Jeramaiya 42:7 - Kriol Baibul

⁷ Afta wen 10 dei bin gopas YAWEI bin tok langa mi.

Jeramaiya 42:7 Iomraidhean Croise

Ola Saam 27:14

Trubala, ai dalim yumob, yumob garra trastim YAWEI! Jidan strongbala en nomo bradin! Trastim YAWEI!

Aisaiya 28:16

YAWEI det boswan God im tok, ‘Aibin pikimat wanbala brabli gudwan ston, en aibin meigim det ston det meinwan ston blanga det haus blanga mi, deya langa det taun gulum Saiyan. En ai garra meigim enibodi gudbinji hu oldei trastimbat mi.

Aisaiya 30:18

“Bat YAWEI im weidabat blanga yumob blanga kambek langa im, dumaji im laigim yumob detmatj, en im brabli kainbalawan du en im fil sori blanga yumob. YAWEI na oldei dum ebrijing gudwei, en if yumob trastim im, wal yumob garra jidan brabli gudbinji.”

Jeramaiya 40:1

Wal YAWEI det trubala God bin tok langa mi afta Nebusaradan det boswan solja bin deigimat detlot tjein brom mi en larramgo mi fri langa det pleis gulum Rema. Basdam detlot Bebalon pipul bin deigim mi deya garram ol detlot najalot pipul brom Jerusalem en Juda wen deibin gajim olabat en deigimwei olabat prisana langa Bebalon.

Jeramaiya 42:8

Wal aibin jingat langa Johanan en detlot lidamob blanga detlot solja hubin go garram im, en garram ol detlot najalot pipul.

Isikiyel 3:16

Wal afta det seben dei bin binij, YAWEI bin tok langa mi igin,

Hebakak 2:3

Wal langa det taim bambai weya aibin jinggabat na, main wed garra kaman trubala. Yu gin trastim main wed blanga wanim garra hepin bambai. Maitbi im garra deigim longtaim, bat kipgon weidabat dumaji dijan trubala en im garra hepin.