Jeramaiya 45:4 - Kriol Baibul

⁴ “Bat mi na YAWEI. Ai garra breigimdan wanim aibin bildimap, en ai garra pulumap wanim aibin plentim. Ai garra dum lagijat na langa holot dijan wel.

Jeramaiya 45:4 Iomraidhean Croise

Aklisiyestis 3:3

en det rait taim blanga kilimbat enijing, en det rait taim blanga jidan gudwei, en det rait taim blanga nokamdan enijing, en det rait taim blanga bildimap enijing igin.

Jeramaiya 1:10

Tudei na ai gibit yu det pawa blanga dalim olabat hau ai garra binijap sambala pipul en bitsimap olabat taun en jandimwei sambala pipul langa difrinwan kantri, en bambai ai garra lidimap en album pipul blanga gobek langa olabat ronwan kantri en blanga growimap daga igin en bildimap ebrijing igin langa olabat kantri.”

Jeramaiya 11:17

“Wal mi na YAWEI det boswan God. Aibin growimap ola Isreil en Juda pipul, bat nomo dijan taim na. Ai garra rabishim olabat en libum olabat du. Olabat bin bringimap dijan trabul langa olabat ronselp, dumaji olabat bin dumbat nogudbala ting. Olabat bin meigim mi brabli wail wen deibin gibit sekrifais langa Beil.” Lagijat na YAWEI bin tok.

Jeramaiya 12:2

Yu na bin plentim olabat, en olabat bin abum det rut, en deibin gro en abum frut daga. Olabat oldei toktokbat gudwei blanga yu, bat olabat nomo bin laigim yu brabliwei.

Jeramaiya 31:28

Wal longtaim aibin pulumap en tjakidawei ola ebrijing, en binijimap ebrijing en jandim trabul langa ola pipul langa Isreil en Juda, bat bambai ai garra album olabat jis laik ai plentimbat en growimap olabat igin.

Leminteishans 2:6

Imbin bitsimap det Serramoni Pleis weya wibin oldei weshipbat im deya, en lagijat na imbin stapam wi blanga weship langa im deya langa detlot seikridwan dei, en det Sebathdei. Det king en ola serramonimen bin sabi YAWEI bin brabli gitwail langa olabat, en bin gibit bekboun langa olabat.

Hoseiya 2:14

Wal YAWEI bin tok, “Ai garra deigim det gel langa det deset kantri igin, en deya na ai garra tok kainbalawei langa im en meigim im wandim mi,

Dyudaranami 28:63

YAWEI bin gudbinji blanga meigim yumob rili ritjwan en imbin meigim yumob abum loda biginini. Wal seimwei im garra gudbinji blanga binijimap yumob en im garra dum loda nogudwan ting langa yumob, en im garra jandimwei yumob brom det kantri weya im garra gibit langa yumob blanga jidan.