Jeramaiya 44:16 - Kriol Baibul

¹⁶ “Melabat kaan lisin langa yu Jeramaiya wanim yubin oldei dalimbat melabat garram YAWEI neim.

Jeramaiya 44:16 Iomraidhean Croise

Ola Saam 2:3

Dei tok gija, “Det dubala bos bin teikoba langa wi. Im jis laik dubala bin taiyimap wi garram roup. Wal wi garra fait en win langa dubala. Wi garra meigim miselp fri.”

Eksadas 5:2

Wal det king bin tok, “YAWEI? Hu YAWEI? Wotfo ai garra lisin langa im en larramgo ola Isreil pipul? Ai nomo sabi YAWEI, en ai kaan larramgo detlot pipul.”

Prabebs 1:24

Aibin oldei jinginat langa yumob, bat yumob nomo bin lisin langa mi, najing. Aibin trai pudumat main bingga, bat yumob nomo bin teiknodis, najing.

Aisaiya 3:9

Blanga yumob feis shoum yumob bin dum mowa nogudbala ting wulijim detlot pipul langa det taun gulum Sadam, en yumob kaan haidim detlot nogudbala ting. Yumob garram bigiswan trabul na, en yumob bin bringimap ol dislot ting langa yumob ronselp.

Jeramaiya 11:10

Olabat bin gobek en dumbat nogudbala ting jis laik olabat grengrenfathamob bin oldei dumbat. Olabat nomo bin duwit wanim aibin dalim olabat. Olabat bin oldei weshipbat detlot drimin sheip. Detlot Isreil en Juda pipul bin breigim det strongwan pramis weya aibin meigim garram olabat grengrenfathamob.

Jeramaiya 11:8

Bat olabat nomo bin lisin en duwit langa mi. Olabat bin stil kipgon olabat ronwei en dum nogudbala ting olataim. Aibin dalim olabat blanga kipum det strongwan pramis, bat olabat nomo bin duwit. Wal aibin bringimap langa olabat ola panishmen en ola nogudbala ting weya det strongwan pramis bin tok.

Jeramaiya 13:10

dumaji ol dislot nogudbala pipul nomo bin teiknodis langa mi. Olabat bin brabli granggibala en nogudbala olataim, en olabat oldei weshipbat en preisimbat detlot drimin. Wal lagijat na olabat garra jidan jis laik dijan shot trasis en olabat kaan jidan gudwan enimo.

Jeramaiya 18:18

Afta na detlot pipul bin tok, “Wi garra lafta dum samting langa Jeramaiya. Sambala serramonimen garra jidan iya olataim blanga toktokbat langa wi, en klebabalamen blanga gibitbat wi woning, en speshalwan mesinja blanga dalimbat wi blanga God mesij. Wi garra lafta dalimbat laiya stori blanga im, en wi garra stap lisinbat langa im.”

Jeramaiya 38:4

Afta na detlot boswan wekinmen bin go langa det king. Deibin tok, “Jeramaiya garra lafta dai, dumaji im oldei toktokbat en im oldei meigimbat dislot solja blanga dijan taun gibap, en im oldei dumbat det seimwan ting langa ebribodi hu stil jidan iya langa dijan taun. Im nomo trai blanga album dislot pipul. Im oni wandim ardimbat olabat.” Lagijat na detlot wekinmen bin tok.

Jeramaiya 42:13

“Bat yumob pipul hu stil jidanbat langa Juda, yumob nomo nokambek langa YAWEI det trubala God blanga wi. Yumob kaan tok, ‘Melabat nomo wandim jidan langa dijan kantri, najing. Melabat wandim go jidan langa Ijip, weya wi kaan irrimbat blanga wo enimo, o irrimbat olabat blowimbat detlot longwan wisul blanga go blanga fait, o jidanbat hanggriwan.’ If yumob tok lagijat wal YAWEI det boswan God blanga Isreil garra tok, ‘If yumob bin meigim plen blanga go en jidan langa Ijip,

Jeramaiya 43:2

Bambai na Esaraiya det san blanga Hoshaiya, en Johanan det san blanga Kariya, en det najalot brabli praudbala men bin tok langa mi, “Yu dalimbat laiya. YAWEI det trubala God blanga wi nomo bin jandim yu blanga dalim melabat nomo blanga go en jidan langa Ijip.

Jeramaiya 44:24

Wal aibin dalim ola pipul en detlot wuman wanim YAWEI det boswan God blanga ola Isreil pipul bin toktokbat langa detlot Isreil pipul brom Juda wen olabat bin jidanbat langa Ijip. Imbin tok, “Ol yumob men en yumob waifmob bin meigim detlot strongbala pramis langa det gelwan drimin. Yumob bin meigim detlot pramis weya yumob garra kipgon gibitbat ofring oni langa im, en yumob garra spilimbat wain ofring langa im, en yumob bin kipum detlot pramis. Wal yumob gin dum lagijat. Yumob gin kipum detlot pramis weya yumob bin meigim.

Jeramaiya 6:16

Wal YAWEI bin tok langa im pipul olabat na, “Ol yumob pipul jandap weya det dubala roud krosim gija. Yumob askim wujan det gudwan roud blanga YAWEI. If yumob wok langa det gudwan roud, yumob garra jidanbat gudbinjiwei. “Bat yumob bin tok, ‘Najing! Melabat kaan duwit!’

Jeramaiya 8:12

Main pipul, yumob bin fil sheim wen yumob bin dumbat ol dislot nogudbala ting? Nomo, yumob nomo bin sheim, najing. Wal yumob garra dai jis laik det najalot bin dai. Wen ai garra panishim yumob ai garra binijimap yumob.

Jeramaiya 8:6

Mi oldei weidabat en lisinbat olataim blanga yumob garra tok langa mi, bat yumob nomo bin toktok trubalawei. Nomo enibodi fil sori blanga im nogudbalawei, en nomo enibodi askimbat mi, ‘Wanim aibin dumbat rong?’ Ebribodi jis kipgon im ronwei, jis laik detlot hosis weya ranranbat blanga fait.

Denyul 3:15

Wal ai garra gibit yumob najawan tjens. Wen yumob irrim det myusik, ol detlot longwan wisul, en det gita en ola najalot myusik, wal streidawei yumob garra pudumdan yumob feis langa graun en weship det golwan drimin sheip. If yumob nomo dum lagijat, wal yumob garra barn langa det bigwan faiya. Yumob reken eni drimin gin seibum yumob?”

Luk Bin Dalim Ola Stori Blanga Jisas Langa Wan Jintail Men 19:14

“Wal ola kantrimen blanga det haibala men nomo bin laigim im, en wen imbin gowei, deibin jandim sambala men biyain langa im blanga tok, ‘Melabat nomo wandim dijan men garra jidan king blanga melabat.’

Luk Bin Dalim Ola Stori Blanga Jisas Langa Wan Jintail Men 19:27

En detlot pipul weya nomo laigim mi en nomo bin wandim mi garra jidan king blanga olabat, wal yumob bringimap olabat iya langa mi en kilim olabat ded iya na.’ ” Lagijat na det haibala men bin tok langa det stori weya Jisas bin dalimbat detlot pipul.

Fes Semyul 8:19

Wal detlot pipul nomo bin teiknodis langa det wed weya Semyul bin dalim olabat. Deibin tok, “Nomo. Melabat stil wandim king, dumaji melabat wandi jidan wulijim najalot kantri.