Jeramaiya 42:19 - Kriol Baibul

¹⁹ Wal aibin kipgon tok, “YAWEI bin dalim yumob pipul hu stil jidan iya langa Juda, yu kaan go langa Ijip. Wal ai garra wonim yumob na.

Jeramaiya 42:19 Iomraidhean Croise

Sekan Kranakuls 24:19

bat imbin stil kipgon jandimbat speshalwan mesinja blanga dalimbat detlot pipul blanga kambek langa im. Detlot pipul nomo bin wandi lisin.

Niyamaiya 9:26

Bat nomeda yubin gud langa olabat detmatj, deibin gibit bekboun langa yu. Deibin tjakidawei det lowa yubin gibit olabat. Wen yubin jandim speshalwan mesinja blanga gibit olabat woning blanga dalim olabat blanga kambek langa yu, deibin oldei kilim olabat ded. En deibin kipgon mokimbat yu blanga meigim yu nogudbinji.

Aisaiya 21:12

“En aibin tok brom det pleis weya aibin oldei wotjimbat ebrijing, ‘Im gulijap ailibala na, bat bambai naitaim garra kaman igin. If yu wandim askim mi igin, wal yu gin kaman en askim mi igin.’ ”

Jeramaiya 38:21

Bat YAWEI bin shoum mi wanim garra hepin if yu nomo gibit miselp langa detlot Bebalon pipul.

Isikiyel 17:15

Bat det nyuwan king blanga Juda, bambai imbin gibit bekboun langa det king brom Bebalon. Imbin jandim detlot boswan wekinmen langa Ijip blanga gajim ola hosis en solja. Yu reken dijan king im gin win wen im breigim det pramis imbin meigim garram det Bebalon king? Yu reken im garra abum panishmen blanga wanim imbin dum?

Isikiyel 2:5

En nomeda if detlot pipul nomo lisin langa yu, olabat garra sabi yu na det speshalwan mesinja bin deya garram olabat.

Isikiyel 3:21

Bat yu garra dalim detlot pipul blanga jidan gudwei en nomo dumbat rong ting na en dei garra duwit langa yu, en trubala, ai kaan panishim olabat. Dumaji deibin irrim langa yu, wal ai garra larram olabat jidan laibala en yu garra jidan laibala du.” Lagijat na YAWEI bin tok.

Nambas 14:3

Wotfo YAWEI det trubala God bin wandi deigim melabat langa det kantri? Melabat garra gitkil langa wo, en olabat garra gajim melabat waif en bigininimob. Mobeda melabat lafta gobek langa Ijip.”

Eks Hau Det Gudnyus Blanga Jisas Krais Bin Spredat Ebriweya 2:40

Wal Pida bin tok langa olabat strongbalawei, en imbin kipgon dalimbat olabat, “Yumob garra tenim miselp brom det nogudbalawei en kadimat miselp brom detlot nogudbala pipul.”

Ifishans 4:17

Wal ai dalim yumob en gibit yumob woning brom det Bos blanga wi. Yumob nomo wandi kipgon jidanbat seimwei laik ol detlot najalot Jintail pipul. Dei nomo jinggabat gudwei,

Dyudaranami 17:16

Det king na nomo lau blanga abum bigmob hosis blanga im ami en im kaan jandim enibodi blanga go langa Ijip blanga baiyim ola hosis, dumaji YAWEI bin tok im ronwan pipul kaan gobek langa det kantri.

Dyudaranami 31:21

En afta, loda trabul en nogudwan ting garra kaman langa olabat. Bat dijan song garra shoum olabat ola nogudbala ting weya deibin dumbat. Wal tudei, bifo ai garra deigim olabat langa olabat kantri weya aibin pramisim olabat, ai sabi olabat jinggabat blanga det nogudbalawei.” Lagijat na YAWEI bin tok.

Fes Thesaloniyans 4:6

Bat ola Kristjan pipul kaan dum detkain nogudbala ting langa olabat braja o sista en meigim rong langa olabat. Wal melabat bin dalim yumob dijan basdam, en brabliwei melabat bin gibit yumob woning blanga diskain ting, dumaji det Boswan blanga wi garra panishim detlot pipul hu dumbat detkain ting.