri blanga buligi en ship, dumaji melabat garram detmatj buligi en ship.

Joshuwa 13:19

Kiriyathaiyim, Sibma, Serashaha deya langa det lilwan hil langa det plein kantri,