Jeramaiya 40:9 - Kriol Baibul

⁹ En Gedalaiya bin tok langa olabat na, “Trubala ai dalim yumob. Yumob kaan bradin blanga wek blanga detlot Bebalon pipul. Yumob jidan iya langa dijan kantri, en yumob garra wek blanga det king brom Bebalon, en ebrijing garra jidan gudwei garram yumob.

Jeramaiya 40:9 Iomraidhean Croise

Jenasis 49:15

Lagijat na yu jidan, dumaji yu reken dijan kantri im gudwan blanga abumbat spel. Bat najing. Yu garra jidan jis laiga prisana en dumbat ola adwek blanga najalot pipul na. Yu garra garrimap ola louding blanga najalot pipul, nomo blanga yuselp.

Sekan Kings 25:24

Wal Gedalaiya bin tok langa olabat, “Trubala ai dalim yumob, yumob kaan bradin langa ola boswan wekinmen blanga Bebalon. If yumob jidan gudwei na en teiknodis langa det king brom Bebalon, wal im kaan meigim eni trabul langa yumob.”

Ola Saam 128:2

Yu garra dum wek blanga gajim ola enijing blanga yu laif, en yu garra jidan gudbalawei.

Ola Saam 37:3

Trastim YAWEI en dum gudbala ting, wulijim yumob garra jidan gudbinji en seifwan langa det kantri.

Jeramaiya 27:11

Bat if eni pipul brom eni kantri dum wanim det king brom Bebalon wandim, en wek blanga im, wal ai garra larram detlot stap deya langa olabat ronwan kantri blanga growimap gadin en jidan deya. Wal mi na YAWEI bin tok dijan.”

Leminteishans 1:1

Det speshalwan mesinja im tok, “Wal Jerusalem bin abum detmatj pipul basdam, bat tudei im nomo garram enijing na, najing. Wantaim imbin brabli haibala langa dijan wel, bat tudei na im jidan jis laiga wido olgamen. En det taun bin jidan brabli gudwan taun, bat tudei im oldei jidan jis laiga prisana na.

Leminteishans 5:9

Detlot hu oldei medrimbat, oldei wokwok eniweya dei wandim, en maitbi dei garra medrimbat melabat du wen melabat go lukabat blanga daga.