Jeramaiya 43:12 - Kriol Baibul

¹² Ai garra jandim faiya langa detlot serramoni pleis blanga detlot drimin sheip brom Ijip, en det king brom Bebalon garra barnimap detlot drimin sheip, o deigimwei olabat. Jis laik detlot pipul hu oldei pikimat detlot laus brom olabat heya, wal lagijat na, det king brom Bebalon garra kaman en deigimwei ebrijing brom detlot Ijip pipul, en im garra gobek langa im kantri brabli gudbinjiwei.

Jeramaiya 43:12 Iomraidhean Croise

Sekan Semyul 5:21

Wal wen detlot Filastain soljamob bin ranawei, deibin libum ola drimin sheip blanga olabat biyain, en King Deibid en im solja olabat bin deigidawei ol detlot drimin sheip blanga olabat.

Esta 6:9

En dalim olabat blanga gibit det kout en hos langa wan haibala bos, en im garra pudum det kout langa det men dumaji yu na wandim dum gudbala ting brabliwei langa im. Brom deya det haibala bos garra lidimbat det men garram det hos olawei langa roud langa det taun en im garra jinginatbat, ‘Yumob luk! Dijan na det men weya det king im dum gudbala ting blanga shoum im rispek brabliwei.’ ”

Job Wotfo Gudbala Pipul Abum Trabul? 40:10

If yu garram detmatj pawa, wal yu werrimon detlot speshalwan klos wulijim ola pipul garra sabi yu na det king.

Ola Saam 104:2

Yu lait jidan raidaran langa yu. Yubin spredimat det skai wulijim tent,

Ola Saam 132:16

Ebrijing detlot serramonimen dum ai garra gudbinji langa olabat, en ola pipul garra sing ola song gudbinjiwei.

Ola Saam 132:18

Ai garra meigim ol im enami olabat jidan sheim nomo lilbit, bat det kantri weya im garra jidan bos garra abum detmatj ebrijing.”

Eksadas 12:12

“Wal det seim nait ai garra go ebriweya langa Ijip, en ai garra kilim ded ebri feswan boiwan san blanga ola pipul en ola enimul, en ai garra bidim ola drimin blanga detlot Ijip pipul, dumaji mi na YAWEI det trubala God.

Aisaiya 19:1

Wal aibin kipgon tok, “Wal dijan na det mesij blanga detlot Ijip pipul. YAWEI det trubala God im kaminap langa detlot pipul en im garra kaman kwikbala garram klaud. Detlot Ijip pipul jidan brabli wikwan dumaji olabat bradin nomo lilbit, en olabat drimin sheip olabat sheiksheikbat.

Aisaiya 21:9

Luk na. Sambala men garram hosis kaminap langa dubala lain.’ “En streidawei sambodi bin jingat adbala, ‘Det taun gulum Bebalon bin buldan na. Ol detlot drimin sheip langa Belabon bin buldan en breik langa det graun.’

Aisaiya 46:1

Wal YAWEI bin kipgon tok, “Det dubala drimin gulum Bel en Neibo, nomo enibodi wandim weshipbat dubala enimo. Deibin gajim det dubala drimin sheip en pudum ontop langa detlot dongki bekboun, en detlot dongki bin abum detmatj loud. En detlot drimin nomo bin seibum miselp en deibin deigimwei dubala.

Aisaiya 49:18

Ola pipul blanga yu Jerusalem, olabat kaminbek na. Mi na YAWEI det trubala God, en trubala ai dalim yu, det taun garra jidan garram detmatj pipul, en olabat garra jidan gudbinjiwei.”

Aisaiya 52:1

Wal Jerusalem, yu gidap, en jandap brabli strongbalawei. Yu brabli seikridwan taun blanga God, yu werrimonbat detlot brabli speshalwan klos blanga yu. Detlot pipul brom najalot kantri hubin bitsimap yu, olabat kaan meigimbat eni trabul langa yu igin.

Aisaiya 59:17

YAWEI oldei gibit feyago langa ebribodi jis laik det speshalwan klos weya det solja werrimon blanga fait. En imbin seibum olabat, en tharran jis laik det speshalwan het weya det solja oldei werrimon blanga stapam enijing brom kilimbat im langa hed. Imbin panishim en peiyimbek ebribodi en tharran jis laik detlot speshalwan klos det solja werrimon blanga fait.

Aisaiya 61:10

Mi brabli gudbinji en mi jinginat brabli adbala, dumaji mi sabi YAWEI im main God. Imbin seibum mi en gibit mi feyago. Tharran im jis laik detlot klos weya mi oldei werrimbat. Olabat mowa purdiwan langa detlot najalot purdiwan ting det gel o boi oldei werrimon wen dei redi blanga git merrit.

Aisaiya 61:5

Yumob Isreil pipul garra gajimbat pipul brom najalot kantri blanga lukaftumbat ola ship, en ola fam weya yumob oldei growimap ola greiptri.

Jeramaiya 10:11

“Wal yumob pipul garra lafta dalim olabat blanga detlot drimin. Dei nomo bin meigim dijan graun en det skai, en dei garra binijap dregli. Dei kaan jidan langa dijan wel enimo.” Lagijat na aibin tok.

Jeramaiya 10:15

Olabat najing, en bambai YAWEI garra binijimap olabat.

Jeramaiya 25:19

Iya na ol detlot neim blanga detlot najalot pipul hu garra dringgim brom det kap. Det king brom Ijip, en im boswan olabat, en im lidamob, ola pipul brom Ijip, en ol detlot pipul brom najalot kantri hubin jidan deya, ola king brom det kantri gulum Yus, ola king brom detlot Filastain taun gulum Eshkalan, Gasa, Ekran, en detlot hubin stil jidan langa det pleis gulum Eshdad, ola pipul blanga Idam, Moweb en Eman, ola king brom Taya en Saidan, ola king blanga det Medatareiniyan kantri, detlot taun gulum Dedan, Tema en Bus, ola pipul hu oldei kadimbat olabat heya shotwan, ola king brom Areibiya, ola king brom detlot deset traib, ola king brom Simri, Elam en Midiya, en ola king brom longwei kantri en brom gulijap kantri langa nowathwei. Ola king brom ola kantri langa dijan wel garra dringgim brom det kap. Det laswan hu garra dringgim brom det kap, im det king brom Bebalon.

Jeramaiya 43:13

King Nebakanesa garra bitsimap detlot seikridwan ston blanga Heliyapalas langa Ijip, en ai garra barnimap detlot serramoni pleis garram detlot drimin sheip blanga detlot Ijip pipul.” Wal lagijat na YAWEI bin dalim mi.

Jeramaiya 46:25

“Wal mi na YAWEI, det boswan God blanga ola Isreil pipul. Ai garra panishim Eman, det drimin blanga det taun gulum Thibs, en detlot drimin blanga Ijip, en detlot king blanga Ijip. Ai garra deigim det king blanga Ijip en detlot pipul hu oldei trastimbat im,

Jeramaiya 48:7

“Moweb, yumob bin oldei trastimbat miselp brabliwei garram yumob strongbala pawa, en ola gudwan ebrijing weya yumob bin abum, bat olabat garra bidim yumob na. Wal blanga yumob drimin gulum Kemosh im garra go langa najawan kantri, garram ol im boswan en serramonimen.

Jeramaiya 49:27

Ai garra stadimap faiya langa det bigwan wol blanga Dameskas en barnimap detlot bigwan haus blanga King Benaded du.” Lagijat na YAWEI det boswan God bin tok.

Jeramaiya 50:2

Imbin tok, “Yu garra dalim det nyus langa ebri kantri. Yu gibit det sain en dalim det nyus. Yu nomo kipum sigridwan. Detlot enami garra teikoba Bebalon. En blanga im drimin neim Maduk, im garra sheim en brabli bradin, En detlot enami garra bitsimap detlot brabli nogudbala drimin sheip.

Jeramaiya 51:44

Ai garra panishim Bel, det drimin blanga Bebalon, en ai garra meigim im libum wanim imbin oldei stilimbat, en ola pipul brom ola kantri kaan neba weshipbat im enimo. “Detlot wol blanga Bebalon bin buldan na.

Isikiyel 29:11

Fo 40 yiya nomo eni pipul o enimul kaan wok thru Ijip.

Isikiyel 29:19

Wal yu irrim mi na. Ai garra hendimoba detlot pipul brom Ijip langa im na. En im garra gajim ola gudbala ting en ola gol en im garra gibit langa ol im soljamob blanga olabat pei.

Isikiyel 30:13

“Wal YAWEI det boswan God bin kipgon tok langa detlot Ijip pipul, ‘Yumob oldei weshipbat detlot drimin sheip langa det taun gulum Mimfas. Wal ai garra bitsimap ol detlot drimin sheip. Nomo enibodi garra jidan bos deya langa yumob kantri, en yumob garra bradin nomo lilbit.

Denyul 11:8

Im garra deigimbek langa Ijip detlot drimin sheip, en ola gol en silba deibin gibit langa olabat drimin sheip. “Bambai na afta olabat bin abum kwaitbala taim blanga sambala yiya,

Sefanaiya 2:11

Bambai ola pipul garra bradin blanga YAWEI detmatj wen im garra binijimap ola drimin blanga olabat langa ola kantri. Im garra binijimap detlot drimin, en detlot pipul garra nildan langa olabat ni en weship im. Ola pipul langa olabat ronwan kantri, gulijapwan en longweiwan kantri garra dum lagijat na.”

Romans 13:12

Im jis laik yumob bin silip basdam, bat im taim blanga yumob blanga gidap, dumaji det naitaim im gulijap binij na, en det deitaim im gulijap iya. Wal wi garra libum ol detlot nogudbala ting weya pipul oldei dumbat naitaim wen im dakbala, en wi garra jidan redibala jis laik detlot solja weya oldei werrimon detlot speshalwan klos blanga fait deitaim wen det lait im shain.

Ifishans 4:24

en yumob garra meigim yumob laif nyubala jis laik yu werrimon nyubala klos wen sambodi gibit langa yu. God bin gibit yumob det nyubala laif blanga meigim yumob jidan gudbalawei, nomo garram enijing rong seimwei laik im.

Ifishans 6:11

en yumob garra yusum ola ting weya God oldei gibit langa yumob blanga bidim det boswan dibuldibul en ola nogudwan trik blanga im.

Kaloshans 3:12

Wal God im laigim yumob brabliwei, en imbin pikimat yumob blanga jidan im ronwan pipul olabat, en blanga tharran na yumob garra oldei abum filing blanga yumob Kristjan braja en sista olabat en kain langa olabat, en yumob garra meigim miselp lobala en nomo tridim enibodi adwei, en yumob kaan gitwail langa enibodi streidawei du.

Kaloshans 3:14

En yumob garra laigim yumob Kristjan braja en sista olabat brabliwei, dumaji wen yumob laigim gija brabliwei, im meigim yumob jidan wanbala.